BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الاثنين، 27 ديسمبر 2010

حــــــكــــايــة راح وقـــتـــهـــا !!!!!!!!!!!!!


حكايه راح وقتها


كل اللى بينا انتهى ما فيش ما بنا كلام حكايه راح وقتها

دى حكايه راح وقتها رجوعى ده من الآحلام

ايه تانى فى نفسك تقوله

قلى قلبك عايز منى ايه

بعد كل اللى عملتهوله

يسيبنى ليه و أهون عليه

كان قلبه نجم عالى بحبى عليته

ولما خان من نظرى نزلته ونسيته

كنت راسمه لك صوره من الملاك

فجأة لقيت الصوره غدر وبحر هلاك

ليه عايز تتكلم تانى فاكرنى هندم

لا ده وهم فى خيالك ولا عمرى هتألم

ازاى فى يوم هتنام ازاى تعيش مبسوط

وانت جارح لقلب من جرحه بيموت

بس أنا يا حبيبى قادره أهزم جوايا أحزانى

ما هو درس واتعلمته ما أمنشى ليك تانى

اياك بلاش تتكلم مش قادره أسمعك

مهما تقول وتمثل عينيك هتكذبك !!!!!

21 مـــوهـــوم:

Ms Venus يقول...

مافيش بعد ألم الخيانة


والأكثر ايلاما هو استئصالهم من الذاكرة


رغم كل الحنين


كلمات معبرة جدا يا حياه


دمتِ بخير

شمس النهار يقول...

كلمات جميلة قوية رغم بساطتها

بس استغربت سؤالك للخائن

(ازاى فى يوم هتنام ازاى تعيش مبسوط
وانت جارح لقلب من جرحه بيموت)

انتي فاهمة ان اللي يخون ويغدر
هيزعل علي قلب داسة برجليه

ولا الهوي بالعكس ده بيجري يدور علي حد تاني وتالت وبتبقا هي دي عيشته
ده اللي كده يصعب عليكي
علشان عمره ماهيدوق حلاوة الوفاء والاخلاص

تسلم ايدك

ايمن الوليدى يقول...

هاى حياه
كلمات ملئها الاحساس وتعبير فيه شجن وحب كبير لكن كلمه حب بقت سلاح وجرح فالعتاب للانسان باع وغدر خساره لان الكلمه من الاحساس ليها قيمه اكبر بكتير انك توجهيها لانسان منعدم فيه روح البشريه وقوتك انك تنسى هى السلاح الحقيقى اللى لازم تتمسك بيه اى انسانه حبت باخلاص كلاماتك رائعه ودومتى دائما زهره متفتحه فى بستان مدونتك

ماهـــــــــــــــــــــــــــر يقول...

كلمات جميلة ولكنها مرسومة بالأسى ويعلوعها التمنع عن الرجوع مع إن الحبيب راجع ولكنك خايفة من تمثيله الذي صورتيه به

مع كل امنياتي

ونتمنى الرجوع لمدونتك وبها الجديد

حياه بلا عنوان يقول...

Ms Venus
__________
ممكن يكون مافيش بس مش اكيد
شكرا ليكى على رئيك
وعلى مرورك
تحياتى

حياه بلا عنوان يقول...

شمس النهار
__________
بشكرك جدا على رئيك الجميل
يمكن يكون عنده شويه احساس بعد ما يحس بظلمو للطرف التانى ممكن فى يوم يحس انه خان حد كان كويس ويزعل عليه
معلشى احنا مهما يحصل بنقول ربنا يهدى عشان متكونش الحياه مع اللى زى ده صعبه معاه ويقدر يعشها بوفاء واحساس نقى
بشكرك جدا على التعليق
تحياتى

حياه بلا عنوان يقول...

ايمن الوليدى
____________
اهلا اخى العزيز منورنى دايما
طبعا التعليق مفهوش اى تعليق عليه بس عوزه اقولك ان ممكن تعتب حد لكن لو كان يستاهل لكن اذا كان ميستهلش لو عتبته مش هتديلو اى اهميه لانه هيكون بالنسبه ليك انتها ولا يمكن انك تديلو الفرصه وانك لما تسمه عتابه هتحس انه بيتكلم فى الهواء طبعا
بشكرك جدا جدا على اهتمامك ومرورك
تحياتى

حياه بلا عنوان يقول...

ماهـــر
_______
اهلا بحضرتك لمرورك الاول للمدونه
تشرفت بحضرتك وبالتعليق كمان
هى كلمات قاسيه واكيد طبعا فيها تمنع عن الرجوع مش شرط انه يكون رجع بس المهم انه يكون فى مبداء عدم الرجوع
دى اهم من اى حاجه
بشكرك على التعليق
تحياتى

حياه بلا عنوان يقول...

استاذ ماهر ان شاء الله هيكون فى رجوع قوى قريب بشكرك على اهتمامك
تحياتى

حياتى أنا يقول...

(ازاى فى يوم هتنام ازاى تعيش مبسوط
وانت جارح لقلب من جرحه بيموت)

دا هينام ويشبع نوممممممم
كلماتك حلوه اوووووى

الحــ ــزين يقول...

هاقولك ايه بس ولا اعيد ايه
انتى بتقولى الكلام ال فى قلبى ونفسى اقوله لناس
ربنا يحميكى
دومتى مبدعة

mrmr يقول...

كلمات جميله وفى نفس الوقت بسيطه
احسنت يا قمر

حياه بلا عنوان يقول...

حياتى أنا
_________
فى ناس معندهاش حبه دم وفعلا مش هيفرق معهم حاجه وفى ناس بتفرق معاهم كتير قوى وهيحولو يعملو حاجه
بشكرك جدا على مرورك
تحياتى

حياه بلا عنوان يقول...

الحــ ــزين
___________
اولا حمدالله على السلامه
وثانيا دى حاجات بسيطه وكلنا بنطلع اللى جوانا عشان بنحس بيها فعلا
بشكرك على مرورك
تحياتى

حياه بلا عنوان يقول...

mrmr
____
اهلا بيكى مرمر نورتى
شكرا جدا على رئيك ونورتينى
تحياتى

قول ياااارب يقول...

حياه ازيك وحشااانى جدا ووحشتنى مدونتك اوووى
كلماتك وصفت الغدر من اشخاص منحناهم ثقه وتقدير واحترام اكتر من الازم بس فى الاخر كل شىء بيحصلنا بنتعلم منه
وربنا يداوى اى جروح عند اى حد يااارب
تحياتى حياه

أبو فارس يقول...

كنت راسمه لك صوره من الملاك
فجأة لقيت الصوره غدر وبحر هلاك...

جميل جدا ما وجدة هنا

تقبلي مروري الاول

تحياتي

حياه بلا عنوان يقول...

قول ياااارب
___________
ازيك انتى وحشانى وكلم بجد وحشتونى قووووى
يمكن الكلمات تكون وصفه للغدر بس فى ناس بترمى الكلام ده ولا بتسمع بيه ولا كئنهم بيشفوه لمجرد انه شيفين نفسهم صح
يمكن الطبيعى اننا نحترمهم والطبيعى اننا نثق فيهم بس المهم يكونو اد الثقه دى لكن للاسف فى ناس كتير بيضيعو حاجات كتبير بسبب عدم الثقه
بشكرك جدا على رئيك وعلى مرورك
تحياتى

حياه بلا عنوان يقول...

أبو فارس
________
اهلا بحضرتك لمرورك الاول واتمنا انه ميكونش الاخير ان شاء الله
الكلمات بتكون اجمل بمرركم وبتعليقاتكم ووجدكم الدائم
بشكرك
تحياتى

نسمـــــــــــه بحـــــــر يقول...

جميـــــــل كل ما خط يمينك
شجن ينبض

حياه بلا عنوان يقول...

نسه بحر
______
اهلا بيكى وبمرورك الاول ويارب ميكونش الاخير بشكرك على رئيك
تحياتى