BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الأربعاء، 23 سبتمبر، 2009

أحــلــى أربــع أيــام فــى رمــضــان


بـــســـم الـلـه الــرحــمــن الــرحــيــم
_____________


حبيت ان عنوان البوست يكون بالاسم ده لانه كان فعلا احلى ايام فى رمضان


هو اكيد رمضان كله كان جميل بس بيكون جميل

لما تحس انك فعلا عملت حاجه وتستاهل انك تقول عليهم احلى ايام فى رمضان


انا مش حبه اطول عليكم قوى فى الكلام انا عارفه انتو دلوقتى بتقولو ليه اربع ايام


اشمعنه الاربعه بس ما رمضان كله جميل انا عارفه ان كله جميل بس زى ماقولت فى الاول

انهم احلى ايام رمضان لما تحس فعلا انك عملت حاجه فيه مش على قد الصلاه والصوم والقراءن فقط


لا ممكن تعمل اكتر من كده وممكن تساعد كل انسان محتاج وكل مكان محتاج ممكن تساعد فيه

المهم انا مش هطول عليكم بس انا حبه احكى عن الاربع ايام دول جدا علشان كلنا نحاول نعمل زى بعض

وعلشان نشوف ان فى ناس كتير قوى محتاجه لينا جدا .


انا فى البدايه كونت حبه جدا انى ازور دار ايتام جدا كانت الفكره دى فى بالى على طول وكونت دايما بقول


لى اخواتى نفسى اروح وازور الايتام بس مكنش حد بيشجعنى قوى لحد ما جه وقت وكونت مسافره فيه

عند قربتى واتكلمت معها وشجعتنى جدا انى اعمل اشارك فى اى جمعيه وفعلا اتشجعت انا واخواتى


ورحنا وتطوعنا فى جمعيه رساله وكان اول ايام الاشتراك كان قبل رمضان بى حوالى 3ايام بس


لما تطوعت انا واخواتى لقينا فيها حاجات كتير قوى اقسام كتير ممكن اى حد يشارك فيها فرحت جدا اول

ما حسيت ان عملت حاجه نفسى فيها بدانا ان انا واخواتى نروح الجمعيه عرفنا ان فى الجمعيه فى حاجه اسمها


قوافل رمضان لما سمعتها قولت يعنى ايه عرفت ان اى متطوع فى الجمعيه ممكن يطلع القوافل دى

القوافل عباره عن بلاد وقرا تزوريها المهم كان فيه 4 محافظات ممكن تختارى اى محافظه منهم

كان فى بلبيس وديرب نجم وميت غمر ومنيا القمح واحنا بما اننا اقرب حاجه لينا كانت منيا القمح وكمان علشان

بابا يوفق اننا نروح اخترنا اقرب مكان لينا المهم القوافل دى عباره عن ايه


شنط رمضان _زيارات مسنين _ اجهزت عرايس _ مشاريع _اسقف_معارض.
دى شنطه رمضان





دول بقا شباب الزقازيق للاسقف نسيت اقول انهم متطوعين فى الجمعيه بردو




وكانو محتاجين فى كل بلد عدد معين ومنيا القمح كان محتاجين فيها اكبر عدد وهما 200متطوع والحمدلله تطوعنا



ورحنا منيا القمح ووزعنا شنط رمضان قد ايه بيكون حاجه حلوه قوى لما تلقى البسمه على وش انسان محتاج اى
دى متطوعه زياره للمسنين فى البيت








حاجه على فكره الايام دى كانت من بدايه يوم 25_26_27 رمضان








ومن بدايه الساعه 8 صباحا لحد الساعه 9مساء يعنى علشان كده بقول احلى ايام كمان








قد ايه احنا تعبنا فعلا بس محدش فينا كان حاسس بالتعب ده لما يشوف انسان يستحق انك تعمل حاجه علشانه








ولما تقابل ناس تدعيلك وياه لما تكون دعوه من ست كبيره او راجل كبير بنكون فرحنين جدا ولما تدخل على بيت








انسانه مش قدره على انها تجهز نفسها وتلقى الحاجه جايه لحد عندها قد ايه تشوف الفرحه على وشها والبسمه








بجد كانو ايام جميله قوى قوى وبدعى من ربنا ان كلنا نحاول نعمل كده على طول ونحاول نساعد كل محتاج








ونحاول نقرب من بعض اكيد الموضوع مش على قد كده بس انا انجزت كتير فيه واصلا الموضوع عمر ما








الانسان يقدر يحكى عنه لازم الكل يجربه علشان يعرف قد ايه جميل وحلو قوى








انما بقا اليوم الرابع ده بقا كان يوم تانى خالص وكان بردو جميل قووووى وهو يوم الكساء العالمى
دى صور ليوم الكساء

دخول الاسر من الباب

ده معرض يوم الكساء
ده طفل فرحان بالملابس

لحظه الفطارللمتطوعين يوم الكساء



هو كان يوم جميل قوى بردو ده كان يوم 29رمضان وكلنا شاركنا فيه وكونا مبسوطين جدا


رغم اننا كونا محتاجين اننا نرتاح من شغل القوافل بس الحمدلله حسينا ان بجد رمضان ده بيقدر كل انسان


وبيدى كل انسان حاجه كويسه يوم الكساء ده بقا كان من الساعه 7 صباحا لحد 7مساء كان فى الاستاد الشرقيه


وكان فى اسر كتير قوى مستنيه انها تاخد ملابس ليها ولى اولدها قد ايه

لما تلقى اشخاص جايه وبتدعى ربنا يبارك فيكى وتبوسك وتدعيك وتطلب منك انك تختارى لى اولدهم ملابس



بيكون فيه روح جميله قوى بين الناس دى الحمدلله كانت الكميه كبيره من الاسر بس مزعلناش حد ابدا وكله



طلع مبسوط من يوم الكساء من الاسر للمتطوع وكانت ايام جميله بجد الانسان بيتمنا انها ترجع تانى وتتكرر تانى



معلش انا طولت عليكم بس انا قولتلكم ان فى مفاجئه عملها ياريت تكون بالنسبه ليكم مفاجئه حلوه زى ما كانت حلوه

على فكره يا جماعه الصور دى حقيقيه من القوافل فعلا

26 مـــوهـــوم:

sweet angel يقول...

ربنا يعيده عليكي وانتي في أتم صحه وسعاده
ويجعل كل أعمالك في ميزان حسناتك
كل سنه وانتي طيبه
تحياتي

دموع القمر يقول...

اقدر اقول انى اول تعليق

ولا اييييييييه

دموع القمر يقول...

طوويب

المهم انى برضو التعليق الاول ههه

كل سنة وانت طيبة

ياابختك والله

انا بقى قاعدة فى البيييييت

سعيدة جدا بزيارتك

تحياتى لكى

الفراغ يقول...

بجد فرحانه معاكى
وربنا يسعدكم على كل اللى بتعملوه علشان تسعدوا الناس
وصحيح هما 4 ايام فى الدنيا بس ربنا هاعوضكم عنها باذنه ومشيئته فى الجنه ان شاء الله
كل اللى تمنيته ان اكون معاكم واكون اصغر من كدا 30 سنه لكن انا معاكم بقلبى وروحى
ويارب دايما تكونوا فى قافلة الخير

اللؤلؤة يقول...

السلام عليكم
أشكر حضرتك على زيرتك
كل عام وحضرتك إلى الله أقرب
وياريت تيجى ياعيد وفى قلب كل واحد فرحة
وياريت تيجى ياعيد ومفيش فى اى عين دمعه
وياريت تيجى ياعيد وربنا ناصر كل مظلوم
وياريت تيجى ياعيد وربنا مفرج الكروب
وياريت تيجى ياعيد واحنا من النارمعتوقين
ياريت تيجى ياعيد واحنا من النار معتوقين
ياريت تيجى ياعيد واحنا من النار معتوقين
آمييييييييييييييين
آمييييييييييييييين
آمييييييييييييييين
وكل عام وحضرتك والأمة الإسلامية بكل خير
وكل عام وأنت إلى الله أقرب
وتقبل الله منا ومنكم جميع صالح أعمالنا
أسأل الله العلى القدير أن يغفر لنا جميع ذنوبنا
(" كبيرها وصغيرها ")
وأسأل الله العلى القدير أن يرحمنا
وأسأل الله العلى القدير أن يرزقنا الجنة
وأن يجمعنا فى الجنة
وتقبل الله
خالص تقديرى

heba يقول...

السلام عليكم اولا

انا طبعا مش هقدر اقول اكتر من اللى قولتية لانى انا كنت معاكى لان بجد احساس جميل جداااا فوق ماتتخيلو ياجماعة انكم تشوفو فرحة انسان انت بتسعدة ودعوة من ست كبيرة بجد احساس رائع وربنا يقوينا ويكرمنا جميعا يارب

تقبلى مرورى

heba

صفــــــاء يقول...

بسم الله ماشاء الله
تخيلى انى واختى نفس الوضع كدة بالظبط وبنتمنى اننا يكون لنا نشاط زى دة
وهى فعلا بتسعى للموضوع دة وبتنضم لأى نشاط خيرى تسمع عنه

المهم طبعا ايامك الاربعه كانت رائعه
وربنا يقدرك دايما وتعملى الخير وتكونى سبب فيه

rovy يقول...

ما شاء الله عليكى
ربنا يكرمك و يكرم كل من شارك معكى
و يقدرنا جميعا على فعل الخير يارب
كل عام و انتى بالف خير و يارب عيد سعيد عليك و على كل احبابك

تحياتى

هيثــم رمضـــان يقول...

ما شاء الله ولا قوة إلا بالله برافوا عليكي وجزاكي الله كل خير إنتي عارفه قمة السعاده اللي ممكن الانسان يحسها لما يكون سبب في سعادة الأخرين ورسم البسمه علي الوجوه المحتاجه, أكيد لما الأنسان بيعمل حاجه زي اللي إنتي عملتيه ده بيشعر إن له قيمه في الحياة وبيكون راضي عن نفسه جداً وكمان والأهم بيشعر برضا الله عليه وده طبعاً أنا بعتبره توفيق من الله ليكي بأن يسرلك الأمور لعمل الخير ونيل الأجر العظيم إن شاء الله, وربنا يكرمك إنتي وكل شباب الخير وكمان القائمين علي جمعية رساله العظيمة, إنتي عارفه أنا كان ليه زيارة لجمعية رسالة من حوالي 9 سنين وكانت تقريباً لسه في بداية نشاطها وكان عندهم 10 أطفال فقط من اليتامي وكانت فكرة الجمعية نابعه من أستاذ وطلاب من كلية الهندسه جامعة القاهرة علي ما أعتقد ولأن مقصدهم خير ولأن الخير في أمة محمد تطور أداء الجمعيه بشكل كبير جداً وفي زمن قياسي. عموماً جعله الله في ميزان حسناتك وكل سنه وإنتي طيبه.

تحياتي

اقصوصه يقول...

كل عام وانتم بخير

حياه بلا عنوان يقول...

sweet angel
------------
وانتى طيبه نورتى البوست وبشكرك على مرورك وان شاءالله ربنا يكتبها فى ميزان حسنتنا جميعا يارب
تحياتى

حياه بلا عنوان يقول...

دموع القمر
-----------
لا انتى التانى معلشى بقا

حياه بلا عنوان يقول...

دموع القمر
-----------
بردو مصمصمه خلاص بقا مش مهم
وانتى طيبه معلشى السنه الجايه ان شاءالله تحاولى وتشاركى وانا اسعد بزيرتك جدا يارب على طول
تحياتى

حياه بلا عنوان يقول...

الفراغ
-------
ربنا يارب يبقا الفرحه على طول معاكى مع الجميع يلرب وربنا يسعدنا جميعا اللى احنا عملنا ده حاجه بسيطه قوى وممكن الكل يشارك ويعملها بجد حياه جميله وايام جميله قوى يارب تكونى معانا فى السنه الجايه وتشاركى معانا والكل يشارك كمان ربنا يديكى طولت العمر يارب وشكرا جدا على مرورك الاول للمدونه ويارب مايكونش الاخير يارب اشوفك فيها على طول
تحياتى

حياه بلا عنوان يقول...

اللؤلؤة
--------
عليكم السلام ورحمه الله وبركاته
اهلا بحضرتك فى البوست وبشكرك جدا على الكلمات الجميله وان شاءالله متكونش الزياره الاخيره للمدونه
تحياتى

حياه بلا عنوان يقول...

heba
------
وعليكم السلام ورحمه الله وبركاته
طبعا انا مش هعلق على كلمك لانك كونتى معايا وحسه نفس احساسى
تحياتى

حياه بلا عنوان يقول...

صفــــــاء
-----------
بجد يا صفاء بيكون وضع تانى وحاله تانيه بتحسى بيها ربنا يارب يتقبل منك ومنا ومن الجميع اعملهم يارب
ونكون فعلا حولنا نكون اسعدنا ناس
محتاجه انها تكون سعيده بجد
تحياتى

حياه بلا عنوان يقول...

rovy
-----
اهلا بيكى نورتى البوست وربنا يبارك يارب فى الجميع يارب ويتقبل من الجميع اعملهم يارب
تحياتى

حياه بلا عنوان يقول...

هيثــم رمضـــان
----------------
الحمدلله بجد يااستاذ هيثم مهما احكى مش هقدر احكى كل حاجه لان كانت احلى ايام بجد حسيت بيهم انهم فعلا ان رمضان حسيت بطعم الصيام فيه بجد احساس جميل قووووى والحمدلله قدرنا نحقق ونسعد كل انسان محتاج انا كمان كونت اسمع عن رساله من زمان وكان نفسى اشارك جدا من زمان بس اكيد مكنش فى فرصه زى الفرصه اللى جت دى وبجد كانت احلى فرصه واجمل فرصه جتلى بجد الحمدلله وبتمنا ان الجميع يشارك فى اى نشاط واى حاجه فى الخير بجد احساس تانى خالص
بشكر حضرتك على مرورك تحياتى

حياه بلا عنوان يقول...

اقصوصه
------
وانتى بالف خير يارب
بشكرك على مرورك
تحياتى

عاشقة الأحزان يقول...

السلام عليكم
ازيك يا حبيبتى وحشتينى قوووووووووووووى
ربنا يكرمك خير يارب وجعل كل هذا بميزان حسانتنكم اللهم امين يارب العالمين
وحشتينى كتير قووووووووى
طمنينى عليكى

tota يقول...

السلام عليكم
كل عام وانتي بألف ألف ألف خير يا اختي الغاليه
متأخره في الرد ولكن الحمد لله بالنهايه رديت
طبعا احساس لا يوصف لما تسعدي الناس بهيدا الشكل هو لما تبتسمي بوجه طفل بتحسي بسعاده غير شكل فكيف لما تبتسمي بوجوه اطفال ونساء وعجائز وكمان بتلاقيهم عم يدعولك
الله يبارك بعمرك يا رب ويقويكي على فعل الخير اللهم ااااااااامين
سلام

حياه بلا عنوان يقول...

عاشقة الأحزان
-------------
عليكم السلام ورحمه الله وبركاته
الله يسلمك نورتى البوست والله ليكى وحشه
مش دخله ليه بزعبيبك وهزارك اكيد فيه حاجه يارب يكون خير اصل وخده انك بتدخلى تهزرى وكده يعنى على العموم نورتى والله البوست ويارب يدكى كل انسان على قد اعماله يارب العالمين
تحياتى

حياه بلا عنوان يقول...

tota
-----
وعليكم السلام ورحمه الله وبركاته ايه النور ده اختى هنا ياهلا ياهلا منورانى يا حببتى والله مفيش تاخير ولا حاجه ربنا يخليكى ليا يارب كفايه انك بس دخلتى عندى دى كفايه قوى ربنا يبارك فيكى يارب
تحياتى

دموع القمر يقول...

ربنا يخليكى ليا حبيبة قلبى

بجد طيور الجنة نورت بيكى

ويارب كدا تزورينا على طول

دمتى بكل خير

حياه بلا عنوان يقول...

دموع القمر
-----------
ويخليكى انتى كمان يارب انتى اللى منوره دايما يارب
تحياتى