BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

السبت، 4 أبريل 2009

وداعــا .. ايــهــا الــوهـــم !!!!!!


احيانا.. يعتقد الانسان انه يعيش حبا جميلا حنونا.. صافيا.. يعتقد انه وجد ماكان يبحث عنه وجد استقراره.. وجد من يخرجه من حيرته.. من ضعفه ولكنه قد يكتشف مع الوقت انه يقع في ضعف اكبرفي وهم اكبر.. وعندما يكتشف الحقيقه عندما يصدم بالواقع عندما تزيل الحياه ذلك القناع الوردي الذي كان يغطي به قسوة وجهه حينها يدرك انه قد ضاع الكثير من الوقت و المشاعروالكثير من التضحيات وانه قد مات ذلك الجنين الذي كان يتمثل في قلب من يحبهم--- حتى قبل ان يولد --- رغم انه انتظر تلك الولاده كثير من الالم وصوت الانين في قلبه ولكنني اعود لأقول.. بان لا ندم على من تخلو عنا و اتخذو من مشاعرنا و قلوبنا لعبه لهم فكلما زادت صدمات الانسان.. باختلاف انواعها كلما اصبح اقوى و اكثر اصرارا على عدم الضعف وكلما اصبح اختياره صحيحا لمن يحبهم و يصادقهم وبالتالى فلن يحزن على فراق مخادع.. او كذاب لانه اصبح قادرا على تصنيف من حوله ايهم يستحق الحزن و ايهم لا يستحق حتى مجرد التفكيرفكل نبضه نبضتها قلوبنا بشوق و لهفه تجاه من خدعونا .. هي درس وكل احساس صادق بالحب و الحنان نحو من لا يستحق هو درسوكل قطره من جراح نزفتها قلوبنا بألم تجاه من اوهموناهي نهاية وهم ..... وبداية حياة

16 مـــوهـــوم:

ايمن الوليدى يقول...

تحياتى بسبس كلامك كله منطقى لكن طبيعه الانسان انه بياخد خبرته من الحياه طبقا لمبدء واحد هو التجربه والخطاء وديما مشاعرنا بتغطى على عقلنا او بتصبنا بضعف نظر مانشوفش الحقيقه لاننا مقتنعين بعكسها كل انسان عاش فى حب وهمى او خداع كان متخيل انه حقيقه لايمكن نبعد لايمكن نعيش من غير الطرف الاخر وكلنا كنا ضعاف النظر ومخنا تايه مسيطر عليه فكره واحده اننا بنحب وهو ده الحقيقه الحب اللى مايتنسيش ولا نقدر نعيش بعده لكن زاى مانتى قولتى مع اول صدمه بنصحى للحقيقه وبنفكر وبنعيش الواقع الحقيقى وزاى مكان الحزن كبير فى الصدمه زاى مابيكون انتهى مع صحوه العقل . احياكى على كلامك وعلى اختيارك الصادق للكلامات ومستنى الشكولاته بتاعتى بالزوق بقى ولا بالخناق

heba يقول...

السلام عليكم اولا بصراحة موضوع جميل والاجمل انك تتعلمى من الوهم دة وتحاولى تختارى صح مرة تانية وماتكرريش نفس الوهم الاول وسواء كان فى الحب او اى شئ تانى وطول ماحنا عايشين هنشوف ونتعلم وهنعيش وهم وهنعيش حقيقة لكن زى ماقولتلك نتعلم عشان نختارصح ويارب مانعيش وهم ابدا يارب ونكون اتعلمنا من الوهم اللى قبلة ونقولة ودااااااااااااع بجد موضوع هايل

تحياتى ليك

هـــبــه

حياه بلا عنوان يقول...

اهلا ايمن منور المدونه كلها الحمدلله ان البوست عجبك طبعا وكمان شكرا علىالتعليق الجميل على البوست اكيد الخبره بنخدها من الحياه وبنتعلم منها سعات المشاعر بتغطى فعلا بس بردو الانسان بيرجع ويفوق من الوهم طبعا ويعيش الواقع اكيد طبعا زى ما قولت ان الواحد لازم يفوق وصحا من الوهم

حاضر هبعتلك الشكولاته خلاص بقا هههههه

تحياتى

حياه بلا عنوان يقول...

عليكم السلام اهلا هبه نورتى البوست وشكرا على توجودك فى البوست ورئيك فيه طبعا انما بقا على التعلق فهرد عليكى بشويت كلم كده او تقدرى تقولى الموضوع محتاج اراء ومحتاج ردود على بعضها تعلقق جميل بس انتى بتقولى ان الواحد بيتعلم من التجربه الاولى انو عاش الوهم ونحاول نختار الصح ياترا كلنا عرفنا نختار صح انتى انا او غرنا عرفنا نختار صح هل وصلنا لحب الصح وبعدنا عن الوهم هل الواحد ممكن يعيش وهم ولايمكن ان يفوق منه غير بصدمه زى صدمات اخره زى ماذكرتى فى التعليق
هل اتعلمنا من التجربه الاولى ولا عمالين نكرر غلطنا هل وقفنا قصاد نفسنا واقتنعنا باللى قولناه ولا لسه بنخوض نفسه التجربه وهانفضل عايشي على الصدمات شكرا لمرورك تحياتى

فراشة يقول...

حياة
كم انتى حنونه
ولكن اعلمى انه لابد ان نقاسى فى حياتنا حتى نتعلم ونعلم من يستحق التضحيه ممن يستغل تلك التضحيه
كلماتك هادئه رغم مرارتها وجروحها
وجميلة فى نفس الوقت
دومتى حقاً مبدعة

حياه بلا عنوان يقول...

فراشه نورتى البوست وشكرا لمرورك للمدونه وتعليقق عليه تحياتى ليكى

”*°•.˜”*°•..سونه..•°*”˜.•°*”˜ يقول...

السلام عليكم .
رغم كل الحزن والمساعر الحزينه ووجود الالم فى كلامك حقا هى دى الحياه بكل ما فيها من جيانه وغدر وعدم الامان من اكرب الناس .
واحيكى على ان كل ده تتعلمى منه درس مفيد للمستقبل المشرق ان شاء الله
تحياتى ليكى
((***ســـونه***)) .

mosh 3aref يقول...

ان شاء الله هتلاقى الحب الجميل الصادق
لان قلبك فيه اسمى معانى الحب

تقبلى مرورى يا جميل

وياريت لو تفتكرينى بمسكوفيه
واحشنى اوووى المسكوفيه بتاعك يا جميل

ههههههههههه

حياه بلا عنوان يقول...

عليكم السلام سونه نورتى البوست وشكرا لرئيك كمان عن البوست واكيد الانسان بيتعلم من اللى بيحصل معاه او مع غيره شكرا لمرورك تحياتى

حياه بلا عنوان يقول...

كريم اهلا بيك فى البوست وان شاءالله كلنا نلقى الحب الحقيقى اللى يكون متمسك بيك ويكون عارف هو عاوز ايه مش يكون حب وهمى فعلا شكرا على مرورك تحياتى

صمت الحنين يقول...

بوست جميييييل جدااا وهى الحياه كده بنقابل فيها اصناف كثيره وأدينا بنتعلم من اخطائنا والانسان بيظهر من موقف سواء صادق او غير ذلك وطبعا هناك أناس لا يستحقوا حتى مجرد التفكير بهم او اننا نحزن عليهم
دمتى بكل خير ويارب يرزقك الاخلاص دائما

حياه بلا عنوان يقول...

صمت الحنين اهلا بيكى فى المدونه وفى البوست وشكرا جدا على رئيك على البوست وطبعا زى ما قولتى الحياه بنقابل فيها وبتعلمنا بس المهم اننا نستفيد من اللى بنشوفو واللى بيحصل فيها تحياتى ليكى

أحلى حياة يقول...

السلام عليكم ورحمة الله وبركاته

بوست جميل وكلمات رقيقه
بس انا ليه راي ان مش شرط يكون في طرف في العلاقه الفاشله هو اللي خان وباع و الطرف الاخر بريء
اولا، كل واحد في الدنيا بيتصرف في اي موضوع ايا كان من وجهة نظره هو وبناءا على ثقافته وتجاربه وخبراته وطريقة تفكيره وما الى ذلك، يعني اكيد بيبقى شايف، من وجهة نظره، ان اللي بيعمله دا هو اللي صح، وطبيعي جدا انه يكون احيانا مخالف لراي الاخر لان الاخر دا ليه فكر وثقافه وتجارب وخبرات مختلفه، ومن هنا بيجي الخلاف او الاختلاف اللي بيعتقد فيه كل طرف من اطراف الموضوع ان هو اللي صح والتاني اللي غلط في حين ان مش لازم يكون في طرف مخطئ اصلا في المشكله لان كل واحد يوم مااتصرف اتصرف على اساس اللي هو شايفه صح من وجهة نظره
ثانيا، بالنسبه للعلاقات العاطفيه، احيانا ممكن يكون الاتنين ضحيه، على الاقل ضحية الظروف اللي وصلتهم للنهايه دي، ضحية ان كل واحد ماقدرش يفهم ويستوعب التاني صح، ضحية ان كل واحد يمكن سعى للاخر بالطريقه الغلط او الغير مناسبه ليه على الاقل
طبعا انا في كلامي مش باعمم لاني بشكل عام مش من انصار التعميم في اي شيء، بس باقول احيانا ممكن تكون دي الحقيقه

اسفه جدا على الاطاله
وتحياتي لحضرتك :)

حياه بلا عنوان يقول...

أحلى حياه بشكرك لمرورك الاول فى المدونه وبشكرك كمان على رئيك على البوست وكلمك صح طبعا وناس كتير لو فكرت فيه ممكن متفكرش انها تعيش فى الوهم طبعا شكرك لمرورك وطبعا ولا طولتى ولا حاجه بلعكس انتى قولتى كلم صح فعلا تحياتى

الفراشة الصغيرة يقول...

حياه

دايما بتعجبنى طريقتك فى الحديث

بس بليييز
نفسى الاقى ليك بوست من غير حزن

حياه بلا عنوان يقول...

الفراشه الصغيره نورتى البوست وشكرا على رئيك على البوست وان شاءالله اعمل بوست من غير حزن تحياتى ليكى