BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الخميس، 23 يوليو 2009

ازاى بـــســـهـــولـــه ؟؟؟؟!!!!!




ازاي بسهوله بعدت عني...وازاي بسهوله عاوزني اسامحك...


انتا لسه واقف مكانك...بتترجا قلبي وبتوعدو بحنانك...


نسيت زمان احساسك خانك...وانا اللي كنت واقفه في مكانك...


بتمناك ونفسي في امانك...عاوزة اكون حاجه في حياتك...
نسيت لما جتلي تقولي انتي ماتلزمنيش...


دعبت ساعتها ربي اني من غيرك ماعيش...
وخدتني الدنيا ورمتني...في عالم العذاب ودتني...
جيت قولتلك على اللي جرالي؟!!


...جيت شكلتلك على حالي؟ّ!!...
دانا سكت وفي عز جراحي منك...دعيت ربنا يسهلك...


وحاولت اقسي قلبي...لاقيت قلبي بيبكي عليك...


نفسو يرجعلك انتا ولاياليك...نفسو يرجع يبص في عنيك...
نفسي اعرف شاف منك ايه علشان يحبك...


مع انو كان بيحلالك تعذبو انتا وقلبك...
جيت متاخر ياللي كنت حبيبي...


جيت متاخر ياللي بكتني انا وسنيني...
قلبي في بعدك مات...من كتر عذابو ودمعو مات...
ان كنت جاي علشاني...فانا مابقتش محتجالك...
وان كنت جاي لقلبي اللي حبك...
فقلبي خلاص مااات....

25 مـــوهـــوم:

♥نبع الغرام♥♪≈ يقول...

السلام عليكم


الله بجد المعانى دى صح

تعرفى بجد حصلتلى انا وعشتها بحلوها ومره وبالذات لما تكونى حبيتى قوووى وبضمير ويكون جزائك الغدر والخيانه

يااااااااااااااااااااااااه

الانسان مش بينجرح قوووى غير لما بيحب بالقووووى
ايناس

حياه بلا عنوان يقول...

عاشقة الأحزان
--------------
عليكم السلام
نورتى البوست ياانوسه بشكرك على مرورك ورئيك عن البوست سعات كتير الواحد لما بيكتب بوست بيكون حاسس بيه مش شرط يكون مجربو بس حاسس بيه جدا حاسس انو فعلا حصلو وممكن يكون فى ناس كتير مروبنفس التجربه دى اكيد اللى بيحب بضمير وبصدق هو اللى بيحس اكتر بالشعور ده لان اصعب حاجه ان الانسان يتخله عن الحاجه بسهوله جدا
وزى ما قولتى ياايناس ان الانسان مش بينجرح قوى غير لما بيحب قوى للاسف فعلا صح بحيكى على رئيك الجميل تحياتى

نوسه وريمان فى هاكونا مطاطا يقول...

الحل فى الحاله دى النسيان

بس هيبقى صعب شويه


تحياتى


تيمون وبومبا بيقولولك


هاكونا مطاطا


يعنى ارمى الماضى ورا ضهرك

مدحت محمد يقول...

جميلة

حياه بلا عنوان يقول...

ريمان ونوسه فى هاكونا مطاطا
--------------------------
ايه النور ده هاكونا مطاطا فى بيتونا يامراحب يامراحب هاتو الشاى ياابناء
بشكرك على مرورك للبوست ورئيك كمان جميل وفعلا زى ما ذكرتى انو صعب بس الانسان لازم يحاول تحياتى

حياه بلا عنوان يقول...

انت تسال والكمبيوتر يجيب
---------------------------
اهلا بيك فى البوست وبشكرك على الدعوه
وان شاءالله ازور الاذاعه والمدونه تحياتى

حياه بلا عنوان يقول...

مدحت محمد
----------
اهلا بيك فى المدونه للمره الاولى وياريت متكونش الاخيره وشكرا كمان على رئيك فى البوست تحياتى

ذكرى رحيل قلم يقول...

السلام عليكم
موضوع مهم واحساس رائع

وياريت الكل ياخد نفس موقف بطلة الاغنية وميسمحشي غادر او خائن او انسان بيعاملني علي اني احتياطي يسبني برحته ويرجعلي براحته
الكلمات جميله تنفع اغنية حلوة تيجي نشوف مين يغنيها
طب فكري

ينفع شرين

طب مين

تحياتي

هه هه هه
انا سعيدة انك شلتي تاكيد الكلمة
شكرا لك

حياه بلا عنوان يقول...

ذكري رحيل قلم
---------------
عليكم السلام اهلا بيكى فى البوست وبشكرك جدا على مرورك وعلى رئيك اكيد على البوست ووممكن شرين فعلا
اه شلتها علشان متتعبش حد هههههه
تحياتى

هيثــم رمضـــان يقول...

طبعاً كالعاده بوست جميل وموضوعات أجمل (العوده للحبيب بعد التخلي عنه) بس ده بيتوقف علي حاجات كتير يعني لو هو غدر أو تخلي بدون أي أسباب منطقية وجت العوده علشان الحبيبة إحتياطي زي ما قالت ذكري رحيل قلم طبعاً يبقي الرجوع مرفوض لان ده مش حب ويبقي أي حاجه تانيه, لكن لو الفراق كان لأختلاف وجهات النظر أو أي خلاف أخر علي الرغم من وجود حب حقيقي وجت العوده بعد مراجعة النفس وتصحيح المواقف يبقي مافيش مانع يكملوا المشوار في الطريق الصح, والمهم في الاخر اللي هيحدد ده هو الحبيبة وقلبها وهي اللي تقرر إذا كان هو بيحب بجد ولا لأ وكمان بستاهل التسامح ولا لأ وكل حالة طبعاً علي حسب ظروفها.

تقبلي تحياتي وتسلم إيدك

Somaya Kamal El Din يقول...

ازاى الواحد يقدر ينسى حد حبه بجد


هو الجرح اللى كان قوووووى للدرجة دى


ولا العيب فى الحب

حياه بلا عنوان يقول...

هيثــم رمضـــان
----------------
اهلا بحضرتك فى البوست منور البوست والله
عوزه اقول لحضرتك الانسان لمابينجرح قوى بيتعب جدا فى التفكير انو يرجع للحبيب او لا بس تقريبا ان المفروض الانسان يعطى فرصه للحبيب بس تفتكر ان ممكن حد يدى مره واتنين وتلاثه وبردو نفس الحكايه ممكن يكون زى ما حضرتك ذكرت انو يكون حططها احتياطى بس للاسف ممكن تكون مش فاهمه ده لان ممكن يكون قلبها طيب وحبته بجد فى الحاله دى تقدر الحبيبه تعمل ايه بس اكيد طبعا الحبيبه هى اللى فى الاخر هتختار وتقرر لان القرار النهائى ليها وهى اللى هتتأخذ القرار اللى ينسبها ويكون الصح فى نفس الوقت
بشكر حضرتك على مرورك تحياتى

حياه بلا عنوان يقول...

Somaya Kamal El Din
---------------------
اهلا بيكى سميه فى المدونه للمره الاولى وياريت متكونش الاخيره واشوفك دايما برئيك فى اى بوست انما لو بتتكلمى عن ان ازاى الواحد يقدر ينسى الحبيب ربنا سبحانه وتعالى هو القادر على كل شىء ممكن تنجرحى قوى بس اكيد العيب مش فى الحب ممكن يكون العيب فى الاخيتار للحبيب نفسه كان غلط من البدايه لكن عمر العيب ماكان فى الحب ابدا
بشكرك على مرورك تحياتى

هيثــم رمضـــان يقول...

السلام عليكم
يا حياة في فرق بين التسامح مع الحبيب بعد التفكير ومشاركة العقل مع القلب في إتخاذ القرار وبين التسامح المستمر أو بمعني أصح التهاون اللي إنتي بتقولي عليه طيبة ولانها بتحبة, وبعدين يعني إيه الحكاية ديه تتكرر مره واتنين وتلاتة!!! ده ما يبقاش حب ده يبقي إستهتار وتصرفات واحد بيتلاعب بالقلوب ولما يعمل كده دلوقت في حد يضمن إنه ما يستمرش علي كده بعد الارتباط الرسمي وساعتها هيكون الموقف للحبيبة صعب جداً وعلشان كده بقول إن (لا يجوز إعطاء حبنا وقلوبنا لمن لا يستحق) يعني نحب حب عاقل ما ينفعش نحب إنسان غير مسؤل ونقول أصلنا بنحبة لازم اللي يحب يختار الشخص الجدير بهذا الحب, وعلي فكرة الحب مش بيجي في يوم وليلة. لأ يمكن يكون في إعجاب من أول نظرة وشعور غريب تجاه شخص معين نفتكر بيه إن هو ده الحب لكن الحقيقة ده بيكون بذرة للحب بتكبر وتنمو مع الايام ومع المواقف والتصروفات ونرويها بالاحاسيس والمشاعر علشان ما تموتش فإذا كانت التصرفات والمواقف لا تبشر بالخير فلازم ندرك إن الحب ده هيجيب لصاحبة المتاعب.
أعتذر علي الاطالة وعلي إسلوبي يمكن يكون عصبي شوية لكن ده من منطلق خوفي علي الأصدقاء -حتي لو لم أعرفهم معرفة شخصية- من الخداع بأسم الحب

مع تمنياتي للجميع بالتوفيق

حياه بلا عنوان يقول...

هيثــم رمضـــان
---------------
عليكم السلام اهلا بيك مره تانيه فى البوست اكيد طبعا فى فرق بين التسامح بعد التفكير بس سعات كتير الانسان بيتغلب عليه انو الانسان ده بيحب بجد مش بيفكر مع ذلك ممكن يكون الطرف التانى مش بيحب بجد بس الحبيبه بتتخيل انو بيحبها بجد علشان كده ممكن تاخد قرار مش فى مصلحتها وممكن يكون استهتار فعلا بس للاسف الاستهتار ممكن ياتى من اشخاص قريبه منك وممكن تحاول تتعامل معهم بنفس المعامله دى بس بردو نرجع ونقول احنا مش زيهم ونرجع تانى نفكر بتفكير انو انسان كان بيحبنا وكان فى يوم كان حبيب لكن اللى بيحب قوى هو اللى يقدر يسامح بس هيكون بعد مالحب قل لحد ما ينتهى نهائى بشكرك جدا على اهتمامك ولا يهمك على الآطاله بلعكس حاجه كويسه جدا انك تلقى حد يتناقش معاك مش يقول كلمه ونص والباقى يكون جوه قلبه ومش بيقولها انا بشكرك جدا تحياتى

فراشة يقول...

رائعة كالعادة واكتر من كل مرة فاتت

بس تفتكرى القوة دى خارجة من قلبك ولا الكبرياء والعند هما اللى بيتكلموا

الكبرياء يا حياة اللى ممكن يضيع كل شىء
لو راجع ندمان بجد اديله فرصة لكن لو مش حاسة بصدقة ابعدى وصممى على كلامك
بس بلاش اللى يتعب ويكون ضحيه هو قلبك لأنه تعب كتير واتعذب كتير فى بعده

صعب صعب هذا الشعور

حبيبتى مش عارفه اقولك حاجه

بس انتى مبدعه

حياه بلا عنوان يقول...

فراشة
-----
نوررررتى البوست بجد يارب دايما تكونى منوره على طول الدنيا كلها ياحببتى البوست بيكون رائع بيكم بئرئكم الجميله اكيد اى انسان بيحاول يتظاهر القوه لكن لو فعلا الانسان بيحس ان الطرف التانى متمسك بيه فعلا اكيد كان هيحاول زى ما قولتى وندى فرصه لكن لو الحب ده مفهوش تمسك ولا افعال اكيد بيكون الحب فاشل ولازم الانسان يقوى نفسه حتى لو كانت خدعه بس المهم يقدر هى صعبه زى ما قولتى بس ده نصيب ولازم الانسان يقطنع بالنصيب ده لان مش بيكون فى ادينا اى حاجه ممكن نعملها غير اننا بنقول يارب بشكرك يا فراشه على مرورك ورئيك الجميل تحياتى

sweet angel يقول...

السلام عليكم
-------------

كلماتك جميله
ومعانيها أجمل
اعتذر لتأخر التعليق
ولكني مررت وقرأت من قبل

خالص تحياتي لكِ
تقبلي مروري عزيزتي

حياه بلا عنوان يقول...

sweet angel
------------
عليكم السلام
نورتى البوست وبشكرك جدا على رئيك مفيش تاخير ولا حاجه ابدا بشكرك تحياتى

Hadota ... حدوتة يقول...

طبعا لا
مش بسهولة
دا مستحيل
لما حد بيجرح اوى ويمشي من غير سبب كده فى الاول الفراق بيبقى صعب
بعد كده بيبقى الانسان فقد كل رصيده عندك
لدرجة مهما رجع واتحايل عمره ما بتقدرى تسامحيه
انا عارفة الاحساس دا
:)


تحياتى

عبرتى عن احساسك بمنتهى القوة

الفراشة الصغيرة يقول...

الله يرحمه يا حياه

بس هل من وجهه نظرك ان موت القلب حل لنهاية حب

من راى انا انتى بتحاولى تنزفى القلب وتعذبيه مش تموتيه

حياه بلا عنوان يقول...

Hadota ... حدوتة
----------------
اهلا بيكى المره الاولى فى المدونه وياريت متكونش الاخيره واشوفك دايما بتعلقى لى اى بوست يعجبك وبشكرك كمان على رئيك فعلا مش بسهوله بس ممكن يكون مش مستحيل ولما حد بيمشى الواحد بيصعب عليه دايما بيفكر ليه عمل كده ليه بسبونا وبنحب دايما نعرف السبب بس ممكن يكون بدون سبب بشكرك على مرورك تحياتى

حياه بلا عنوان يقول...

الفراشة الصغيرة
--------------
اهلا الفراشة نورتى البوست طبعا سؤالك جميل اكيد لا طبعا مش الموت هو الحل بس اكيد القلب بينكسر شويا بشكرك على مرورك تحياتى

(حلـم) يقول...

سلامة قلبك


روحك



صوتك

احساسك

الله الله ع هالاحساس


وزوايا الكلمات


متناسقة

مؤثرة


بوست جميل


استمري

حياه بلا عنوان يقول...

حلـم،،
------
شكرا جدا على مرورك ورئيك فى البوست
تحياتى