BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الاثنين، 27 ديسمبر، 2010

حــــــكــــايــة راح وقـــتـــهـــا !!!!!!!!!!!!!


حكايه راح وقتها


كل اللى بينا انتهى ما فيش ما بنا كلام حكايه راح وقتها

دى حكايه راح وقتها رجوعى ده من الآحلام

ايه تانى فى نفسك تقوله

قلى قلبك عايز منى ايه

بعد كل اللى عملتهوله

يسيبنى ليه و أهون عليه

كان قلبه نجم عالى بحبى عليته

ولما خان من نظرى نزلته ونسيته

كنت راسمه لك صوره من الملاك

فجأة لقيت الصوره غدر وبحر هلاك

ليه عايز تتكلم تانى فاكرنى هندم

لا ده وهم فى خيالك ولا عمرى هتألم

ازاى فى يوم هتنام ازاى تعيش مبسوط

وانت جارح لقلب من جرحه بيموت

بس أنا يا حبيبى قادره أهزم جوايا أحزانى

ما هو درس واتعلمته ما أمنشى ليك تانى

اياك بلاش تتكلم مش قادره أسمعك

مهما تقول وتمثل عينيك هتكذبك !!!!!

الثلاثاء، 16 نوفمبر، 2010

لـــيـــســت مـــشــكــلــتـــى !!!!!!!!


ليست مشكلتى ان لم يفهم البعض ما اعنيه ... فهذه قناعاتى ...

وهذه افكارى .... أكيب ما اشعر به ....

وأقول ما أنا مؤمنه به ...

ليس بالضروره ما أكتبه يعكس حياتى الشخصيه

فهى فى النها يه مجرد رؤيه لآفكارى ...!!!

الجمعة، 8 أكتوبر، 2010

جــــو الآســـره يـــوم الـــجــمــعــه !!!!


بسم الله الرحمن الرحيم


حبه اتكلم انهارده عن موضوع مهم جدا بالنسبه للجميع وهو جو الاسره يوم الجمعه

وهو طبعا يوم كل الناس بتستناه عشان بيكون الاسره كلها متجمعه في اليوم ده

بيكون تجمع غير عادى الاب والام مع الابناء والاحفاد وده اجمل جو طبعا بالنسبه للجميع

وبيكون فى دفء جميل جدا بي كل اسره متمعه اليوم ده وطبعا انا بتكلم عن الموضوع ده لان

انا عن نفسى حسه ان يوم الجمعه ده يوم جميل عندى بس من كام شهر بدء يكون فيه حاجه مش كمله

وطبعا بغياب خالو عنا لانه طرف من اطراف العيله هو مش ولد لكن زى ولدى وانا حسه انى مفتقداه

اما اهلو طبعا اكيد حسبن ده اكتر منى ربنا يكون فى عون اى شخص بعيد عن اهله وعن بيته واولاده

وطبعا ياايمن انت كونت حاسس بده بس دلوقتى الحمدلله بعد تجمع العيله تانى فى بيت واحد انت وابنك والمدام

حسيت بجو العيله من تانى بعد غياب طول بقو معاك فى بيت واحد وفى بلد واحده وحسيت بدفء الاسره

وهما معاك وربنا يديمها نعمه يارب على الجميع ويرجع كل متغرب يارب ويبقا الاسبوع كله يزيد من دفء الاسره

وحمدالله على سلامه محمد والمدام ياايمن وصلهم لبيتك واقامتهم معاك فى بيت واحد وخلى بالك منهم بقا وسلملى على خالو.

الثلاثاء، 31 أغسطس، 2010

ورجـــعـــت مــن تـــانـــى وــبقــولــكــم وحشــتــونــى!!!


بسم الله الرحمن الرحيم


اولا انا عوزه اقولكم كل سنه وكلكم طيبين بمناسبه شهر رمضان

وثـانـيـا بشكر كل الناس اللى سئلت عليا بجد بشكركم كلكم

ثالثا انا عارفه انى كونت غيبه عن المدونه بقالى فتره طويله

بس انا رجعت من تانى ورجمعت ومعايا خبر جميل يمكن محدش هيعرفو قوى

بس انا من فرحتى لازم اعلنو وكمان يكون فيها كلمه مبروك

انا حبيت اقول لشخص عزيز عليا وعلى العائله كمان الف مليون مبروك

وبجد اجمل يوم كان يوم 9رمضان لان سمعت فيه الخبر الجميل اللى بجد فرحت جدا

عوزه اقول لى صديقى العزيز الف مليون مبروك على رجوعك لمحمد من تانى

ويارب يارب تكون احلى اسره واجمل اسره وتكون اسره سعيده يارب فى حياتك

وفى حيات الاسره جميعا بجد يوم ماسمعت الخبر ده حسيت ان فرحانه قووووى

لانه بجد مش مجرد صديق بلعكس ده اخ كمان بجد ربنا يكرمك يارب

والف الف الف الف مبـــــروك

السبت، 3 يوليو، 2010

والـــحـــمـــد لــلــه نـــحـــحـــت !!!!!


السلام عليكم ورحمه الله وبركاته


انا حبيت ادخل اقولكم انى نجحت الحمدلله وفرحتى كبيره جدا جدا

لان طعم النجاح جميل قوى قوى مش بيتوصف ابدا

حبيت تشركونى نجاحى زى ماشركتونى فى الدعاء ان المشروع يتقبل

دلوقتى بشكر كل انسان كان بيدعيلى بجد بشكركم كلكم

وبقولكم الحمدلله نجحت بتقدير كويس قوى الحمدلله

السبت، 19 يونيو، 2010

حـــلــمــنــا ديــمــا لــبــكــره !!!


حلمنا ديما لبكره
تاج ومرسوم على رسنا

بنقول ياريت يفضل علطول حلم ومنصحاش منه

اصل ديما الحلم هو الشكل الجميل اللى جوانا

رسمناه بلون قلبنا وحفظناه جوه روحنا بقى حلمنا

زاى حته الالماظ خيفين يضيع وعايزينه قصادنا قصاد عنينا

نشوفه ويشوفنا ولما نصحى نفتكره بقلوبنا ونقول حلم جميل

بس مين يعيشه ولمين يكون يستحقه غيرنا

ونفضل نحلم ياترى شوفتينى فى حلمك

سوال بيتقال لمن حلم وياترى كلنا فى الحلم

اصدقاء

احباب

اخوات

لكن نفسى اعرف ايه هو الحلم ايه هو اللى بيكون الحلم

قلبنا عقلنا روحناوياترى كلنا بنحلم بحاجه واحده جميله

ولا كلنا بنحلم بحلم انانى مايكونش فيه الا احنا

وبس بنحلم بقصر بنحلم بيخت هو ده حلم

انتخابات ولا حلم ايه بس لكن لازم نحلم حتى لو كان حلم

واحنا عارفين انه مش لينا الحق فيه

حتى نحلم اصل الحلم فى رائى راحه بال

بطلعنا من الزمان

والمكان لدنيا تانيه يمكن عجيبه

او

غريبه

مش عارفه اوصفها بايه

لكن حقيقى ديما بنكون فى دنيا تانيه

فى عنينا احنا وبس احلى دنيا

بنتمنها يمكن مش النهارده

ويمكن مش بكره ويمكن السنه اللى جايه

لكن فى بالنا واحنا مستنين وصابرين

على حلمنا وبندعى يارب يكون فى دنيتنا

حلم وبيتحقق زاى مكان فى بالنا

الأربعاء، 26 مايو، 2010

أحـــقــا أســـتـــحـــق كـــل هـــذا !!!!




ترتسم في أذهآننآ علآمة أستفهآم كبيره
وترآودنآ أأفكآر وتسآؤلآت كثيره..!!
أحقا نستحق كل هذا أم هم مجحفون ..؟!!
هل وقعنا في خطأ الأختيآر وحسن الأنتقآء ..؟!!
أم خدعنآ بمن كنآ نعتقد أنهم أوفيآء ..؟!!
حينمآ نطعن من أقرب الآشخآص لأنفسنآ
هنآ فقط نشعر أننآ قدتكسرنآ ..؟!!
وحدث في دآخلنآ جرح عميق يصعب التئآمه
وشرخ كبير يصعب ترميمه ..؟!!
سنأسف كثيراونتحسر


لكن على مآذا ..؟!!
هل نأسف على ذلك الوقت الذي أمضينآه معهم ..؟!!
أم نأسف على تلك السآعآت التي قضينآهآ نضمد جرآحهم ..
ونصغي لأصوآت الحزن
فيهم ونوآسيهم ونحاول جاهدين أسعآدهم

وقد تدمع أعيننآ في أوقآت كثيره لأجلهم ..؟!!
أم نأسف على أننآ في يوم مآ قد أسأنآ الأختيآر
وأسأنآ زرع الثقةفي أنآس كنآنعتقد أنهم
الأطيب والأجدربصحبتنآ ..؟!!
أم نأسف على قلوبنآالتي نزفت
وقلوبهم التي قست..؟!!
المؤلم هنآ ..
أن أولئك الذين كآنوا أقرب النآس الى نفسك أصبحوا اليوم من أشدهم عدآوة لك .. وقسوة عليك ..
تصلك طعنآتهم ورصآصآتهم القآتله عن بعد ..؟!!
يؤلمونك وكأن لم يضحكوا يوما معك ..؟!!
يشتمونك وكأن لم يذوقوا يوما فرحا بجوآرك ..؟!!
تكتشف أنك عرفت حقيقتهم !!!!
ولكن في وقت متأخر وبعد فوآت الاوآن ..

تصعقك الحقيقة المرة لوهلة لتعود مرة أخرى وتسأل نفسك من جديد:
أحقا أستحق كل هذا ..؟!!
حتى وإن أخطأت .. حتى وإن زللت
من غير المعقول أن يكون حجم خطأك أكبر من حجم تلك العلاقه
وأكبر من الحب والإخلآص والصدآقه..!!

دآئما ما نردد المثل القآئل :
[ أحذرعدوك مره وأحذرصديقك ألف مره ]
ولكننآ لآنفهم معنآه الا حين نتجرع تلك المرآره
وذلك الألم ..

نعم حين نصفع نبدأ في الفهم
ونظل نبكى ونبكى على مافات
ولكن لمآذآ ..؟!!

الخميس، 13 مايو، 2010

اشـــكــرك !!!!


بسم الله الرحمن الرحيم


طبعا فى البدايه احب اشكر انسانه عزيزه عليا وهى اللى هدتنى التاج

طبعا هتتعرف لما السؤال تجى وهقول منين هى بس حبيت اشكرها

فى الاول علشان تستحق الشكر طبعا انا مش هطول وهجاوب .



قوانين التاج كالآتـــــــــــــي*

اذكر اسم من طلب منك حل هذا الواجب**

اذكر القوانين المتعلقة بهذا الواجب***

تحدث عن ستة أسرار قد لا يكتشفها من يقابلك للمرة الأولى****

حول هذا الواجب إلى ستة مدونين .. و اذكر أسماءهم مع روابط مدوناتهم في موضوعك*****

اترك تعليقًا في مدونة من حّولت الواجب عليهم .. ليعلموا عن هذا الواجب



1 - أذكـــر اســم مــن طــلــب مــنــك حــل هــذا الــواجــب ؟

( الــقــمــر الـــبـــاكـــى )


2- أذكـــر الــقــوانــيــن الــمــتــعــلــقــه بــهــذا الــواجــب ؟


(قوانين التاج كالآتـــــــــــــي*

اذكر اسم من طلب منك حل هذا الواجب**

اذكر القوانين المتعلقة بهذا الواجب***

تحدث عن ستة أسرار قد لا يكتشفها من يقابلك للمرة الأولى****

حول هذا الواجب إلى ستة مدونين .. و اذكر أسماءهم مع روابط مدوناتهم في موضوعك*****

اترك تعليقًا في مدونة من حّولت الواجب عليهم .. ليعلموا عن هذا الواجب)


3 - تــحــدث عــن ســتــه أســرار قــد لا يــكــتــشــفــهــا مــن يــقــابــلــك للــمــره الآولــى ؟


(1- ان لما اقابل حد من اول مره يقول عليا كشريه قوى ومش بحب اتكلم خالص

لكن بعد كده لما يخدو عليا واخد عليهم طبعا هزار وضحك طبعا بحدود.


2- بحب اقرب من الناس بسرعه قوى بس للاسف ممكن تتفهم غلط

بس طبعا بعدين بيفهمونى انى لما بحب حد بقرب منه جدا .


3- ممكن تكون البرود

لكن من جوايا بكون متنرفزه بس محبش ابين ده .


4 - حب الشخصيه بسرعه قوى

انا بحب الناس قوى قوى وبتعلق بيهم بسرعه وللاسف دى حاجه مش حلوه شويا


5 - الفرحه

بفرح جدا لما اقابل شخصيات تكون متقربه من شخصيتى وتفكيرى .


6 - الهدوء

لما حد بيقبلنى ويكلمنى اول مره بيقولى انتى هديه قوى بس طبعا بعدين

لما بتعرف يعرفو انى مش هديه قوى .)



أحــول هــذا الـــواجــب إلى ســتــة مــدونــيــن .. و اذكــر أسمــاءهــم مــع روابــط مــدونــاتــهــم في مــوضــوعـــك ؟


( طــبــعا لازم أحول ده اكـــيــد

1 - اول واحده بهديهولها مدونه كلمات (http://wwwfrasha.blogspot.com/ )


2 - المدونه التانيه همس القلوب ( http://hamsalqlob.blogspot.com/ )


3 - المدونه الثالثه (fotk soft ( http://forksoft.blogspot.com


4 - المدونه الرابعه رهف قلبى ( http://wwwrahf.blogspot.com/ )


5 - المدونه الخامسه أجمل لقاء ( http://heba-wwwasabnhaya.blogspot.com/ )


6 - المدونه السادسه حياه بلا امل ( http://sendrila82.blogspot.com/ )



الحمدلله تمت الاسئله على خير ويارب اكون خفيفه عليكم طول الوقت

الثلاثاء، 4 مايو، 2010

هـــل هـــو خــدعــه!!!!


يدق الحب ابوابنا ولكننا نرفض ان نقترب من ذلك الباب نرفض ان نتواصل معه

وذلك اننا نشك انه شخص مخادع يتخذ من كلمه الحب

وسيله ليرمى شباكه الخادعه وسمه القاتل حول قلب صغير

لا يعرف الا كلمه الحب الحقيقيه فمتى لا نشوه مثل تلك الكلمه الجميله لتكون صادقه

كما كانت فمتى يبتعد تلك الاشرار والمخادعين من تلويث تلك الكلمه الرقيقه التى هى تملئ

البشر بالخير والسعاده لماذا ياخذومن تلك الكلمه الجميله

ويشوهو معانيها لتكون شكل من اشكال المعانى الدنيئه

كما مامن اشخاص اصبحو يبغضون كلمه الحب لانها كانت اداه فى يد مخادع

استغلها فى السطو على مشاعر قلب برئ

فاصبحت كلمه بغضاء ماتت فيها كل المعانى الجميله

لذا لا نستمع الى دق باب الحب

فنخشى ان يكون حب مزيف

حب مغلق على فراغ الاحساس

فالحب اصبح فى مختبر الحياه كلمه يجب ان تخضع الى تحاليل كثيره

حتى لايكون حب سرطانى يميت القلب فهل للقلب بعد الموت من حياه هل للقلب بعد الجراح من شفاء
متى نحب حقيقى ومتى نعرف ان نحافظ على تلك الكلمه بمعانيها الرقيقه
ونحب بدون تعب وبدون كذب هل الحب موجود بداخلنا

نعم موجود ولكن هل نجعله حقيقه بدون كذب بدون خداع ام نحوله الى سهم قاتل

يقتل بدون وعى ماهو الهدف ماهو الجزاء ان نقتل ونخادع ببعض

الكلمات التى يثق بيها القلب من القلب لا انى ارفض ذلك الحب الفاشل

القاتل ارفض ان اكون ضحيه لمشاعر زائفه اتخذت من كلمه الحب

خنجرا مرصع بجمال الشكل

ولكن فى الحقيقه انه اداه قتل

فان لم يقتل فانه جرح اغلى مافى القلب

جرح كلمه اسمها حب

الأحد، 18 أبريل، 2010

ممكن تقولو رئيكم بصراحه !!!

بسم الله الرحمن الرحيم

انا عارفه ان اتاخرت كتير على المدونه وعلى اصحابى المدونين بس كان غصب عنى جداااا

لانى كونت مشغوله الفتره اللى فاتت كتير وطبعا لما تشوفو هتعرفو ان فعلا كونت مشغوله

بس انا رجعتلكم تانى بس عوزه منكم رئيكم ومش رئيكم بس عوزه كمان الدعاء ليا علشان



ده مستقبلى اللى هيتحدد عليه هدخل الامتحان ولا لاء ادعولى السنه دى تعدى على خير لان
كان فيها مشاكل كتير قوى وتعبنا بجد انا واصحابى

طبعا كان مطلوب منا الوان معينه يا الازرق بدرجاته يا البونى بدرجاته يا الاخضر بدرجاته


طبعا انتو عارفين انى فى معهد خط عربى وفى 2تخصص يعنى اخر سنه


ومطلوب منا مشروع وطبعا اتعمل وطبعا تعبنا فى المشاريع دى ياريت الدعاء لكل اصحابى



اللى عملو مشروع كمان زى بس مش تتفرجو بس عوزه الدعاااااء ههههههه هسبكم بقا تتفرجو




طبعا اول صوره رسم فقط بدون اللوان وطبعا ده جزء فقط





المرحله التانيه الدهبى الفاتح وبردو جزء من الرسمه طبعا










المرحله الثالثه نوعين من الدهبى الفاتح والغامق جزء بردو من الرسمه








المرحله الرابعه الوان البرواز








طبعاالصوره اللى فوق لسه مكملتش لان السلسله لسه بدوت الوان











المرحله الماقبل الاخيره وبردو جزء منها وتعبر خلصت طبعا ده جزء وطبعا بعد التحبير بالقلم الحبر








يله بقا اكيد اشتقتم تشوفوها كلها بس لسه طبعا المرحله ماقبل الكتابه هههههههه







خلاص مش هتعبكم كتير اخر مرحله وهى الفنش كله






والحمدلله كده انتهيت من المشروع وسلمته ومستنيه رقم الجلوس لو مجاش يبقا فى اعاده للسنه ربنا يستر يارب
ادعولى بقا

الجمعة، 26 مارس، 2010

رســـــالـــــه شــــــــكــــــر !!!!!!!!


بسم الله الرحمن الرحيم

انا حبيت انزل موضوع كمان لانه مرتبط بنفس الموضوع اللى فات

بس المره دى حبه اشكر فيها انسان بجد ونعمه الانسان انسان ونعمه الكلمه

انسان يستحق ان الواحد يشكره بجد ويتكلم عنه بجد هو مش محتاج حد يتكلم عنه

لكن انا واخواتى كلنا بنشكره جدا جدا على كل اللى عمله مع خالو فى الغربه

بجد مكنتش متوقعه ان لسه فى ناس كده لكن هو بجد اكدلى ان لسه فى ناس كويسه

وممكن تقابل حد ميعرفهوش ولا يعرف عنهم اى حاجه بجد احنا مش عرفين نشكره ازاى

ولا يمكن الشكر بس كفايه عليه بجد احنا كلنا بنقولك شكرا جدا جدا وبجد انت انسان كويس جدا

مش مجمله انا من اول ما اتعرفت عليك وانا بقولك الكلام ده انك انسان كويس جدا وبجد سعيده

جدا بمعرفتى بيك على فكره ياجماعه ممكن تقابل ناس متكونش متوقع انهم ممكن يكونو قريبين جدا منك

لكن فعلا ده موجود فى الحياه وانا الحمدلله يارب ربنا كرمنى واتعرفت على الانسان اللى بحكلكم عنه

وبقول بجد انى سعيده جدا جدا جدا بمعرفته وبجد مش قدره اقولكم عمل ايه مع خالو بجد ونعمه الناس

انا بقوله شـــــــــــكرا جــــــــــدا جــــــــــدا على كل اللى عملته وسعيده جدا جدا بمعرفتى بيك بجد مش كلام

وطبعا انت عارف نفسك بقا بس الناس متعرفش مين فاانا هقول بقا مين هو هو شخص طيب قوى وكويس قوى

بجد انت تستحق كل خير شكـــــرا كتــــــــــيــــــــر ومش كفايه عليك الشكر بجد انا عارفه

وعارفه انك هتعترض على اللى بقولو بس هو لازم يتقال لان دى اقل حاجه اعملهالك

تسمحلى اقدملك هديه مع الكلام ده وياريت تقبلها وهى الورده يارب تعجبك

الثلاثاء، 23 مارس، 2010

غـــربه الاحـــبـــاب !!!!!




بسم الله الرحمن الرحيم




انا عارفه ان مكنش ينفع انزل موضوع تانى دلوقتى غير بعد فتره لان ده موضوع عن الام


بس انا فكرت كويس ولقيت ان الموضوع ده لازم احطه لانه بردو مهم قوى بالنسبه ليا أنا شخصيا


عوزه احكلكم حاجه مريت بيها انهارده مريت بيها وكانت اصعب لحظه بالنسبه ليا هى فراق الاحباب


عوزه اقولكم انى انهارده فرقت انسان عزيز عليه جدا جدا عزيز عليا زى بابا وماما وهو خالى


ودعته انهارده وهو مسافر الى بلد عربيه وهيغيب عنا لمده سنتين الغربه صعبه بالنسبه ليا واخواتى وليه


واكيد لى اهله طبعا انا على قد ما انا فرحانه انه هو سعيد بالسفر لكن بالنسبه ليا حزينه جدا بجد حاجه صعبه


خالى ده بالنسبه ليا انا واخواتى الحنيه كلها والحب كله هو كان احن انسان بالنسبه للجميع مش ليا انا واخواتى بس


هو كان شخص قريب منا قوى والفرحه الكبيره لما يدخل علينا فى البيت ويضحك معانا ونحكى مع بعض


وكمان فى العيد كان يجى يصحينا من النوم انا واخواتى وهو بيكون اول واحد بيدخل علينا فى العيد بجد بتكون فرحه


كبيره جدا بيه لما بيدخل علينا دلوقتى الفرحه قلت لانه سافر انا بجد مبسوطه علشان ربنا كرمه وفى نفس الوقت حزينه


على الغربه مفكرناش ابدا انه ممكن يبعد عنا لكن نصيب الحمدلله بس بجد مش عارفه اقول ايه عليه لانه بجد اجمل انسان


دلوقتى الصديق والحنيه راحو منا يارب يرجعلنا بالف سلامه ويارب يكون سعيد فى سفره وبجد بجد هنفتقدك جدا جدا


وهنحس فعلا بغربته وهنحس بكل حاجه كان بيعملها ربنا معاه يارب ويوفقه ويكرمه يارب


بجد عوزه اقلو اننا فعلا فعلا هنحس بالغربه دى قوى لانك اقرب انسان لينا ويارب ترجعلنا بالف سلامه يارب


الأحد، 21 مارس، 2010

امـــــى !!!!!


امي رمز للحب والعطاء

وستبقى دوما دليلي بلحب كنجم قطبي في السماء

هي كل عالمي منذ زمن وهي تحمل همومي وتبعد عني العناء

رقيقة وهادئه كقصة من عهد قيس وليلى وعنتر وعبلى علمتني كيف هوا الحب والصفاء

هي كنهر النيل الخالد تمددني دوما بما يفيدني وتوجهني وقت تحس مني غباء

كاميرة هي بصفاتها لاتجد وان بحثت فلن تلاقي غير العناء

وان حادثتني تاخذني بحديثها برحلة لعالم يملئه الحب والصفاء

قلبها نقي كماء عذب نزل من السماء

احبك امي واضع قلبي تحت ارجلكي وان وضعته لغيرك فهنا هوا الغباء

لانك من اوجدني فلكى روحي وهي اقل ماتستحقين من عطاء

فقد كنتي وقت مرضي وحزني وشدتي الفراش والغطاء

لن اجد حضنا ادفا من حضنكي لاني رضعت منه كل الحب والابتعاد عن الجفاء

علمني حبكي ان احب من حولي وان ضايقوني ابالهم حبا واملئهم حنانا واتمنا لهم ان يعيشو بهناء

هذا تعلمته منكي ياحبي الاول ولن اجد كلمات تكفي قدركي وان حاولت ياعمري

اتمنا ان تجدي بها الصدق والصفاء

اعشق ارضا تمشين على ترابها وساقبل موضع اقدامك ياامي ولن اوفيك لاني تسببت لكي بلعناء

اسال الله ان ينعم علي برضاكي فهوا بابي للجنة فبدعوة منكي اسعد بحياتي وبدعوة لااجد غير العناء

كم اجد راحتي وقت شدتي وانا بين ايديكي تقرائين على جسدي كتاب الله كي تبعدي عني الكربات وقت الحزن والبكاء

لاحرمني الله منكي يانبع الحنان وراحتي ومن يحسسني بلامان وان اشتدت كربتي ليس لي غيرك يارمز العطاء


اهداء الى امى وكل ام لم تنجب وكل سنه وكل ماما طيبين

الجمعة، 19 فبراير، 2010

امــــل لـــوثــتــه كـــذبــه !!!!!!!!




يامن كنت اهواه واتمنى اللقاء معاه لماذا يقيدك عدم الامل
لماذا تتصف بالفشل لماذا لا يكون عندك لحظات من الامل لكى تعيش هذه الحياه
كم تمنيت ان تاتى لك لحظه من لحظات الامل وانا كنت اساعدك
على ان تعيش هذا الامل لكنك لم تعطينى اذن المساعده
ولكنك لاتسمح لى بهذا للاسف ووصلت للمكان المسدود
ولكن انا لا اتوقف لااتوقف الى هذه الحدود برغم الصعاب والهموم
اننى استمر ان ابقى مع الامل يملئ داخلى لكنك انت بلا امل
عايش بدون حياه ولكنى لم افقد هذا ولن افقد هذا ابدا
انك انسان يأس فى حياتك ولماذا لا أعرف لماذا
هل هذا هو العادى لديك ام انه أمر سهل عليك
ان تكون بلا أمل بلا حياه بلا روح
لما لاتعيش لحظات من السعاده وتفرح وتتخيل
انك فى حياه يملؤها الامل لكى تقدران تحيا فيها ام انت
مكبل نفسك بالاكتئاب والفشل لااعلم انك انسان ضعيف
لااعلم انك تنتقم من نفسك ومن روحك
وكم اراى انك ترتسم وتخادعنى بهذا وانه كلام فقط معى وفى الحقيقه
انت فى عالم فعلا بأمل وبحياه سعيده
ولكن لماذا تعمل هذا معى و لما تعطينى هذا الاحساس
انك عديم الامل هل لانك لم تحب
انك تكون معى ام انك تخاف ان تقدم حب وأمل لماذا كل هذا معى

الخميس، 28 يناير، 2010

بـــتـــضــحـــك عـلـى نـفـسـك !!!!!!







يلى بتحب نفسك
لحد ما نسيت نفسك
بتضحك على مين
بتاخد حقك بنفسك
فرحان اوى بنفسك
وناسى يوم الدين
عايش بألف وش
صراحة على غش
وسط ناس تانين
بتحارب على رزقك
ونسيت ان اللى خلقك
عامل حسابك من سنين
راجع كده نفسك
قصدى ارجع كده لنفسك
اسألها كل ده منين
مستحيل رب العالمين
بعد ما حررك فى كل دين
يكون قاصد يظلمك
قلك من زمان انك مخلوق فى كبد
تصعب عليك السعادة
ولو عندك ميت ولد
تغلط فيه يستر عليك
تناديه تلاقيه وقت الشدة يراضيك
تدارى فى مين وعلى مين
عايش جوه واحد تانى
عايز تعجب ديل مين
تعجب هناء تعجب شيرين
تعجب احمد باشا تعجب الباشا حسين
سنة سنتين شوية سنين
مليون واتنين شوية ملايين
وبعد الملايين والسنين
يحس الموت بحنين
وفى الاخر هتقابل مين
لا شيرين ولا الباشا حسين
صدقنى فى الحالتين ولا واحد من الاتنين
افتكر يوم هيكون جنب اسمك لقب مرحوم
شوية يفتكروك وشوية يلعنوك
ناس من اللى حواليك
ترجع تانى تدعى عليك
فى يوم حر او برد بالنهار او باليل
وانتا لوحد اومع حد
هيزروك عزرائيل
وتلاقى نفسك بتمشى كتير
بس مش على رجلك
بتمشى على متاف الناس
اللى بيكرهك على اللى بيحبك
ناس تقول اهو مات وخلاص
وناس تقول كان مثال للنزاهة والاخلاص
والكل ينفض من حواليك
يوم اتنين اربعين
يتلموا تانى علشان يشربوا قهوة على روح معاليك
كلوا بيهجم
الله يرحمه
الله يجحمه
ياترى هيقولوا تانى اية
انتا فاهم ولا مش فاهم
جيل وبعد جيل وبعد جيل
كان اخر حاجة فيهم عزرائيل
يجى لكل الناس
مش مهم انتا خسيس ولا ابن اصيل
يجى فى ليلة
يارتنى اعرفها واحذرك
يجى فى ليلة
وادينى دلوقتى بفكرك
ربنا قال قرب خطوة واطلب كل اللى بتتمناه
هيا بس خطوة وهيديلك كل السلطان والجاه
يعم والله خطوة تصدق ان اسرع ايامنا هيا الحياة
هيا خطوة
وسيب الباقى على ربنا هو اللى خلقنا
هو اللى شايفنا كلنا
ولا هتاخد حقك بنفسك
وتفرح تانى بنفسك
وتنسى يوم الدين
وتفضل تحب نفسك
لحد ما تنسى نقسك
قولى بجد
هو انتا بتضحك على مين ؟؟؟

الاثنين، 18 يناير، 2010

ســــوء اخــتــيــار !!!!!!


تغيب عنى ما شئت فلن اشتاق ولن احتار ...................

واختر غيرى ان شئت لعلك فى لم تصب الاختيار.

لم افهمك ولم تفهمنى كلانا غامض الاسرار..

أى عشق هذا وأى حب تخبى لنا الاقدار.

تغيب اياما وشهورا ولا تبالى فى شخص تقتله لحظات الانتظار وتأتى بحنين مزيف وتراوغ كا الثعلب المكار .

تنتقى كلمات استرخاء مفعمه باكذب والاعذار .....

كم ألوم قلبى على سوء اختيار ..

اليك الان اترك المشوار.....

.فما تريد واضح وضوح النهار ...

يامن لا تقدر سنين عمرى فيك ...........

............انذب حظى على سوء اختيار.

السبت، 9 يناير، 2010

عــرســــان أخـــر زمـــــن !!!!


بسم الله الرحمن الرحيم

دى حكايه ولا فى الاحلام عوزه رئيكم فى الحكايه دى بس بصراحه

أولا المقابله الاولى :

طبعا اى عروسه بتسمع ان فيه عريس بتفرح وبتجهز نفسها طبعا العروسه لبست وجهزت نفسها للمقابله أهل العريس

المهم العريس جه هو واخته وممته وخالو طبعا جين يشوف العروسه تنفع ولا لا زى اى حد بيتجوز يعنى

طبعا بعد كده المقابله الاولى انتهت وطبعا اهل العروسه منتظرين الرد من أهل العريس

بعد المقابله الاولى بااسبوع فجئه جرس التليفون رن ترم ترم ترم طبعا وصل رئى العريس والموافقه

وطبعا عوزين معاد تانى يجوم يحددو الطلبات ومعاد الشبكه وده طبعا حصل


معاد المقابله التانيه :

وطبعا دى مقابله الاتفاق على الطلبات جت اخت العريس والعريس وجوز اخت العريس

وكانت الطلبات كالآتى :

اخت العريس : غساله نصف اتومتك - بوتوجاز - مراوح - 3 غرف

بابا العروسه طيب ايه مراوح دى ممكن نقسم البلد نصين المراوح جيه جيه

نقول عليكم نجف وستاير مع الحاجات اللى قولتو عليها

اخت العريس: موقفين

جوز اخت العريس : بالنسبه للمؤخر 5000 الف جنيه

بابا العروسه : لا 10 الف جنيه

اخت العريس وجوزها : خليهم 5 علشان المأذون بياخد كتير فى العشره وكمان الحكومه اللى بتكسب فى كده

بابا العروسه : معلش هما العشره

طبعا وفقو ومشيو من المقابله التانيه مبسوطين الحمدلله من اهل العروسه

وحددو معاد قرءات الفاتحه والشبكه زطبعا العريس ملهوش كلمه فى الموضوع ده كله مش بيتكلم

جه يوم قرءات الفاتحه هو وممته واخته وجوز اخته وخالو وخالو وقرينا الفاتحه والعروسه طلعت

واعدات اخت العريس عوزه عد جمب العروسه واعدات طبعا

المهم وطبعا اخت العريس اعدات وبتتكلم مع العروسه

العروسه بقا لقت اخت العريس بتقلع خاتم من صبعها بتقولها خدى الخاتم ده فى الخباثه شوفى هيجى مقاسك ولا لا

العروسه : ليه قلتلها علشان نجبلك الدبله قلتلها هو مش من حقى انقى الدبله بنفسى ولا ايه

طبعا العروسه ااتنرفزت

اخت العريس : انتى زعلتى ولا ايه معلشى معلشى خلاص انتى هتنقيها

وطبعا بعد كده اعدو واتكلم مع بعض وضحكو ومفيش حاجه ولا اى مشاكل

المهم دخلت اخت العريس مع اخت العروسه والعروسه فى كلام عادى

اخت العروسه : هو هيجيب الغساله والبتوجاز امته علشان العروسه تنقى معه

اخت العريس : لا هو جبهم خلاص من المكان الفلانى اصل واحد اللى هيجبهم

اخت العروسه : طيب هو جبهم قسط ولا كاش

اخت العريس : يعنى مش كده بظبط

المهم اخت العريس سئالت اخت العروسه انتى عفشك قديم ولا جديد

اخت العروسه : لا جديد طبعا

وطبعا ورتهولها وشفتو وعرفت انو جديد

وطبعا الامور مشيت عادى جدا ضحك وهزار

وطبعا اخت العريس عوزه رقم تليفون العروسه فى الخباثه

انا بصراحه معرفش ايه حكايت الخباثه معهم ايه ههههه

وخلص اليوم وعده الحمدلله

بعد قرءات الفاتحه مفيش تليفون للعروسه ولا اهل العروسه ولا حتى رنه على العروسه

فجئه بابا العروسه لقا التليفون الموبيل بيرن تررم تررم تررم

بابا العروسه : الو مين قال

جوز اخت العريس : انا فلان اللى هو جوز اخت العريس

بابا العروسه : أهلا بيك

جوز اخت العريس: يرضيك كده ان العروسه تقول ان من حقى انقى الدبله بنفسى وتتنرفز وان اخت

العروسه تقول يعنى الاجهزه قسط ينفع كده والعريس زعلان طبعا

بابا العروسه : خلاص كل شىء قسمه ونصيب


انا عوزه رئيكم فى العرسان اللى زى كده

الأحد، 3 يناير، 2010

أهــواه لــكــنــي لا أنـــظــر الـــيـــه !!!!!!



أهواه لكني لا أنظر اليه
فان كان الخوف من الذنب
فذنبي أني أهواه


وان كان الخوف من العين
فأنا أخاف من عيوني عليه
وان خفت منه حين أنظر اليه
فلا خوف أن يكون أمري بين يديه


انه الجمال ولكني المرآة
انه الادب ولكني الاخلاق
انه العلم ولكني العقل
انه التقى والطهر والعفاف


ولكني القلب
ان خاف ان يحبني
فلخوفه من الكمال
وان خاف أن يتجاهلني
فلخوفه من الضياع
فلذلك أهواه ولا أراه
يراني بحريه ولا أراه


فلماذا اكون سجين من اهواه
يقول ما يشاء من غير صمت
وأنا أكتم ما أصابني من جفاه
فهل يا ترى يهواني كما أهواه
لا كيف يا ترى كيف أنساه


لا ادري هل هو الشمس أم ضحاها
أم البدر في النصف نجم في علاه
أم أن الكون كوكب في سماه
ربما هذا النور! ربما من سماه