BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الثلاثاء، 4 مايو، 2010

هـــل هـــو خــدعــه!!!!


يدق الحب ابوابنا ولكننا نرفض ان نقترب من ذلك الباب نرفض ان نتواصل معه

وذلك اننا نشك انه شخص مخادع يتخذ من كلمه الحب

وسيله ليرمى شباكه الخادعه وسمه القاتل حول قلب صغير

لا يعرف الا كلمه الحب الحقيقيه فمتى لا نشوه مثل تلك الكلمه الجميله لتكون صادقه

كما كانت فمتى يبتعد تلك الاشرار والمخادعين من تلويث تلك الكلمه الرقيقه التى هى تملئ

البشر بالخير والسعاده لماذا ياخذومن تلك الكلمه الجميله

ويشوهو معانيها لتكون شكل من اشكال المعانى الدنيئه

كما مامن اشخاص اصبحو يبغضون كلمه الحب لانها كانت اداه فى يد مخادع

استغلها فى السطو على مشاعر قلب برئ

فاصبحت كلمه بغضاء ماتت فيها كل المعانى الجميله

لذا لا نستمع الى دق باب الحب

فنخشى ان يكون حب مزيف

حب مغلق على فراغ الاحساس

فالحب اصبح فى مختبر الحياه كلمه يجب ان تخضع الى تحاليل كثيره

حتى لايكون حب سرطانى يميت القلب فهل للقلب بعد الموت من حياه هل للقلب بعد الجراح من شفاء
متى نحب حقيقى ومتى نعرف ان نحافظ على تلك الكلمه بمعانيها الرقيقه
ونحب بدون تعب وبدون كذب هل الحب موجود بداخلنا

نعم موجود ولكن هل نجعله حقيقه بدون كذب بدون خداع ام نحوله الى سهم قاتل

يقتل بدون وعى ماهو الهدف ماهو الجزاء ان نقتل ونخادع ببعض

الكلمات التى يثق بيها القلب من القلب لا انى ارفض ذلك الحب الفاشل

القاتل ارفض ان اكون ضحيه لمشاعر زائفه اتخذت من كلمه الحب

خنجرا مرصع بجمال الشكل

ولكن فى الحقيقه انه اداه قتل

فان لم يقتل فانه جرح اغلى مافى القلب

جرح كلمه اسمها حب

36 مـــوهـــوم:

حياه بلا عنوان يقول...

السلام عليكم ورحمه الله وبركاته
بعد اذنكم طبعا اول تعليق محجوز
لشخص لازم يكون اول شخص فى التعليق
فالتعليق الاول محجوز
شكرا ليكم

Atef Shahin يقول...

السلام عليكم
لا والله سيبقي الحب مابقيت الحياة وكيف لا وهي عاطفة خلقها الله فهل يمكن أن بنهيهااالمخلوق
الحب لم ولن ينتهى .. نحن فقط جمدناه في ثلاجة المصالح الشخصية وحولنا الزواج إلى صفقات تجارية نشهد فشلها كل يوم
أسلوبك رائع
تحياتي

الشـوكة الــنـاعـمـة يقول...

عزيزتى
قولتى كلام كتير جوايا
كم من الجرائم ترتكب بااسم الحب
الحب الحقيقى صدقينى موجود بس قليل عارفه فين فى قلوبنااحنا انا وانتى وكل قلب بريىء مش بقلك قليل
تقبلى مرورى
دومتى بكل حب
تحياتى

مهموهـــــــة يقول...

الحب موجود في كل الناس
لكن بيختلف شكله من شخص للتاني

فيه الحب الطبيعي المعروف بين شخصين و تضحية للطرفين
فيه الحب للشر و تدمير الناس
فيه حب لكل ما هو سيء
فيه حب النفس عن الاخرين


الحب انواااااااااااااااااااع

و من الحب ما قتل


صدقيني لو الحب مالوش لازمة فعلا ما كانش ربنا خلقه و جعله في قلوب البشر
علشان تحب بعضها

و اذا اتعرضنا لموقف معين
يبقى مش لازم نحكم بكده على كل الناس و كل الدنيا

خالص حبي و تقديري

Ms Venus يقول...

حياه

كلامك صح اوى اوى

وانا كمان بسأل معاكى

امتى المخادعين هيبعدوا عن ارقى المشاعر الانسانية


امتى يسيبوها انقائها وبرائتها

امتى .؟


تحية ليكى عزيزتى

ايمن الوليدى يقول...

هايو حياه شكرا ليكى على حجز اول تعليق وانا بحياكى على كلامك الرائع ولي تعليق بسيط ان الحب ديما مظلوم معانا فى حاجات كتيره مظلوم معانا عندما نتسرع ونحكم على مشاعرنا انها فى حاله حب وهى للاسف مجرد وهم ظلمنا كلمه الحب لما نكون عايزين نخدع حد فنلون الخدعه بكلمه بتحول حياتنا لسعاده ظلمنا الحب واحنا مش مقدرين مسئووليه الكلمه ومعنها وبقينا نقولها بمنتهى سهوله زاى اى كلمه بتتقال مانعرفش حدودها ولا نعرف تحملها ظلمنا الحب واحنا بقينا بنكرهه بدون مايكون ليه دخل اكتر من ان انسان استغل اسمه بدون وعى عشان كده بقول ان الحب كلمه جميله على رائى اهل القانون تكتسب حق وتتحمل التزام واللى مايعرف ان الحب عباره عن كيان ليه قواعد واسس وليه مسئوليات وتبعات واللى بيقوله ويشعر بيه لازم يكون اد تحمله مش مجرد كلمه تتقال بهذل عشان كده بقول ان الحب احلى مافى الوجود بس اللى يقدره واللى يعرف يعيشه بصراحه ويعرف يحس بيه بدون خداع وتحياتى ليكى ولكافه المعلقين على كلامك الرائع

أحمد الصعيدي يقول...

سيبقي الحب ما دام هناك قلوب تنبض

ويبقي الحب دوما

السم اللذيذ


أسعدك الله

حياه بلا عنوان يقول...

Atef Shahin
------------
وعليكم السلام ورحمه الله وبركاته
اهلا بحضرتك للمره الاولى فى المدونه وياريت ميكونش اخر مره
طبعا الحب موجود جوانا هو حب الله حب الاهل لكن الحب العاطفى هو اللى انا بتكلم عنه انا اعترض مع حضرتك لان فى حب بينتهى فعلا وزى ماحضرتك ذكرت ان المصالح الشخصيه هى اللى بتكون حولينا بتقربنا وبتعرفنا كل شىء بيحصل
شكرا جدا لى اعجابك عن الاسلوب
تحياتى

حياه بلا عنوان يقول...

الشـوكة الــنـاعـمـة
---------------------
اهلا بيكى نورتى البوست
سعات الواحد بيخرج كلام بيكون قريب من ناس تانيه حواليه لانه بيفكر بشكل عام ممكن ده بيحصل من حولنا وبنتكلم عنه لان بنكون سمعنا وعرفنه عنه انا مقولتش ان الحب مش موجود هو موجود بس حب نادر قوى وفى قلوب طيبه بتحس ببعض بس للاسف مبيكونش فى وقت نقول ده لانه بيكون كله فات والوقت انتها
شكرا لرئيك
تحياتى

حياه بلا عنوان يقول...

مهموهـــــــة
--------------
والله نورتينى جدا فى البوست منوره المدونه كمان انا عارفه ان الحب موجود بس انا بتكلم على جزء معين من الناس
الحب اللى انتى بتقولى عليه المعروف اللى فيه تضحيه صدقينى مابقاش كتير خالص انما حب الشر وتدمير الناس فده الموجود بجد موجود منه كتير قوى للاسف
اكيد الحب له لازمه بس للايستحقه فعلا ويقدرو ولكن فى ناس متستحقهوش ولا تقدرو يبقا ده مستهلش اصلا يتقال عليه حب مش حكم على الناس ولا الدنيا اكتر ما ده اللى بيتسمع بشكرك جدا على مرورك
تحياتى

حياه بلا عنوان يقول...

Ms Venus
---------
نورتينى بجد انا معاكى عوزه اعرف امته بس تقريبا الى مالانهايه هههههههه للاسف
شكرا لمرورك
تحياتى

حياه بلا عنوان يقول...

ايمن الوليدى
------------
هايو مستر ايمن منورنى انا حجزت اهوه فين الحساب بقا على العموم على النوته
بس النوته بتعتك كترت قوووووى
يمكن زى ما بتقول ان كلمه حب مظلومه معانا بس للاسف الانسان يمكن بيكون غلطان لما بيحن وبيحب بجد علشان كده فعلا الكلمه دى مظلومه معانا لان ممكن يكون الحب اللى بنقبله مش بيكون صادق فبالتالى بنقول عليه ده احنا حبينا وبنحب ونفرح لكن الاسف طبعا بيكون كدبه وكدبه كبيره زى ماانت ذكرت فعلا علشان كده بقولك عندك حق احنا اللى بنقول عليه حب وهو بيكون وهم فقط
شكرا للتعليق وكمان لى اشرافك على الموضوع تحياتى

حياه بلا عنوان يقول...

أحمد الصعيدي
-----------
اهلا بحضرتك
طبعا سيبقا طول ما فى حب حقيقى
بشكرك جدا على مرورك
تحياتى

ريمان يقول...

السلام عليكم

اسلوبك بجد رائع وانا متفقه معاكى جدا

هيثــم رمضـــان يقول...

حلوه أوي أوي يا حياة كتير أعتقدوا إن العيب في الحب لكن العيب في اللي بيستخدم الحب في الشر وكمان في اللي بيديلوا الفرصة يعمل كده, الحب الحقيقي بيبان لما يخاف طرف علي الطرف الأخر ويعمل ما في وسعه للمحافظة عليه وبيبان من مواقف كتير بيكون التصرف فيها دليل علي وجود الحب أو عدم وجوده.

تسلم إيدك يا حياة فالخاطرة كانت رائعة.


تحياتي

حصان المرجيحة يقول...

المشكلة انا الانسان بيبقي اضعف ما يكون عند كلمة ( بحبك)
و ممكن يتنازل عن حاجات كتير و ممكن يعمل حاجات تضره و هو مش واعي
علشان كده الخوف مبرر ساعتها
شكرا ليكي

القمرالباكي يقول...

السلام عليكم ورحمه الله وبركاته

مساء الخير
بصي ياقمر فعلا كلامك صح كتير بيستغلوا اسم الحب تحت الخداع والرغبه
ودلوقت بقينا نخاف من الكلمه دي
وبسبب افعال ناس الحب اتشوه
برغم ان الحب ده اسمي واحلي احساس فالدنيا
الكلمات جميله برغم قسوتها ومرارتها
دومتي بخير

حياه بلا عنوان يقول...

ريمان
-----
وعليكم السلام ورحمه الله وبركاته
شكرا جدا على رئيك وطبعا كلنا ممكن نكون مع الكلام ده بشكرك لمرورك
تحياتى

حياه بلا عنوان يقول...

حصان المرجيحة
-------------
اهلا بيك فى البوست منورنى
ما دى المشكله ان الانسان طيب بيحبك كل الناس ويفرح جدا بكلمه بحبك رغم انها ممكن تكون بتتقال بأسلوب غير مرغوب فيه وممكن تكون بتتقال حقيقى ومن كتر ما سمعنا انها بتستخدم الكلمه على الفاضى والمليان مابقاش عارف هى حقيقه ولا خدعه بس اللى بيعمل الحاجات اللى بتقول عليه دى ده انسان مش بيفكر كويس لان محدش بيضرب حد على ايده وبيقولو اعمل ده فى عقل يفكر بيه كويس قبل مايتنازل عن الحاجات الكتير دى شكرا جدا على التعليق
تحياتى

حياه بلا عنوان يقول...

هيثــم رمضـــان
----------------
اهلا بحضرتك فى الموضوع منور المدونه
طبعا العيب زى ما حضرتك زكرت ان العيب فى اللى بيستخدم الكلمه بيستخدمها بطريقه غير طبيعيه بيستخدموها كتير دلوقتى خدعه مش بيقدرو يفكرو ان الحب ده شىء لازم الواحد يحس بيه بجد مش مجرد كلمه وبس او مجرد حاله وخلاص الحب اكبر من مجرد حاله ومجرد كلمه الحب تضحيه وتمسك ببعض لكن مش بكل سهوله الكلمه تتحول لهزار ولعب بالمشاعر الاخرين علشان كده دلوقتى الحب مجرد كلمه بس مفهوش احساس
بشكرك جدا على رئيك وعلى التعليق
تحياتى

حياه بلا عنوان يقول...

القمرالباكي
-----------
وعليكم السلام ورحمه الله وبركاته
فعلا دلوقتى الكلمه دى تخوف جدا وبقت ترعب اول ماحد يسمعها يقول خلاص هنتخدع وهننصدم وهنندم اننا صدقنها ليه وايه السبب هو ان الواحد مبقاش بيصدق الكلمه بسبب عدم احساس الكلمه بجد وعدم وجودها للاسف هى مجرد حوف فقط مش اكتر ولا اقل بشكرك على مرورك
تحياتى

بــــ الخطاب ــن يقول...

ربنا ينتقم منهم بيقتلوا جوانا كل حاجه حلوة بيقتلو فينا الإحساس بيزرعو فى قلوبنا كره وبيبعدونا عن كل الناس

well يقول...

سعات الحب بيكون وردة فى اجمل ارض
وسعات بيكون خنجر فى اطيب قلب

الحب شئ جميل بس مشكلته انه متاح للجميع متاح للبريئ ومتاح للمزيف

تحياتى

حياه بلا عنوان يقول...

بــــ الخطاب ــن
----------------
اهلا بيك فى البوست منور ورئيك جميل وبردو نقول الحمدلله على كل شىء
شكرا على مرورك
تحياتى

حياه بلا عنوان يقول...

well
-----
اهلا بيحضرتك فى المدونه للمره الاولى ويارب ماتكونش الاخيره وطبعا التعليق جميل فعلا سعات الحب بيكون جميل بس جميل بالنسبه للناس اللى بتعيش الحب صح مش مجدر كلمه اما الحب المزيف فهو حب غير صحيح وبيتعاش بس بخدعه او بكذبه
شكرا لمرورك
تحياتى

فضفضه يقول...

فهل للقلب بعد الموت من حياه هل للقلب بعد الجراح من شفاء
ابدا مافى حياه ولا شفاء
مهما نحاول مش هنعرف نعيش كما كنا ولا هيكون فى شفاء كلى
فقط علاج سطحى للجرح ولكن بالعمق يستقر الجرح ومربع داخل القلب كلما حاولنا نسيانه الحياة تذكرنا به كلما حاولنا طرده يعافر ويتمسك بنا اكتر حتى يحين موعد النهايه وينتهى العذاب
خالص احترامى وتقديرى

أبو حسام الدين يقول...

السلام عليكم.

هذا اول تعليق لي هنا، واتمنى أن يكون بداية التواصل..
--------------------
خواطرك صادقة اتجاه نظرتك للحب،ولكن هذا لا يعني أن الحب منعدم...فمادامت القلوب تنبض فالحب موجود.

دمت بخير.

باحث عن حب يقول...

الحب
اكبر خدعه
ومفيش
حب
حقيقى
الا ما رحم ربى

والاصعب ان تحب
من لا يعرف كلمه الحب
فعلا
خدعه

أع ـقل مـ ج ـنـونــة يقول...

يـــــــاه !

نفسي الاقي اجابة واعرف وافهم !

ما انا لو قولت اه الحب وهم وخدعة وكدبة كبيرة

بفتكر ان دي اجمل عاطفة خلقنا ربنا بيها ..

بفتكر الحب اللي موجود حوالينا

مش لازم حب الرجل للمرأة والعكس

بس ليه حب الرجل للمرأة دائما " لالا غالبا حرام اعمم " .. بيكون فيه كدب وخداع والم ووجع قلب؟

نفسي الاقي اجابة

تقبلي مروري واتمني التواصل ^_^

القمرالباكي يقول...

السلام عليكم ورحمه الله وبركاته

صباح الخير ياجميل

ياريت تتوجهي لمدونتي لقبول التاج الي اهديته لكي

دومتي بخير

حياه بلا عنوان يقول...

فضفضه
-----
اهلا بيكى فى الموضوع واهلا بالكلمات الجميله بشكرك جدا على وجودك الدائم
تحياتى

حياه بلا عنوان يقول...

أبو حسام الدين
---------------
وعليكم السلام ورحمه الله وبركاته
اهلا بحضور حضرتك الاول فى المدونه وانا سعيده بحضورك وياريت التواصل الدائم
وطبعا ميكونش ده اخر تواصل فى المدونه
بشكرك طبعا على التعليق لان فعلا الحب موجود بس غريب شويا فى الوقت ده
تحياتى

حياه بلا عنوان يقول...

باحث عن حب
----------
فعلا الحب اكبر خدعه لكن للمحتاج يقول انه خدعه اصل الحب انواع حب حقيقى وحب خدعه وحب وهم طبعا الحب اللى انت قولت عليه ده ميبقاش حب ولا ينطلق عليه حب ده ينطبق عليه لعب تهريج
لكن اللى بيحب اللى بيحب والطرف التانى ميعرفش كلمه حب فده بيكون بيضيع وقت على الفاضى ولازم ياخد قرار ويقدر على قراره سوء بالسلبى او بالايجابى لان طول عمر الانسان بيختار بين حقيقتين وفى الاخر بيستقر ويأخد قرار وخلاص بشكرك جدا على مرورك
تحياتى

حياه بلا عنوان يقول...

أع ـقل مـ ج ـنـونــة
---------------------
اهلا بيكى للمره الاولى فى المدونه ويارب ماتكونش الاخيره منورانى
كلنا بنسئال يمكن نعرف الاجابه لكن فى الاخر بنلقى نفسنا حيرانين ونلقى الاجابات كتير ومتقدريش توصلى لى اجابه واحده لان الجميع ممكن ميستقروش على اجابه واحده فتبداء الحيره من تانى وتكررى نفس السؤال وبردو مفيش اجابه واضحه وقويه تقدرى تعرفى الاجابه بضبط
طبعا انا عارفه ان فى حب وحب صافى وجميل جدا وربنا هو واحده اللى عطنا الحب ده من جوانا والحب ده موجود حولينا فى بتنا وفى بيوت تانيه كتير حب الاهل والاصدقاء حب كل انسان صافى من جوهه قلب صافى وقلب طيب وقلب يحس بالاخرين هوموجود فعلا بس الحب اللى مش مجود هو حب العاطفى اللى بيقولو عليه ده اللى بيكون كدبه وللاسف سعات بيمثلو على بعض ان ده فعلا حب او بيخدعو نفسهم ان ده اسمه حب
ربنا يبعدنا عنه جميعا يارب
بشكرك جدا على مرورك
تحياتى

حياه بلا عنوان يقول...

القمرالباكي
------------
وعليكم السلام ورحمه الله وبركاته
صباح النور ياقمر
حاضر من عنيه هتوجه
بس تاج تانى حاضر مفيش مشاكل
شكرا جدا على اهتمامك
تحياتى

ساسو يقول...

ياااااااه يا قمر
علي دا طعم كلنا بندوقه كتير
كلامك وجعني جدا
وأثر فيا جامد
بصراحه انتي جميله جدا ومدونتك غايه في الرقه