BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الجمعة، 20 فبراير، 2009

دا الـلــى عــنــدى !!!!!




من الاخر من تاني بتقولهالي .. غيرت علشانك طريقه كلامي .. كويس انك من الاول جيت تقولهالي ..
بعد ماغيرت علشانك كياني .. بعد ماديتك حياتي ..
غيرت علشاني طريقت كلامك .. خلاص مش محتاجه حنانك .. حمشي واسيبك مكانك.. والاقي اللي ينسيني قسوة زمانك ..
مش انا اللي ماستاهلكش انتا اللي ماتستاهلنيش .. ياما كلمتك وانتا ماعبرتنيش .. ياما حنتلك وانتا ماحستنيش .. لما شوفتك قلبي حبك وماسمعنيش ..
امتا حنيت ليا .. امتا سالت عليا .. ازاي بتقول نسيتك وانتا في عنيا ..
مش عايز ترجع ماترجعش .. بس على الحب اللي فات ماتندمش .. ويوم على قلبي ماتندهش ..
خيري بيك ومن غيرك موجود .. وحبي وقلبي الكبير مالوش حدود ..
حلاقي غيرك يديني قلبو واديلو قلبي .. انسيه اسمو وينسيني اسمي ..
واعيش معاه الحب الحقيقي .. بس ياريت ماشوفكش بتقولي الحقيني .. غيرك رماني وخد سنيني ..
لان ساعتها مش حكون ليك .. حكون لغيرك ..
وسامحني ..
دا كمان
اللي عندي

32 مـــوهـــوم:

ghorBty يقول...

غاليتي حياة

كلمات جميله واحلي ما فيها التحدي

والعزيمه والقوة

بارك الله فيك

غربتي

حياه بلا عنوان يقول...

غريتى شكرا لمرورك للبوست وشكرا لرئيك على البوست تحياتى

صفـــــــاء يقول...

.
لما يرجع ....
مش هيلاقى القلب اللى حبه ولا العين اللى سهرت له
وله الدمعه اللى زعلت عليه ولا الروح اللى حامت حواليه
لما يرجع ... واكيد هيرجع
هيلاقى مكانه خدة غيرة ... خدة اللى يستاهل واللى يدى زى ما ياخد

كلماتك قويه وجريئه مفيهاش انكسار

تحياتى
.

حياه بلا عنوان يقول...

صفاء شكرا لمرورك للبوست هو فعلا البوست جريئ بس لازم كله يعرف ان مش كل حد يغيب او يبعد او يفترق او او يرجع تانى يلقى كل واحد زى زمان اكيد الانسان بيتغير سوا تفكيرو او المعامله او اى حاجه شكرا جدا على رئيك للبوست وشكرا لمرورك تحياتى

التــســـامــح فــى الـــحـــــب يقول...

السلام عليكم اهلا يا استاذه حياه ايه يا ستى الكلام الجامد دا لا قلبك جامد فعلا وموضوعك جميل وعقلنى بس مش سهل الواحد ينسى ويحب تانى ويسيب تانى بس دى طبيعة الدنيا ولا طبيعة القلوب ولا ايه الله اعلم ويستى ربنا يكرمك بحب حقيقى ويكون مستمر بدل رسائل التهديد الى بتبعتيها من تحت الماء دى هههه قال دا الى عندى قال يلا على كهفك يا قاسى وموضوع جميل وجديد لا شاطره ههههههه ... تحياتى يا منتقم

فراشة يقول...

يااااااااه كل دى جروح وآلام
حقولك حاجه بصراحه
حاسه انى عايزة ابكى
اصلى مللت الفراق والهجر
امتى بقه حتنتهى القسوة
كلامك كله كبرياء واصرار
بدعيلك انك تنسى بجد
لان النسيان عمله نادرة
بحييك جدا لانك وصلتيلى احساسك
تحياتى

الفراشة الصغيرة يقول...

ايوة كده
اديلوه مترحمهوش

هما الرجاله ميجوش الا كده بالسك
هههههههههههه
برافو عليك
بوست حلوة
دومتى مدعه

حياه بلا عنوان يقول...

عليكم السلام اعمل ايه بقا ياطيفا قولت اجمد قلبى شويا زى ماالناس بتعمل قولت اجرب واشوف ايه هيحصل هههههههه انما الكهف بقا تصدق حلو قوى طبعا ههههههههههه منتظراك معايا فيه لا تقلق ههههههه ده خطير الحب الحقيقى هيجى بس هو نصيب والحمدلله انا مش معترضه على اى حاجه الحكايه مش حب بس الحكايه راحت بال وراحت نفس اكتر من اى حاجه شكرا لمرورك للكهف اقصد للبوست هههههههه تحياتى

حياه بلا عنوان يقول...

فراشه شكرا لمرورك للبوست وشكرا لرئيك طبعا كل واحد بيحاول يطلع اللى جوه والحمدلله ان البوست عجبك شكرا لمرورك للمدونه تحياتى

حياه بلا عنوان يقول...

الفراشه الصغيره ههههههههههه نورتى البوست شكل البوست عجبك قوى ههههههههههههههه يله قولت تغير بقا شكرا لمرورك للبوست تحياتى

blue-wave يقول...

حلو الكلام بالرغم من قسوته

حياه بلا عنوان يقول...

blue-wave شكرا لمرورك للمدونه للمره الاول وياريت متكونش الاخير وشكرا لرئيك على التوبيك هو قاسى بس كويس ان الكل اللى بيعمل كل حاجه من الغدر يعرف ان عمر ما الواحد هيرجع زى الاول ابدا ولا هيكون الواحد منتظره شكرا لمرورك تحياتى

أمير البلانكو يقول...

حياه

ازيك

كلماتك بجد رائعه بس فيها حزن كبير أوي ربنا يعينك وتكوني قد التحدي
وان شاء الله ربنا يوفقك في حياتك

تحياتي ليكي يا حياه

من غير عنـــوان يقول...

كلام بسيط... وقوي
سهل... وعميق


أمنياتي

زى الهوا يقول...

حلوة اوى القوة دى , واحسن حاجة ان الحياة ماوقفتش عند جد معين

حياه بلا عنوان يقول...

الله يسلمك اهلا بيك أمير البلانكو شكرا لمرورك للبوست ده مش تحدى اكتر ما دى الحقيقه مع الحياه مش كله يفكر ان الواحد منتظر رجوع اى شخص اكتر ما يعرف انو لو رجع تانى مش هيكون الواحد زى الاول ابدا شكرا لمرورك للبوست تحياتى

حياه بلا عنوان يقول...

من غير عنوان شكرا لمرورك للبوست ورئيك عليه طبعا انو بسيط
تحياتى

حياه بلا عنوان يقول...

زى الهوا شكرا لمرورك للبوست وشكرا لرئيك طبعاالحمدلله الحياه مستمره ومحدش هيستسلم للحاجه دى لكن الحياه مستمره وعمرها ما بتقف غير لليستاهل بس
شكرا لمرورك للبوست تحياتى

”*°•.˜”*°•..سونه..•°*”˜.•°*”˜ يقول...

السلام عليكم.
بس على الحب اللي فات ماتندمش .. ويوم على قلبي ماتندهش ..
بجد روعه واحساس مش عرفه اوصفه
صحيح الحب بيصنع انسان قوى وليس ضعيف
اتمنى لكى الانسان بجد يستاهل القلب الكبير ده .تحياتى سونه

حياه بلا عنوان يقول...

عليكم السلا اهلا سونه منوره البوست وشكرا على رئيك للبوست وان شاء الله الكل هيلقى الحب اللى بجد ومحدش هييئس ابدا طول ماالحياه مستمره شكرالمرورك
تحياتى

rovy يقول...

السلام عليكم
عزيزتى حياه .. كلماتك جميله و صادقه و قويه و احلى ما فيها روح التحدى و الثقه بالنفس التى قرأتها و احسستها فى كلماتك ..

سلمت يداكى

تحياتى

¨°o.O (This Is Me) O.o°¨ يقول...

hi
nice blog,I like it very much
I wish you good luck

حياه بلا عنوان يقول...

عليكم السلام rovy شكرا لمرورك للبوست وشكرا لرئيك عليه تحياتى

حياه بلا عنوان يقول...

This Is Me) thanke you)

mosh 3aref يقول...

ازيك يا سوسو عامله ايه
ايه يا عم الكلام الجامد دا
كلماتك فعلا مؤثره يا سوسو

معلش اتاخرت عليكى كتير فالرد بس غصب عنى ومتخفيش يا سيتى عزمك على عصير مانجه

زقططى بقى

ههههههههههه

تحياتى ليكى

mosh 3aref يقول...

اه صووح مبروك على الصوره الديده

حياه بلا عنوان يقول...

كريم ايه ياعم ده انت اتاخرت خالص خالص ايه ده بس يله المهم انك ظهرت بقا ورديت كونت خايفه يفوتك البوست ده ومتردش فيه هههههههههههههه بس فعلا هزقطط عشان انت رديت فى البوست هىىىىى هههههههههههه كريم نور البوست ياجماعه مش معقوله هههههههههههههه
تحياتى

حياه بلا عنوان يقول...

الله يبارك فيك ياخويا عقبالك يارب هههههههههههههههه قولنا تجديد بردو مع التجديد اللى بيحصل وانتظر المزيد هههههههههههه

ايمن الوليدى يقول...

لاتتوقف الحياه عند انتهاء مشاعر ولا يكون التفكير متجمد على اتجاه واحد او رئى واحد فكما تكون الحياه مستمره يكون كل شئ مستمر لاينغلق ولا ينكسر فلازالت الجراح تندمل ويتجدد الامل بحياه افضل ومشاعر صادقه والانسان بطبيعته متغير ويكون تغيره للافضل ان كان صادق الحس ومنطقى فى تفكيره لذا اشكرك على كلاماتك المنتقاه بعنايه اختى العزيزه واتمنالك الحياه السعيده

حياه بلا عنوان يقول...

ايمن شكرا لمرورك للبوست اكيد الحياه مابتقفش لازم كل واحد يعرف ان الحياه عمرها ماتتوقف على حد ابدا الحياه بتستمر مهما ان كانت ايه هى شكرا ليك تحياتى ليك

rona يقول...

كلامك جميل والقوه احيانا والصمود على الموقف يكون حل انتى فزتى بنفسك وتلك جائزه فى العمر

حياه بلا عنوان يقول...

ronaشكرا لمرورك للمدونه للمره الاولى وشكرا لرئيك على البوست تحياتى