BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

السبت، 9 يناير، 2010

عــرســــان أخـــر زمـــــن !!!!


بسم الله الرحمن الرحيم

دى حكايه ولا فى الاحلام عوزه رئيكم فى الحكايه دى بس بصراحه

أولا المقابله الاولى :

طبعا اى عروسه بتسمع ان فيه عريس بتفرح وبتجهز نفسها طبعا العروسه لبست وجهزت نفسها للمقابله أهل العريس

المهم العريس جه هو واخته وممته وخالو طبعا جين يشوف العروسه تنفع ولا لا زى اى حد بيتجوز يعنى

طبعا بعد كده المقابله الاولى انتهت وطبعا اهل العروسه منتظرين الرد من أهل العريس

بعد المقابله الاولى بااسبوع فجئه جرس التليفون رن ترم ترم ترم طبعا وصل رئى العريس والموافقه

وطبعا عوزين معاد تانى يجوم يحددو الطلبات ومعاد الشبكه وده طبعا حصل


معاد المقابله التانيه :

وطبعا دى مقابله الاتفاق على الطلبات جت اخت العريس والعريس وجوز اخت العريس

وكانت الطلبات كالآتى :

اخت العريس : غساله نصف اتومتك - بوتوجاز - مراوح - 3 غرف

بابا العروسه طيب ايه مراوح دى ممكن نقسم البلد نصين المراوح جيه جيه

نقول عليكم نجف وستاير مع الحاجات اللى قولتو عليها

اخت العريس: موقفين

جوز اخت العريس : بالنسبه للمؤخر 5000 الف جنيه

بابا العروسه : لا 10 الف جنيه

اخت العريس وجوزها : خليهم 5 علشان المأذون بياخد كتير فى العشره وكمان الحكومه اللى بتكسب فى كده

بابا العروسه : معلش هما العشره

طبعا وفقو ومشيو من المقابله التانيه مبسوطين الحمدلله من اهل العروسه

وحددو معاد قرءات الفاتحه والشبكه زطبعا العريس ملهوش كلمه فى الموضوع ده كله مش بيتكلم

جه يوم قرءات الفاتحه هو وممته واخته وجوز اخته وخالو وخالو وقرينا الفاتحه والعروسه طلعت

واعدات اخت العريس عوزه عد جمب العروسه واعدات طبعا

المهم وطبعا اخت العريس اعدات وبتتكلم مع العروسه

العروسه بقا لقت اخت العريس بتقلع خاتم من صبعها بتقولها خدى الخاتم ده فى الخباثه شوفى هيجى مقاسك ولا لا

العروسه : ليه قلتلها علشان نجبلك الدبله قلتلها هو مش من حقى انقى الدبله بنفسى ولا ايه

طبعا العروسه ااتنرفزت

اخت العريس : انتى زعلتى ولا ايه معلشى معلشى خلاص انتى هتنقيها

وطبعا بعد كده اعدو واتكلم مع بعض وضحكو ومفيش حاجه ولا اى مشاكل

المهم دخلت اخت العريس مع اخت العروسه والعروسه فى كلام عادى

اخت العروسه : هو هيجيب الغساله والبتوجاز امته علشان العروسه تنقى معه

اخت العريس : لا هو جبهم خلاص من المكان الفلانى اصل واحد اللى هيجبهم

اخت العروسه : طيب هو جبهم قسط ولا كاش

اخت العريس : يعنى مش كده بظبط

المهم اخت العريس سئالت اخت العروسه انتى عفشك قديم ولا جديد

اخت العروسه : لا جديد طبعا

وطبعا ورتهولها وشفتو وعرفت انو جديد

وطبعا الامور مشيت عادى جدا ضحك وهزار

وطبعا اخت العريس عوزه رقم تليفون العروسه فى الخباثه

انا بصراحه معرفش ايه حكايت الخباثه معهم ايه ههههه

وخلص اليوم وعده الحمدلله

بعد قرءات الفاتحه مفيش تليفون للعروسه ولا اهل العروسه ولا حتى رنه على العروسه

فجئه بابا العروسه لقا التليفون الموبيل بيرن تررم تررم تررم

بابا العروسه : الو مين قال

جوز اخت العريس : انا فلان اللى هو جوز اخت العريس

بابا العروسه : أهلا بيك

جوز اخت العريس: يرضيك كده ان العروسه تقول ان من حقى انقى الدبله بنفسى وتتنرفز وان اخت

العروسه تقول يعنى الاجهزه قسط ينفع كده والعريس زعلان طبعا

بابا العروسه : خلاص كل شىء قسمه ونصيب


انا عوزه رئيكم فى العرسان اللى زى كده

55 مـــوهـــوم:

حياه بلا عنوان يقول...

السلام عليكم ورحمه الله وبركاته
معلشو يا جماعه اول تعليق محجوز
للاستاذ ايمن
سلامات

ريمان يقول...

ده ايه ده

ههههههههههههههه

فعلا عرسان اخر زمن

لا بجد من حق العروسه على الاقل تختار شبكتها والجهاز اللى هيجيلها لان ده كله هيبقى بتاعها

مش عارفه ليه التفكير ده
وكل واحد منهم بكلمه والعريس مالوش كلمه خالص ليه؟

مبيعرفش يكلم؟

سبحان الله

لو كانت اجوزته كانت هتشوف ايام توحفه هتلاقى اهله كلهم متحكمين فى كل حاجه فى حياتهم

ايمن الوليدى يقول...

السلام عليكم ورحمه الله وبركاته اذيك ياحياه ومتشكر جدا انك حجزتيلى اول تعليق وبعتذر للجميع لان بصراحه الموضوع من اهميته فعلا عايز اعلق عليه وانا شايف ان الموضوع كله حصل بين اخت العروسه واخت العريس والعروسه ولكن العريس مالقتلوش اى دور ولا حتى كلمه الا انه قرا الفاتحه فى سره وبصراحه مستعجب انه ذهب عصر الرجال وظهر عصر حماده واولياء اموره ماما واخته وجوز اخته وممكن كمان الحاجه سعاد جاره العريس توتو او حماده او ميمى ايان كان مسمى عريس الايام ديه مع ان الاصول بتقول مع ان اظاهر ان العريس ده هو واهله نسيو طبعا الكلمه ديه ان الراجل هو اللى بيكلم وبيتفق على اساس يعنى انه كامل الاهليه وينفع راجل او بالاحرى عريس لكن فى موقفنا ده العريس بيفكرنى باعلان شركه الاتصالات اظاهر اهله ديسين على زرار نو من قبل ماينزل من البيت ومامته والاكتر اخته دايسه على زرار يس ومع دوسه الزرار ديه نسى اهم حاجه انه عريس وراجل هايكون راجل بيت يعنى ولا اخته ولا مامته المفروض انهم مالهمش دخل فى حياته الا مامرنا ربنا بيه من صله رحم واحترام لاهلنا لكن اظاهر من الحوار انهم هايبقو ليهم يد كبيره فى اداره الحياه الزوجيه بعد كده وده باين من سلبيه العريس وكمان من حرمان العروسه من ابسط حقوقها فى اختيار شبكتها ومش عارف فعلا ليه الناس نسيط الاصول والعادات الصحيحه مع ان شرع ربنا لو رجعناله هنلقى ان العريس هو الملزم بتجهيز عش الزوجيه من الالف الى الياء وملزم بمهر للزوجه وموخر صداق لكن لظروف الحياه الناس بتتقاسم وبتتعاون لكن اظاهر اننا وصلنا فى التنازل الى اكثر من التعاون وخطوه خطوه هاتبقى العروسه هى اللى تجيب الشقه والشبكه وتدفع المهر ويجى حماده مسجل الفاتحه على الموبيل عشان ماما قالتله اوعى تنطق ولا اسمع صوتك وعجبى على زمن راح منه الاصول والقيم وبقت ذكريات نقولها ونحكيها ونقول اه يازمن وتقبلى تحياتى

ماما يقول...

سبحان الله
حتى لما العريس زعل...بيخلى جوز اخته هو اللى يتكلم بداله
يمكن اخرس
بلاش
يمكن اهبل ومش عايزين يبان الحوسه اللى هو فيها

بجد عريس اخر زمن
دا رأى فى الخباثه
هههههههههههههههههههههههههههههههه

حول العالم يقول...

السلام عليكم
أولاً أنا أحتج لأنى المفروض
أكون أول تعليق وده ظلم
وإجحاف بأبسط حقوقى الإنسانية
ههههههههههه
خالص تقديرى

حول العالم يقول...

السلام عليكم
أشكر لك مرورك الطيب على
مدونتى الجديدة حول العالم
أما عن موضوع أخت العريس وأخت العروسة
وزوج أخت العريس فكويس إنهم فضوها من الأول لأن الخطوبة كدة كدة هتنفض
طالما دخلت الخباثة فى الموضوع
خالص تقديرى

secret-love يقول...

السلام عليكم
موضوع جميل جدا فعلا بيحصل بس بتخلتف الطريقه من اسره لااسره بس انا شايف ان العريس معملش اى حاجه وحاجه تانيه ان الكلام الكتير والقيل والقال زى ماعملت اخت العريس ساعات بيتقلب بغم لكن ابو العروسه مكنش ينفع ياخد القرار بالسرعه ده لان اللى شارى بجد بيصلح مش بيهد سرعه كده
الجواز اسرار وقصص وياما هنشوف ونسمع
واعتذر على الاطاله بس اسلوبك فى السرد فكاهى وممتع جدا

sasatifa يقول...

انا بصراحة مبطل تدوين من زمان بس قولت ابص كده فى البلوجات وجت معاى مدونتك بالصدفة وما اجمل تلك الصدفة
اسلوب حضرتك جميل وسلس وماشاء الله عليكى مبدعة

sasatifa يقول...

عموما انا شايف الشكليات دى كلها مالهاش لزمة المهم انه يكون فى توافق بين العروسين واى حاجة تانية طوز

هيثــم رمضـــان يقول...

هههههههههههه طبعاً واضح وضوح الشمس إن دي تلكيكه لأن الباشمهندس شاف العروسه مره واحده وقرر يتجوزهامن غير ما يكون مقتنع ميه في الميه وطبعاً كان في نسبة تردد وكان علي تكه وأول ماأخته قلت له علي الكلام الفارغ ده وسخنته رجع في كلامه وده بيحصل كتير في الجوازات اللي بالشكل ده وأنا أعرف حاله زي دي تقريباً بعد ثلاث زيارات العريس رجع في كلامه وإتكسف حتي يكلمهم يعتذر وطبعاً بيساعد علي كده القصور في شخصية العريس وعدم إحساسه بالمسؤلية وضعف الشخصية وهروبه بيبقي مكسب للعروسة وعلشان كده قبل أي إتفاق أو أي إرتباط رسمي لازم العريس والعروسه يكونوا علي إقتناع تام ببعض سواء كان جواز صالونات أو جواز عن سابق معرفه عائلية أو قرابه أو زماله ..الخ وعلي فكره الموقف ده بيتكرر كتير جداً لكن والله الخيره دايماً في أختيار الله .

تحياتي

Bondoka يقول...

طب وليه كل ده
هى العروسه ليه رضيت بالاستاذ الساكت ده من الاول
ولا كانت فاكراه مكسوف
احسن انها خلصت منه
دى كانت هتتجوز اخته وجوز اخته وياعالم في مين تانى؟؟

Timo.. يقول...

صباح الخير..
اولا باشكرك على زيارتك وتعليقك الجميل عندي..

ثانيا..اخدت جولة عندك في المدونة وعجبني انك بتكتبي ببساطة وتلقائية بدون تفكير كتير وتكلف..

ثالثا بالنسبة للبوست ده..

فا تقريبا زي ما فيه ورنيش اسمه (عديم اللون) فيه راجل بيبقى (عديم الشخصية)
وده اسوأ الانواع لانه مش واضح ولا له معالم واراء ومميزات وعيوب..

وكمان اللي بيتجوز بطريقة تقليدية كده..ما يطلبش في حياتة اكتر من الـ (عااادي) ده رايي انا الشخصي. :)

دمت بالخير وها انتظرك ديما عندي (';')

حنين يقول...

حياه بلا عنوان
اول زياره لمدونتك الجميله
والبوست حلو اوى
والعريس ده مش عارفه اقولك
ايه ده فريد من نوعه الصراحه
لقطه لقطه.... مرفوض طبعا
ده كان هيبهدل البنت معاه
كويس انها خلصت منه
تحياتى حنين وان شاء الله نتواصل.

tota يقول...

السلام عليكم ورحمة الله وبركاته
يا رب المره دي يمشي الحال ويوصل التعليق عشان صرلي اكتر من ثلاث مرات بكتبو وما بيوصل
اول شي هو العريس المحروس ما كلم العروس ولا كلمه بس شافها؟ على الاقل يكون محضر كام سؤال في بالو يتعرف عليها يعني الراجل وحتى البنت بيكون ببالو اشياء يحب تكون في عروستو لو ما تعرف عليها قبل ما تبقى الامور رسميه اما يتعرف عليها امتى لما تحصل مشاكل ويقولو يا ريت كنا عرفنا الاول ولو نصف ساعه هتفرق كتير
ثاني شي واضح ان مافي شخصيه والي ما عندو شخصيه مثل ما بيقول المثل القط بياكل عشاه وكل واحد بيفرض رأيو عليه وبيتحكم بحياتو
والحمدلله ان اب العروسه فركشها من الاول الله يكملو بعقلو
وربنا يرزق العروسه الافضل بس مشكلة المهر القليل ده المتأخر يعني ههههه
تحياتي ياختي

romansy يقول...

الصراحه الصراحه
من حق العروسه طبعا انها تنقى دبلتها بنفسها
بس على فكره والله بتحصل على اهون من كده كمان
كل شئ قسمه ونصيب
بكره هيجييها اللى ترتاح معاه ويبقى دا كل حياتها

وكيلة نيابه مع ايقاف التنفيذ يقول...

خلاص ماشى ياحياه طالما محجوز هههههههه منقدرش نتكلم, حسستنى اننا فى الجامعه وبنحجز لاصحابنا فى البنش
المهم هقولك رايى بس انتى قلتى قولوا بصراحه يعنى متزعليش من صراحتى اوك؟
اولا انا تعليقى على فكرة جواز الصالونات ان العريس يسمع ان بنت فلان كويسه وحلوة يروح يتفرج عليها وهى كمان تتفرج عليه انا عارفه ان ده المسلك الطبيعى للجواز لكن بصراحه انا لااحبذها اطلاقا
تانى حاجه العريس اللى انتى بتتكلمى عليه ده ,هو مش عريس ده ياستى كيس جوافه الناس كانوا جايبنوا معاهم وانتوا فهمتوا غلط وقلتوا عريس ماهو بردوا الناس مينفعش يدخلوا عليكم بايدهم فاضيه فقالوا يجيبولكم جوافه هههههههههه
انتى يابنتى مقلتيش الاخ اللى بيطلق عليه عريس قال ايه؟ هو كان ناسى لسانه فى بيتهم ولا ايه ههههههه
عموما علشان مطولش عليكى ده طبعا كلام فارغ وعبط كله وفعلا بابا العروس لما قال كل شىء قسمه ونصيب كانوا عنده حق وهو عمل عين الصح زى مابيقولوا
وربنا يرزق الجميع بالازواج الصالحه مش باكياس الجوافه دى هههههههه
تقبلى مرورى ياحياه

نسيت اقولك ياحياه انا ببعتلك التعليق ده من امبارح وحلف كام يمين ماهو مبعوت ههههههههه
انا كنت بعد الاستاذ ايمن ع طول بس يلا مفيش نصيب اكون تانى تعليق

ايمن الوليدى يقول...

الاخت وكيله النيابه بعتذر ليكى واوعدك المره الجايه هاسيبلك البنش لتكونى اول واحده مع العلم ان الحيازه فى القانون سند ملكيه ولكن اوعدك المره الجايه هاقول لحياه تخلينى فى الصف واخد البنش اللى وراكى وتقبلى تحياتى واعتذارى

فراشة يقول...

كان نفسى اسمع كلمة واحدة للعريس
اقولك الصراحه احسن حاجه قريتها من اول الحكايه هى كلمة بابا العروسة ( خلاص كل شىء قسمه ونصيب )

لأنه ماكنش ينفع غير كده
واضح انهم متعبين جدا وفى ابسط واتفه الحاجات امال لما يدخلوا فى التقيل حيعملوا ايه

ربنا رحمها يا بنتى

حياه بلا عنوان يقول...

ريمان
-----
اهلا ريمان نورتى البوست اللى انا حسه انو هايل هههههههه
زى ماانتى شوفتى كده دى عرسان اخر زمن ملقتش عنوان غير ده بصراحه علشان يليق على الاخ العريس ده
اكيد طبعا لازم العروسه تختار حاجتها بنفسها ولو مش اختارت الحاجه يبقا بعد كده هتكون على الهامش فى كل حاجه
طبعا ياحرام العريس تقريبا كده القطه كانت وكله لسانو قبل ما يروح للعروسه ههههههههه
شكرا لرئيك ونورتى البوست
تحياتى

حياه بلا عنوان يقول...

ايمن الوليدى
------------
وعليكم السلام ورحمه الله وبركاته
الله يسلمك يايمن العفو على ايه ده اقل واجب بس انا حجزت علشان انت كونت مستنى ترد من بدرى بس كان غصب عنى النور كل مااكتب البوست النور يقطع
بس بردو انا حجزتلك وعوت طبعا لازم تكون اول تعليق طبعا
هو تقريبا ياايمن ان العريس ده كان فاقد الذكره او ممكن نقول عليه كان ناسى هو رايح ليه هههههههههههههه
حاجه بقت غريبه والله ويمكن زى ما ذكرت انه عامل زى اعلان خط اتصالات noعلى طول مفيش yasابدا حاجه تفقع المرار هههههههههههههه والله بجد حاجه تفقع جدا فعلا ربنا بيحب العروسه انها اتخلصت منه وياعالم بقا ايه كان هيحصل تانى هل ممكن كان هو بردو هينقى الخشب ياحصرتاه هههههههههههه يانجستاه يخراشى ايه ده والله صعب وزى ما قولت طبعا مسجل الفاتحه على الموبيل عشان ماما قالتله اوعى تنطق ولا اسمع صوتك
يلهوى تفتكرى كانت العروسه هتعمل ايه ولا اهل العروسه بقا كانو هيعملو ايه يخرابىىىىىى هههههههههههههه
شكرا لرئيك طبعا
تحياتى

حياه بلا عنوان يقول...

ماما
-----
ايوه يا ماما تصدقى ده اللى حصل مع العروسه ههههههههههه ما اصل العريس تقريبا كان بيخاف يتكلم او ممكن يكون مخرس او ممكن يكون خايف من نفسه دى عدم شخصيه اصلا هو شكله كله كده ملحوس هههههههههه بلا نيله
شكرا لرئيك طبعا
تحياتى

حياه بلا عنوان يقول...

حول العالم
----------
وعليكم السلام ورحمه الله وبركاته
معلش انا حكيت السبب ليه انا حجزت لى ايمن اول تعليق ان شاء الله المره الجايه تكون اول المعلقين
تحياتى

حياه بلا عنوان يقول...

حول العالم
----------
وعليكم السلام ورحمه الله وبركاته
العفو دى حاجه بسيطه لان مدونت حضرتك جميله فبالتالى لازم ندخلها
انا بردو ده رئى طلما الخباثه دخلت فى البدايه يبقا كانت هتستمر اكيد ربنا بيحبها
شكرا لرئى حضرتك
تحياتى

حياه بلا عنوان يقول...

secret-love
------------
وعليكم السلام ورحمه الله وبركاته
اهلا بيكى فى المدونه للمره والاولى وياريت ماتكونش الاخيره
اما عن البوست فتفتكرى بابا العروسه غلط لما يلقى فى استهتار فى الاول بالنسبه لبنته تفتكرى لو بباكى وجالك حد كده كتن موقف بباكى ايه كان هيقبل حاجه زى كده اكيد اى اهل بيكونو عوزين اولدهم يعيشو عيشه كويسه مش عيشه والسلام ومش جوازه والسلام ويافرحتى يجوزها من هنا وترجعلو تانى يوم منفصله ده التفكير الصح ولا اللى بابا العروسه عملو صح
ياريت اخد من حضرتك الاجابه
وبالنسبه اللى شارى بيكون من البدايه شارى وانا شايفه ان بابا العروسه كان شارى جدا وتنزل عن حاجات كتير بس اللى مش شارى اهل العريس بشكرك طبعاعلى رئيك ومش فى مشكله طولى برحتك طبعا
تحياتى

حياه بلا عنوان يقول...

sasatifa
----------
اهلا بحضرتك فى المدونه للمره الاولى وياريت ماتكونش الاخيره وانا سعيده طبعا بكلام حضرتك وبشكرك جدا على مرورك
تحياتى

حياه بلا عنوان يقول...

sasatifa
---------
اكيد هى شكليات بس لازم يكون متفق عليها من الطرفين بشكر حضرتك على رئيك
تحياتى

حياه بلا عنوان يقول...

هيثــم رمضـــان
----------------
اهلا بحضرتك فى البوست وطبعا زى ما حضرتك زكرت انها تلكيكه وضحه طبعا
المشكله مش انه شفها مره او مرتين المشكله انه اصلا هو فين من الدور ده كله انا حسيت ان ده ماشى مع المشين وخلاص عارف حضرتك عامل زى ايه الطفل الصغير اللى بيقول هىىى ماما ريحه اروح معها وده هبل طبعا وشغل عيال فين بقا كلام الرجاله ده لو على الاعتبار ان العريس ده كان راجل بس تقريبا هو كان فى انعكاس اخت العريس هى العريس والعريس اخت العريس هههههههههه ياه ولسه هنشوف ربنا يبعدنا عنهم يارب علشان دى حاجه تفقع بجد انا عن نفسى دى اول مره اعرف ان فيه كده
شكرا لرئيك طبعا
تحياتى

حياه بلا عنوان يقول...

Bondoka
--------
اهلا بيكى فى المدونه للمره الاولى وياريت ماتكونش الاخيره يكون فى تواصل دايما
بصراحه مش عارفه ليه ههههههه
تقدرى تقولى فرحت انه عريس جه وخلاص ههههههه بس ده غلط طبعا
لا ده يااختى مش كسوف دى عدم رجوله وعدم شخصيه تقدرى تقولى كده
طبعا الحمدلله انها خلصت منه
شكرا لرئيك طبعا

حياه بلا عنوان يقول...

Timo..
-------
صباح النور
العفو على ايه دى حاجه بسيطه واستمتع فى مدونت حضرتك لانها جميله فعلا
الحمدلله شهاده اعتز بيها من حضرتك واكيد اى بوست بيكون جميل بسببكم انتو بردوتكم انتو اما عن التلقائيه فده بحس انه احسن حاجه لان مابحبش المجامله فى اى حاجه بتكون مكتوبه عندى
للاسف الشخصيات اللى بتكون زى العريس ده بيكون مشتته وملهاش رئى وملهاش شخصيه ده بالنسبه ليا وكمان فى الشخصيات زى دى مش بيكون فيها مميزات كتير اكترها بتكون العيوب مش مميزات

اكيد رئى حضرتك كويس بس ممكن يكون الجواز التقليدى سعات بينجح وسعات بيفشل بس ممكن ينجح الله اعلم
طبعا انا سعيده برئى حضرتك عن البوست
وسعيده بمرور حضرتك الاول وياريت مايكونش الاخير
تحياتى

حياه بلا عنوان يقول...

حنين
----
اهلا حنين منوره المدونه ومنوره البوست ويارب اشوفك فى المدونه دايما متكونش المره دى وبس
هو فعلا العريس ده فريد من نوعه جدا بس اكيد للزيو ههههه مش يحرام للعروسه دى ولقطه زى مابتقولى هههههههههههه انا عارفه انك تقصدى نقطه بس اتلخبطى بشكرك على رئيك
تحياتى

حياه بلا عنوان يقول...

tota
----
وعليكم السلام ورحمه الله وبركاته
اهلا يا خوخا نورتى البوست حمدالله على السلامه التعليق وصل الحمدلله ههههههه
شوفى كل انسان وليه عقليه وليه تفكير مش شرط يكون مجهز اسئله ممكن من اسلوب الكلام مع بعض يفهمها ويعرفها بس طبعا مفيش الكلام ده لان كان حتى التليفون كانت اخت العريس عوزه فى الخباثه هههههههههه يبقا الحكايه كلها فى خباثه بقا هههههههه شكرا ياقمرتى على التعليق
تحياتى

حياه بلا عنوان يقول...

romansy
--------
اهلا بيك فى البوست انا عارفه انه المفروض من حقها انت عارف وانا عارفه والكل عارف بس تقدر تقول استهبال عبط الله اعلم ان شاء الله ربنا يكرمها باانسان احسن شكرا على مرورك
تحياتى

حياه بلا عنوان يقول...

وكيلة نيابه مع ايقاف التنفيذ
----------------------------
اهلا ياقمر مش تزعلى انا حجزت لانه كانت منتظر يعلق من بدرى بس انا اللى اتاخرت فى كتابه البوست المره الجايه هبقا احجزلك مكان ان شاء الله
اكيد طبعا انا قولت الكل يقول رئيو بصراحه ومفيش زعل من الصراحه
شوفى ياقمر انا عارفه انها مش محبوبه قوى حكايت الجواز دى بس تقدرى تقولى ممكن تكون العروسه دى مش هتتجوز غير بالطريقه دى الله اعلم طبعا بس انا بقول عن رئى بردو واحترم رئيك جدا
هههههههههه كيس جوافه ايه ده كيس طماطم مفعصه ههههههههههه ضربه يعنى وحمضانه عارفه لو كانو دخلو فضين بدل كيس الطماطم الضارب ده كان احسن بكتير هههههههههههه لالا عيب مش تقولى كده هو مش كان نسيه هو كان مسلفو لى اخته ههههههههههه ولا يهمك ياقمر طولى برحتك واكيد طبعا بابا العروسه عمل الصح على رئيك هى المشرحه نقصه مقتيل بلا هم ههههههههههه معلشى يا قمر تنورى فى اى وقت طبعا وان شاء الله المره الجايه تخدى التعليق الاول
تحياتى

حياه بلا عنوان يقول...

ايمن الوليدى
------------
مفيش مشاكل ياايمن انا وضحت انا ليه حجزتلك اول تعليق فبالتالى كله هيفهم ليه انا حجزت التعليق الاول ومفيش اسف ولا حاجه كلنا هنا واحد وكلنا اخوات محدش بيزعل من حد
تحياتى

حياه بلا عنوان يقول...

فراشة
------
اهلا اهلا اهلا ايه النور ده يا فراشه نورتى البوست
لا ماانا قولت ان العريس كان مسلف لسانه لى اخته ههههههههههه فهمتى غلط
طبعا بابا العروسه عمل عين العقل والصح طبعا الحمدلله ربنا ما يكتب كده على حد ابدا لما يدخلو فى التقيل كانو هيقولو خلاص مع السلامه بلاباى هههههههههه ده هبل والله ربنا ياسترها يارب علينا وعلى الجميع
تحياتى

الحــ ــزين يقول...

هههههههههههههههههههههههههههههههههههههههههههههههههه


اه والله عرسان اخر زمن

ياسلام . ياسلام

دى حاجة تنرفز مش عرسان اخر زمن وبس

ايه الناس دى


والله انتى اللى كسبانة

هو انتى يعنى غلطتى فى اى حاجة

سيبك انتى


ههههههههههههه


دومتى بكل الخير

حياه بلا عنوان يقول...

الحــ ــزين
-----------
اهلا اهلا ياحزين شكرا ليك لمرورك على البوست بس عوزه اوضحلك حاجه
انا الموضوع ده مش ينطبق عليا ده على ناس اعرفها بس انا لما الموضوع شدنى وحسيت انو مضحك فقولت اخد رئيكم فيه
وانا طبعا احترت شويا فى عنوان البوست ملقتش غير الاسم ده يليق عليه
ميرسى على مرورك للبوست
تحياتى

saragebaly يقول...

هههههههههههههه

يعني بعد كل دة باظت؟؟

تصدقي

انا كان محروق دمي من العريس دة اوي

هو فين؟؟

مسمعتش حاجة عنه الا راح يوم كذا وكذا

حتى لما زعل !!!!


*******

أنا بقى محبش العرسان الي من النوع دة ابداااااااااا

الي اهله هما الي ممشينو وممشيينله الحياة

الواحد لو محسسش الواحدة بأنه ليه كلمة ورأي فهو بيقل من نظرها جداا


*****

يمكن دة اول تعليق ليا في مدونتك

لكن مش اول زيارة

ارجو ان اكون ضيفة خفيفة عليكي

تحياتي لقلبك

دمتـِ بحب

سارة

msafa يقول...

شكرا على تشريفك مدونتى

secret-love يقول...

انا هرد زى ما انتى طلبتى بس قبل ما اتكلم احب اقولك انى ولد
كلامك صح ممكن يكون ان الاب اتصرف كده على اساس ان لسا الموضوع فى الاول بس بجد كان لازم يكون للعريس موقف علشان يقدر يحل اى مشكله ممكن يكون لاب شافها من وجهه نظر معينه وهى ان العريس مقدرش يعمل اى دور وساب الحبل على الاخر لاخته وجوزها وفى ده عنده حق لكن انا فى تعليقى الاول كان قصدى ان الاب يقعد مع العريس ويتكلم معاه وبعد كده ياخد القرار اللى يريحوا ولكن علشان العريس مكنش ليه اى راى فممكن يكون فعل ابو العروسه صح
تقبلى مرورى وياريت تشرفينا فى مدونتى

حياه بلا عنوان يقول...

saragebaly
-----------
اهلا بيكى ياساره فى المدونه للمره الاولى وياريت ماتكونش الاخيره
لا مش يتحرق دمك ابدا بعد الشر على دمك انشالله هو وانتى لا هههههههه
هتقولى ايه بقا فى العريس ده هما كده واضح انه ملهوش كلمه خالص الحمدلله انها ظهرت من اولها لحسن العروسه كانت هتشيت معهم هههههههه
انتى تنورى فى اى وقت
وانتى خفيفه فعلا بشكرك على رئيك
تحياتى

حياه بلا عنوان يقول...

msafa
------
اهلا بحضرتك وبشكرك على مرورك
العفو احنا كلنا اخوات وكلنا بنشرف مدونات بعض شكرا ليك
تحياتى

حياه بلا عنوان يقول...

secret-love
-----------
الا انا بعتذر على الخطاء لحضرتك
فعلا مختش بالى من البروفيل
انا حبيت اوضحلك كده لانك اكيد ولد وفاهم الاصول وفاهم الصح من الغلط بس لو ذكرت ان ولد العروسه استعجل فى قراره حبيت انى اوضحلك المعلومه اكتر والحمدلله انك فهمتنى وفهمت معنى كلامى
اما بقا عن موضوع ان والد العروسه كان يعد مع العريس فده كان مفروغ منه لانه هو اصلا مكنش بيتصل ولا كان بيتكلم اصلا هو والد العروسه مكنش بيشوف وشو ولا بيسمع صوته غير لما يتصل يقول انهم هيشرفو فقط يبقا ازاى بقا يكلمو وكمان مينفعش يتكلم كده ممكن يغلط ويقول حاجه ممكن ماما العريس واخته تضربو وتعقبو زى الاطفال فهمت
ياريت تكون المعلومه وصلت
شكرا لردك طبعا لتانى مره
تحياتى

إبتسامة ملاك يقول...

السلام عليكم

اختى حبيبتى وحشتينى اووى اخبارك ايه يارب تكونى بألف خير ربنا يطمنى عليكى يارب

وان شاء اتابعك لانى بجد بمر بظروف صحيه وهاكون بخير

اسفه لتأخرى عليك
دمتى بكل خير
ايناس

موناليزا يقول...

معنديش تعليق!!
بس موقف ابو العروسة عجبنى

كفايـة طيبـة يقول...

موضوع عجيب اوى ..
هي دي قصة حقيقية ؟؟
D:

سبحان الله فعلا
فى سلبيات كتير اوى مش انعدام شخصية العريس بس

ربنا يعافينا يارب

مبسوطة انى عديت على مدونتك اوى :)

ذكري رحيل قلم يقول...

السلام عليكم
ههههههههههههههه
اقول للعروسة ولا يهمك بكرة يجيلك سيد سيده
ه
وبعدين ده من العرسان اخر طمع
كل الحاجات ده ع العروسة امال هو يجيب ايه
وبعدين فيش مراوح تجبيله مراوح ياباني
ههههههههههه
ربنا يوفقك ويرزقك بالزوج الصالح

دمتي

حياه بلا عنوان يقول...

إبتسامة ملاك
------------
اهلا انوسه نورتى البوست وانتى كمان وحشانى مش تغيبى كتير كده علينا
والف الف سلامه عليكى
وابقى طمنينا عليكى دايما
لا تأخير ولا حاجه ولا يهمك
المهم نكون مطمنين عليكى
تحياتى

حياه بلا عنوان يقول...

موناليزا
---------
اهلا بيى فى المدونه للمره الاولى وياريت ماتكونش الاخيره وبشكرك على التعليق
واكيد والد العروسه عمل الصح
تحياتى

حياه بلا عنوان يقول...

كفايـة طيبـة
-------------
اهلا بااول زياره ليكى فى المدونه وياريت ماتكونش الاخيره وتصدقى فعلا قصه حقيقيه هههههههه سبحان الله
نورتى المدونه وشكرا على رئيك
تحياتى

حياه بلا عنوان يقول...

ذكري رحيل قلم
------------
عليكم السلام
هو فعلا موضوع يضحك جدا بصراحه
طبعا ان شاء الله يجلها الاحسن ان شاء الله وربنا يكرم الجميع يارب
شكرا لرئيك
تحياتى

Tamer Nabil يقول...

هههههههههه

دى مش جوازة دى ماتش كورة

صحيح كل حاجة بالاتفاق بين الطرفين ويكون فى حدود المعقول

مع خالص تحياتى

حياه بلا عنوان يقول...

Tamer Nabil
------------
اهلا بيك فى البوست وطبعا كل شىء بالاتفاق المعقول بس الواضح ان مكنش فيه معقول اصلا
بشكرك على رئيك
تحياتى

صدفة جميلة يقول...

السلام عليكم
مش عارف بس انا لو مكانه والعروسه عجبتنى يخبر ابيض
دا انا اجيب لها النجوم

حياه بلا عنوان يقول...

صدفة جميلة
-----------
وعليكم السلام ورحمه الله وبركاته
اهلا بيك فى البوست وطبعا بشكرك على التعليق اكيد اى انسان كده لكن نقول ايه غير عجبى عليك شكرا لمرورك
تحياتى