BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

السبت، 17 يناير، 2009

نـــهــايــه عــصــرالــصــدق !!!




أتينا في زمان مليئ بالمصاعب
زمان انقلب فيه الحق الى باطل
زمان اقتربت فيه الساعة....
ودنت دنو المشاعر من القلب النابض
وآآآه من ذاك القلب النابض
الذي لم يعد له مكان بين الخلائق
فالكلمة العليا باتت لعديمي المشاعر
والذين هم عن الحب غرائب
أما أنت أيها الفؤاد.......
فمكانك بين الأموات
إذ أصبحت منتهي الصلاحيات
ولا مكان لكلمة حق أو صدق مشاعر أو جياش أحاسيس
فالكل نبذوك لطيبك المعهود
ولن تعود حتى تتلاعب بالعواطف والقلوب
فكن كما يريدوك......
واستسلم للواقع المفروض
ولتكن رابحا ً .........
مهما جار الزمان وطالت الدروب

21 مـــوهـــوم:

قطرات من شواطئ الحياة يقول...

ضيعت عمري أغني الحب في زمن
شيئان ماتا عليه الحب والأمل
ضيعت عمري أبيع الحلم في وطن
شيئان عاشا عليه الزيف والدجل
كم راودتني بحار البعد في خجل
لا أستطيع بعادا كيف أحتمل

(للشاعر فاروق جويدة)

رحــــيـل يقول...

فكن كما يريدوك......
واستسلم للواقع المفروض

لالالالالالا اوعى تستسلمى ارتاحى مده وارجعى تانى لو استسلمتى للواقع لول لحظات حتسحى انك ضيعتى نفسك ومش عارفه انتى مين

اكيد فى بكره جاى احلى

حياه بلا عنوان يقول...

شكرا قطرات من شواطئ الحياة الكلمات جميله وشكرا لوجودل فى البوست
تحياتى

حياه بلا عنوان يقول...

رحيل انا بشكرك على رئيك واكيد فى بكره جاى ويارب يكون احسن من اللى راح ان شاءالله
تحياتى

عاشقه الرومانسيه يقول...
أزال المؤلف هذا التعليق.
عاشقه الرومانسيه يقول...

أعرف عيون هى الجمال والحسن
واعرف عيون تاخد القلوب بالحضن
وعيون مخيفه وقاسيه وعيون كتير
وبحس فيهم كلهم بالحزن
عجبى!!
"صلاح جاهين"

mosh 3aref يقول...

فكن كما يريدوك......

مش متفق معاكى يا حياه فالجملة دى
الواحد مينفعش يغير نفسوا علشان الناس او يستسلم برضه
انا عارف احنا فزمن صعب جدا تلاقى الصدق بس مش معنى كدا نمشى زى مالناس عايزه صدقينى مش هتعرفى تعيشى

ونص كيلوا برتقال علشان رحلة بقالها كام يوم كدا مش باينه
ههههههههه

karim يقول...

ما شاء الله
ليكى اسلوب و نظره كويسين جدا

تقبلى مرورى

التــســـامــح فــى الـــحـــــب يقول...

السلام عليكم موضوعك حلو بس مفيش نهايه للصدق الحمد لله الصدق موجود فى كل مكان بس المشكله ان الخداع هو الى بيظهر اكتر عشان كدا مبنحسش بوجود الصدق وطول الواحد ما صادق مع ربنا ومع نفسه اكيد هيحس بالصدق حتى ولو الدنيا كلها خداع وحضرتيك نهيتى عصر الصدق لما نشوف بعد كدا هتنهى ايه تانى ارحمينا بقى كرهتينا فى نفسينا نفسى اشوفلك ابتسامه فى موضوعاتك

بحـــر الدموع يقول...

أخيتي ..

ان جار علينا الزمان يوماً فنحن لن نعجز ولن نستسلم لبعض الأشخاص الذين يريدون تحويل حياتنا الى جحيم

وتعجبني مقولة" انت وحياتك كما تريد "
و "حياتك من صنع يديك"

لا تنسوا اخوانكم في غزة من دعائكم

||..بحــر الدموع..||

الفراشة الصغيرة يقول...

لكن بالرغم من كل شىء
الحياه لازم تمشى
وزى ما فيها وحش
فيها الحلو

دومتى بكل خير
واتمنى انك تكون كويسه
تقبلى مرورى

zainab elmosalamy يقول...

حبيبتى

أنا معاكى فى احساسك و حاسه بيكى قوى لأن أنا كمان شايفه اللى انتى شايفاه و عبرت عنه فى بوست لى عنوانه (دنيا غريبه )

"أحزن على إيه و لا إيه؟!
عاالكدب و الخداع
عاالظلم و الجشع
عاالغدر و الخيانة
و لا إنعدام الأمانه
على قلبى اللى إنكسر ومن شجونه إنفطر
إنكسر من كتر ماشاف
فى الدنيا دى من أحزان
والسبب يرجع لناس
ناس تفتكرها ناس
لكن فى الحقيقة
هى حاجه غريبه و الإسم أصبح بشر"

لكن دعينا نحلم بعالم أخر و لا تستسلمى

تحياتى

حياه بلا عنوان يقول...

عاشقه الرمانسيه بشكرل على مرورك للبوست واكيد كل كلمات صلاح جاهين رائعه بشكرك
تحياتى

حياه بلا عنوان يقول...

كريم الانسان ديما بيتصرف بنفسه اكيد بس سعات بيقول نمشى وراءكلم الناس يمكن نكسب والف سلامه عليك وشكرا لمرورك للتوبيك ورحله كويسه لاتقلقل والبرتقال غالى اليومين دول لو على حسابك ماشى هههههههههههه
تحياتى

حياه بلا عنوان يقول...

شكراكريم 2 على رئيك فى الاسلوب وبشكرك على وجودك فى البوست
تحياتى

حياه بلا عنوان يقول...

عليكم السلام ممكن يكون فى صدق بس مش كتير يامصطفى فى ناس بتتخدع فيهم انهم صدقين بجد وبعد كده بتعرف انهم كانو بيمثل الصدق وبيخدعو لكن انا عارفه ان فيه بس مش كتير المهم ان عجبك البوست انا منهتش الصدق ياعمو الوقت والحياه هى اللى بتعرف نهت ولا لا وبردو مش هلعبك معايا هههههههههههههه
شكرا لمروك للبوست
تحياتى

حياه بلا عنوان يقول...

بحر الدموع منوره المدونه ومنوره البوست لمرورك الاول فيها اكيد عمرنا ماهنعجز عن حاجه طول ماربنا موجود شكرا لمرورك
تحياتى

حياه بلا عنوان يقول...

الفراشة الصغيره الحياه مشيه اكيد لان عمرها ما هتقف ابدا بسبب اى حاجه غير اذا ربنا اراد انها تقف فااكيد كلنا مش هنقدر نعترض على امر ربنا سبحان وتعاله
شكرا لمروك الاول للبوست والمدونه
تحياتى

حياه بلا عنوان يقول...

شكرا زينب لمرورك وتحياتى ليكى واكيد كلنا لازم نعبر ونشوف التعبير ده ايه وفعلا كل انسان بيحاول يشوف من جواه اللى بيحصل واكيد محدش بيحس بحاجه غير اللى جربها ممكن او اللى فعلا شفها قبل كده والكلمات فعلا جميله ومعبره
شكرا لمروك للتوبيك
تحياتى

أحلى حياة يقول...

السلام عليكم ورحمة الله وبركاته

جات ع الجرح يابنتي
:D

حياه بلا عنوان يقول...

أحلى حياه نورتى المدونه والبوست كمان شكرا لمروك وسورى انها جت على الجرح
تحياتى