BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الخميس، 28 يناير 2010

بـــتـــضــحـــك عـلـى نـفـسـك !!!!!!







يلى بتحب نفسك
لحد ما نسيت نفسك
بتضحك على مين
بتاخد حقك بنفسك
فرحان اوى بنفسك
وناسى يوم الدين
عايش بألف وش
صراحة على غش
وسط ناس تانين
بتحارب على رزقك
ونسيت ان اللى خلقك
عامل حسابك من سنين
راجع كده نفسك
قصدى ارجع كده لنفسك
اسألها كل ده منين
مستحيل رب العالمين
بعد ما حررك فى كل دين
يكون قاصد يظلمك
قلك من زمان انك مخلوق فى كبد
تصعب عليك السعادة
ولو عندك ميت ولد
تغلط فيه يستر عليك
تناديه تلاقيه وقت الشدة يراضيك
تدارى فى مين وعلى مين
عايش جوه واحد تانى
عايز تعجب ديل مين
تعجب هناء تعجب شيرين
تعجب احمد باشا تعجب الباشا حسين
سنة سنتين شوية سنين
مليون واتنين شوية ملايين
وبعد الملايين والسنين
يحس الموت بحنين
وفى الاخر هتقابل مين
لا شيرين ولا الباشا حسين
صدقنى فى الحالتين ولا واحد من الاتنين
افتكر يوم هيكون جنب اسمك لقب مرحوم
شوية يفتكروك وشوية يلعنوك
ناس من اللى حواليك
ترجع تانى تدعى عليك
فى يوم حر او برد بالنهار او باليل
وانتا لوحد اومع حد
هيزروك عزرائيل
وتلاقى نفسك بتمشى كتير
بس مش على رجلك
بتمشى على متاف الناس
اللى بيكرهك على اللى بيحبك
ناس تقول اهو مات وخلاص
وناس تقول كان مثال للنزاهة والاخلاص
والكل ينفض من حواليك
يوم اتنين اربعين
يتلموا تانى علشان يشربوا قهوة على روح معاليك
كلوا بيهجم
الله يرحمه
الله يجحمه
ياترى هيقولوا تانى اية
انتا فاهم ولا مش فاهم
جيل وبعد جيل وبعد جيل
كان اخر حاجة فيهم عزرائيل
يجى لكل الناس
مش مهم انتا خسيس ولا ابن اصيل
يجى فى ليلة
يارتنى اعرفها واحذرك
يجى فى ليلة
وادينى دلوقتى بفكرك
ربنا قال قرب خطوة واطلب كل اللى بتتمناه
هيا بس خطوة وهيديلك كل السلطان والجاه
يعم والله خطوة تصدق ان اسرع ايامنا هيا الحياة
هيا خطوة
وسيب الباقى على ربنا هو اللى خلقنا
هو اللى شايفنا كلنا
ولا هتاخد حقك بنفسك
وتفرح تانى بنفسك
وتنسى يوم الدين
وتفضل تحب نفسك
لحد ما تنسى نقسك
قولى بجد
هو انتا بتضحك على مين ؟؟؟

48 مـــوهـــوم:

ايمن الوليدى يقول...

هاى حياتو الكلام بيفكرنى بكلام صلاح جاهين كله نغم ويملاه الحكم والمثل قال اجرى يابنى ادم جرى الوحوش غير رزقيك لن تحوش مع ان كلامك فيه كتير من حياه البشر الوشين والطمع والصراحه مع النفس كتير كلامك زاى المرايه بتعكس شكلنا وضميرنا بيعكس اللى جوانا بحيكى لكل كلمه كتبتيها واتمنى ان كلنا نكون زاى اللى جوانا حتى لو كان وحش بس لازم نطلع اللى جوانا عشان نعرف حقيقتنا وتقبلى تحياتى

ريمان يقول...

والله كلماتك اقشعر لها البدن


تحياتى لقلمك

بجد كلمات محتاجين كلنا نقراها ونسال نفسنا السؤال ده

ربنا يرزقنا حسن الخاتمه

Ms Venus يقول...

كلمات جميلة وصحيحة بس مين بفهم ويعمل ؟


تحية لقلمك الجميل

لــــ زهــــــراء ــــولا يقول...

حياة
-*-*-*
ايه الكلام الجامد اوى ده
بجد تسلم الانامل اللى كتبت كل حرف
ربنا يحفظك
وحسيت انى اقرا رباعيات لصلاح جاهين
رغم بساطة الكلمات لكنها تحوى الكثير والكثير من المعانى



زهراء

أميرة الأحلام يقول...

اول مره ازور مدونتك
بجد جميله جداااا
وكلامك جميل جدااا
مليان معانى كتير قوي
يارب الكل ياخد باله منها
لان الدنيا فعلا كده
ومش هناخد اكتر من الي ربنا كاتبه لينا
احييكى على كلامك الرائع ده
تقبلي مرورى

♥نبع الغرام♥♪≈ يقول...

صباح الورد

مبروووووووووووك لمصر حبيبتى مليون مبروك

وعقبال النهائى يارب

♥نبع الغرام♥♪≈ يقول...

ربنا قال قرب خطوة واطلب كل اللى بتتمناه
هيا بس خطوة وهيديلك كل السلطان والجاه
يعم والله خطوة تصدق ان اسرع ايامنا هيا الحياة
هيا خطوة
وسيب الباقى على ربنا هو اللى خلقنا
هو اللى شايفنا كلنا
ولا هتاخد حقك بنفسك
وتفرح تانى بنفسك
وتنسى يوم الدين
وتفضل تحب نفسك
لحد ما تنسى نقسك
قولى بجد
هو انتا بتضحك على مين ؟؟؟


الله عليكى حبيبتى كلماتك جميله
وهى دى فعلا الحقيقه اللى معظمنا عيشنها
تحياتى ليكى
ومتشكره على سؤالك عنى

أحمد الصعيدي يقول...

معقولة في ناس كدة

ربنا يبعدنا عنهم

حياه بلا عنوان يقول...

ايمن الوليدى
-----------
هاى ايمن منور هو فعلا الكلام جميل وطبعا صلاح جاهين جامد جميل اللى انت ذكرته اكيد جميل فعلا الحياه بشر بوشين وش امام ربنا سبحانه وتعالى ووش تانى قصاد الناس للاسف بس المفروض ان الانسان يكون بوش واحد علشان يقدر يحدد حياته ويقدر يعيش الحياه يمكن يكون الوش المختار ليه في ناس بتعترض عليه بس هو هيكون ربنا كتبهولو وهو ده اللى هيتعامل بيه واكيد طبعا كلنا لازم نطلع اللى جوانا علشان نصفا من جوانا ونقدر نعيش حياه جميله صافيه بشكرك على مرورك
تحياتى

حياه بلا عنوان يقول...

ريمان
----
ريمان منوره ياقمر
اكيد طبعا لانها صعبه شويه بس جميله فعلا
فعلا لازم الكل يسئال بس فين الاجابه يمكن جوه كل واحد فينا بس بنكذب على نفسنا بشكرك على مرورك
تحياتى

حياه بلا عنوان يقول...

Ms Venus
---------
اهلا بيكى هى صحيحه وجميله وزى ماقولتى مين يفهم ويعمل فعلا بشكرك لمرورك
تحياتى

mohamed ghalia يقول...

فعلا الواحد مينفعش ينسى نفسه فى وسط الزحمة
مدونة راقية بجد

ذكرى رحيل قلم يقول...

السلام عليكم

وعجبي علي هذة الابيات الجميلة

علي فكرة في حديث قدسي فيما معناه ان الله عز وجل خلق الانسان وله رزقه واذا خالف الانسان الله في الفريضة المكتوبة عليه لن يخالفه الله في رزقه وسيظل مكتوب عليه

بجد كلمات جميلة جدا كلها عظة وهادفة
دمتي

حياه بلا عنوان يقول...

لولا وزهراء
-----------
شكرا لولا وزهراء على التعليق الجميل الحمدلله ان الكلمات عجبتكم كلكم ويارب دايما شكرا لمرورك
تحياتى

حياه بلا عنوان يقول...

أميرة الأحلام
----------
اهلا بيكى منوره المدونه ويارب متكونش الاولى والاخيره يارب اشوفك منوره المدونه دايما والكلمات جميله علشان انتو منورنها بالتعليقات واكيد طبعا محدش هياخد اكتر من اللى ربنا كتبه لينا الحمدلله على كل شيىء شكرا لمرورك
تحياتى

حياه بلا عنوان يقول...

إبتسامة ملاك
------------
صباح الفل عليكى
الله يبارك فيكى ربنا يخليكى وطبعا الف الف مليون مبروك لمصر
تحياتى

حياه بلا عنوان يقول...

إبتسامة ملاك
------------
ايناس ميرسى على التعليق الجميل ربنا يخليكى ليا يارب طبعا احنا اخوات لازم نسئال عن بعض بشكرك على مرورك
تحياتى

حياه بلا عنوان يقول...

أحمد الصعيدي
------------
اهلا بيك فى المدونه للمره الاولى ويارب ماتكونش الاخيره وزى ماحضرتك قول ربنا يبعدنا عنهم يارب
تحياتى

حياه بلا عنوان يقول...

mohamed ghalia
----------------
اهلا بيك فى المدونه للمره الاولى وياريت ماتكونش الاخيره وطبعا لازم محدش ينسا نفسه ابدا بشكرك على التعليق
تحياتى

حياه بلا عنوان يقول...

ذكري رحيل قلم
-------------
شكرا على التعليق الجميل وطبعا كلنا لازم ناخد بلنا من كل حاجه علشان كل حاجه محسوبه علينا بشكرك على التعليق
تحياتى

الشاعر الفنان أحمد فتحى فؤاد يقول...

و الله يا بنتى تصوير رائع ... و ألم دفين مغلف داخل قالب من الفلسفة الرقيقة
أحسنتى و أوجعتى
شكرا لك

الأرمـوطــي يقول...

شعر عامى رائع بتشيع فية روح الاسلام والتذكير بالموت وهوا الواعظ الصامت والكلمات سلسة سهلة بس ياريت تركزى اكتر على السجع مع تمنياتى بدوام التوفيق

صدفة جميلة يقول...

السلام عليكم
جميل ولونى لسه كاتب بوست زيه من شوية ايام بس هيهات هيهات ايش جاب لجاب طبعا نخلع ليكى القبعه اقصد الطقيه
ونقول جميل بس مفيش حلم ضائع فيه امل موجود دمتى بخير
انا خبط ودخلت اخشى ان يكون دخولى غير مرغوب فيه على العموم هاعرف لو زروتينى سلام
صدفه جميله

حياه بلا عنوان يقول...

الشاعر الفنان أحمد فتحى فؤاد
---------------------------
اهلا بحضرتك فى البوست وبشكرك جدا على التعليق الجميل بجدالتعليق جميل جدا اناسعيده بالتعليق جدا الحمدلله ان البوست عجبكم الحمدلله شكرا لمرورك
تحياتى

حياه بلا عنوان يقول...

الأرمـوطــي
----------
اهلا بحضرتك فى المدونه للمره الاولى ويارب ماتكونش الاخيره بشكر حضرتك على التعليق وربنا يكرمنا يارب ويارب محدش يكون اى حاجه من اللى اتعرضت فى البوست وربنا يكتبلنا الخير جميعا شكرا لمرورك
تحياتى

حياه بلا عنوان يقول...

صدفة جميلة
----------
وعليكم السلام ورحمه الله وبركاته
اهلا بيك فى البوست سورى انا مشوفتش البوست عندك علشان بس اكيد هو مختلف فى حاجات بس مش فى اى مشكله مفهاش حاجه لما نتذكر كل حاجه ويكون فى تشابه عادى مفيش مشاكل المهم اننا نعمل بيه ونفكر فى الكلام صح ونحاول ننتهز الفرصه طلما احنا بننشر حاجه ممكن ناخد منها فكره وناخد منها حاجه نستفيد منها بشكرك على مرورك
وان شاء الله هزور المدونه
تحياتى

حاول تفتكرنى يقول...

اهلا بحضرتك

كلام رائع فى سرده ومعناه

كتبت حروفك بعناية وواقعية لا تخلو من الصدق

احييك بشدة

حياه بلا عنوان يقول...

حاول تفتكرنى
------------
اهلا بيك شكرا جدا على التعليق ومنور المدونه تحياتى

شمس النهار يقول...

سألتي وجاوبتي ابلغ اجابة

بنضحك علي نفسنا طبعا

سلامي

م/ محمد صالح يقول...

اخبارك ايه اسف جدا على الغيبة الطويلة لكن كانت ظروف والحمد الله عدت انا رجعت تانى بحمله " اسمها
فكرة من كل مصرى من أجل مصر" ياريت تشاركينى فيها وكمان تنشريها انا نفسى بجد بلدنا تبقى أحسن بينا وبأفكرنا كلنا تفاصيل الموضوع موجودة فى البوست الجديد يا ريت تقرأيها

ذكرى رحيل قلم يقول...

السلام عليكم

ازيك عاملة ايه انا بدعوكي لزيارة هذا الموضوع الهام لكل فتاة مسلمة
تحياتي

دموع الورد يقول...

رائعة كلماتك

اغفر لى يا قلب
لم أكن أعلم قبل الآن
أنك أبدا لن تحيا ...
فى عالم وردى الالوان

هذه هي الحياة...

دمـــــوع الـــــورد

حياه بلا عنوان يقول...

شمس النهار
----------
اهلا بيكى فى البوست نورتى وكمان التعليق جميل بشكرك عليه
تحياتى

حياه بلا عنوان يقول...

م/ محمد صالح
----------
اهلا محمد حمدالله على السلامه المهم ان الظروف خلصت على خير بشكرك على مرورك وان شاء الله هلبى الدعوه وان شاء الله هعمل الموضوع بأذن الله
تحياتى

حياه بلا عنوان يقول...

ذكري رحيل قلم
--------------
عليكم السلام ورحمه الله وبركاته
انا الحمدلله بخير شكرا على سؤالك وانا سعيده بالدعوه وان شاء الله هدخل واقول رئى طبعا شكرا ليكى
تحياتى

حياه بلا عنوان يقول...

دموع الورد
----------
اهلا بيكى دموع الورد منوره المدونه والبوست شكرا على التعليق الجميل
تحياتى

just dream يقول...

بجد جمييييله جدا ياحياه وحقيقى انتى عبرتى بكلمات حلوة اوى
فذكر ان الذكرى تنفع المؤمنين
تسلمى ياحياه ونحتسبه ان شاء الله فى ميزان حسناتك

فراشة يقول...

ازيك يا حياة عاملة ايه
ايه الموضوع القوى قوى ده
انتى جمعتى كل اصناف البشر بعيوبهم كلها فى انسان واحد
ياااه ده كلنا بنضحك على نفسنا لأن اكيد وعلى الاقل كل واحد فيه حاجه واحدة من اللى قولتيه
موضوعك جميل جدا
ويارب نتخلص من اخطأنا ودايما نتوب ونجدد التوبة والاستغفار
سامحينى على تأخيرى

ذكرى رحيل قلم يقول...

السلام عليكم

ازيك عاملة ايه انا بدعوكي لزيارة هذا الموضوع الهام لكل فتاة مسلمة
تحياتي

مدونة رهف قلبي

http://wwwrahf.blogspot.com/2010/02/blog-post.html

حياه بلا عنوان يقول...

وكيلة نيابه مع ايقاف التنفيذ
-----------------------------
شكرا ليكى اكيد البوست جميل بالكلمات اللى فيه وجميل كمان بالتعليقات اللى بتعلقوها ويارب اكتبنا من اصحاب الجنه يارب شكرا لمرورك
تحياتى

حياه بلا عنوان يقول...

فراشة
------
الله يسلمك يافراشه انا الحمدلله
فعلا هو الموضوع جميل وبقا اجمل بيكم بوجدكم هو فعلا البوست بيتكلم عن العيوب اللى بتكون جوه كل انسان فينا بس سعات بيناقض نفسه بيقول لا انا مش فيا العيب ده لكن اكيد كل انسان جوه نفسه بيكون حاسس بالعيب لكن مش بيقدر يواجه نفسه غير لما بيلقى انتقاد من ناس كتير على العيب ده وده اللى موجود جوه كل انسان فينا ومفيش انسان مخلوق من غير عيب
شكرا فراشه على مرورك
تحياتى

حياه بلا عنوان يقول...

ذكري رحيل قلم
-------------
وعليكم السلام ورحمه الله وبركاته
انا الحمدلله شكرا على السؤال
ونورتى البوست لتانى مره
وشكرا على الدعوه وان شاء الله هدخلها واقول رئى شكرا ليكى
تحياتى

Sweet Violet يقول...

للأسف هو ده البني ادم
دايما بينسي...دايما طماع...دايما اناني ودايما بيتغر ف الدنيا
ووقت الشدة فقط بيفتكر الاخرة
v_v

Hanan Said يقول...

بجد بشكرك لانك عرفتني على مدونتك الرائعه الراقيه
ربنا يكرمك يا قمر
بجد كلماتك حلوه اووووي
ديما بحس ان لازم الواحد لما يعمل اي حاجه يفكر
ياترى لما ابعد عنهم لما فارقهم هيقولو ايه
دي كانت طيبه ومحترمه
ولا ربنا يبعدها عننا اهي ارحت لحالها
سواء الفرقا ده وانا لسه على سطح الارض
ولا لما تضمني الارض

ربنا يرحمنا برحمته
ويهدي نفسنا وصلح شئننا
تحياتي لك حبيبتي
ولسمو كلماتك

حياه بلا عنوان يقول...

Sweet Violet
-------------
اهلا بيكى منوره البوست
نقدر نقول الحمدلله على كل شىء
وان شاء الله الواحد يقدر يتغير للاحسن
تحياتى

حياه بلا عنوان يقول...

حنان سعيد
----------
اهلا بيكى فى المدونه للمره الاولى وانا اسعد جدا بمرورك للمدونه وبوجودك فيها واكون سعيده لتكرار وجودك فيها
ربنا يكرمك انتى كمان يارب شكرا جدا على التعليق الجميل ربنا يبارك فيكى يارب ويكرمك
ربنا يرحمنا جميعا ويغفر لكل امه محمد يارب ويهدينا ويصلح حال كل مسلم يارب
شكرا لمرورك
تحياتى

بسمة انور يقول...

بتضحك على مين؟؟؟

اللى بوشين بقو كتير اووووووووى
عندهم براعه وشطارة فى النفاق فظيعه

كلاماتك جميله
تسلم

حياه بلا عنوان يقول...

بـــــسمة انـــــــــور
------------------------
اهلا بيكى بسمه فعلا زى مابتقولى فى ناس كتير كده وبيقدرو يتعاملو بس مش فاهمه ازاى يقدرو يعملو ده حاجه غريبه
شكرا على التعليق
تحياتى