BLOGGER TEMPLATES AND TWITTER BACKGROUNDS »

الــجــديــد فــى مـــدونــتـــى مــدونــه حــيــاه بــلا عــنـــوان

الجمعة، 13 نوفمبر، 2009

شــكـرا لــكــل مـن مـر عـلـيـا الــتــاج !!!



السلام عليكم ورحمه الله وبركاته
طبعا انا حبه اشكر الاخت الفراغ على الاسئاله اللى فى التاج واسفه على التاخير
وطبعا بشكر الاخت
هــمسات على ضوء الـــقمر انها وصلتهولى طبعا
ومش هطول عليكم وهبداء


بسم الله الرحمن الرحيم


انت مين بقى؟ انا انسانه بحب الهدوء وبحب راحه البال
وبحب كل الناس حتى لو كانت مش بتحبنى
بحب اسعد كل الناس بحب اشوف الكل سعيد حتى لو انا حزينه
عندك كام سنه؟ 23
هل انت متزوج ؟ وهل عندك اولاد؟ الحمدلله لا مش متجوزه -ولا عندى اولاد لسه بدرى.
دراستك ايه؟ انا بدرس معهد خطوط عربيه والحمدلله خلصت اربع سنين المعهد ودلوقتى باخد سنتين تخصص.
كم طولك...وما لونك... طولى 152 - وزنى 45- لونى خمرى
هل تمارس عملا بشهادتك ام عمل حر وماهو؟ والله نفسى ادعولى بس .
ماهى مدة عملك اليوميه؟ الحمدلله ولا ساعه لان مافيش عمل .
ماذا تفعل بوقت فراغك؟ والله اقدر اقولك معنديش فراغ الحمدلله بس لما بيكون فيه بيبقا فى جمعيه رساله.
هل لديك هوايات....وهل تمارسها؟ الانترنت .
هل تشعر برضا ربنا عنك ؟ الحمدلله .
هل تحب؟...ومن بقلبك الان؟ اكيد طبعا بحب ده اللى مش بيحب بيكون مش عايش
مين فى قلبى ؟ ربنا سبحانه وتعالى واهلى واصحابى
دول اكتر ناس بحبهم بجد الحمدلله.

لو لم تجد من تحب ....فماذا ستفعل؟ عن نفسى لو لم اجد لم ابحث عنه لان ربنا سبحان وتعالى
كاتب لكل انسان نصيبه واللى ربنا كتبه هنشوفو ده رئى.
عندما تكون فى موقف اتخاذ القرار..تخالف الجماعه.. ام تشرك معك الاخرين ؟
اكيد بستخير ربنا وبقول يارب الهمنى القرار اللى يكون صح
وممكن طبعا اتشاور مع الاخرين لو هما قالو ححجه وحسيت انها صح
وربنا سبحانه وتعالى اقنعنى بانهم بيقولو الصح يبقا ممكن.

هل تتعامل بواقعيه؟ كتيــــر بصرحه
ماهو الشيء الذى فعلته وندمت عليه طول عمرك ؟
اللى فعلا ندمت عليه انى مكونتش بصلى من وانا صغيره .
هل تصارح غيرك بالحقيقه ؟ ام ام تقول له مايريد سماعه؟
هل اصارح بالحقيقه اكيد اصارح بالحقيقه هى سعات بتجرح بس بتفوق
او اقول ما يريد يسمعه ده اكيد لا لان انا بتعبر ان ده نفاق .
صف انسان يمكن ان تحبه عمرك كله؟ اولا يكون عارف ربنا وطيب وكويس وحنين
ويكون متحمل المسئوليه وقدرنى زى ما اقدرو
وياريت يكون مش مدخن وميكونش بخيل .
متى يقسوقلبك ؟ الحمدلله مبعرفش ابدا قلبى يقسا على حد حتى لو ظلمنى.
ومتى يقسو لسانك؟ بردو مبعرفش ابدا لسانى يقسا على حد.
من هو اول من قلت له احبك؟ للكان يستهلها.
هل يمكن ان تحب احد من المدونين؟ حب اخوى اكيد لكن حب عاطفى لا انابفضل حب الاخوى لانه بيدوم.
وهل يمكن ان يكون شريك حياتك؟ بصراحه مافتكرش
ماذا تعنى لك المرأة او الرجل؟ الرجل اثاث المجتمع - المرأه بردو اثاث الحياه.
فى زمن البحث عن الماده ..عن ماذا تبحث انت ؟ ابحث عن الحياه السعيده وراحه البال .
متى تعرف انك تحب ؟ الحب موجود على طول مش ليه وقت ولا معاد.
ماهى الشخصيه التى اثرت بحياتك ؟ صديقه ليا الله يرحمها.
هل يوجد من تراه سعيدا فى الدنيا ولماذا ؟ لما بيكون الناس كلها سعيده بكون سعيده
لماذا لان مش بحب اشوف حد حزين.
سياره وسائق ووقت متاح ....تذهب الى اين ؟ ولمن ؟ بالترتيب ام تفضل ان تكون وحيدا؟
اذهب الى البحر لمن للبحر واكيد احب اكون لوحدى فى الوقت ده.
ماهى درجة صراحتك ؟ 80% الحمدلله.
وماهى المواقف التى يمكن ان تكذب فيها ؟ لما اكون بقنع نفسى بحاجه مش متاكده منها.
هل يتغير الحب بعد الزواج؟ لما بيكون الحب مبنى على وضوح وفى تفاهم ممكن مايتغيرش لكن غير كده ممكن يتغير.
فيما تفكر الان ؟ بفكر اوصل لى اخر سؤال هههههههههههه
لو لم تعيش بمدينتك؟؟؟فاى مدينه اخرى تفضلها؟ بصراحه انا بحب مديتنى بس كونت وانا صغيره
اقول لبابا ننقل بتنا ونودى اسكندريه من انا صغيره
هاااه علشان محدش يفهمنى غلط لحد دلوقتى .
من اول من ياتى ببالك لتحكى له اسرارك؟ ربنا سبحانه وتعالى طبعا وبعدين اخواتى
و اصدقائى اللى بعتبرهم عن اخواتى.

من تريد ان يكون دائما بجوارك ؟ ربنا سبحانه وتعالى واهلى اللى هما بابا وماما واخواتى .
من هو الد اعدائك؟ الحمدلله يارب ربنا ما يجيب اعداء ابدا مافيش اعداء ليا.غير واحد بس الشيطان .
ومن هو صديقك ؟ بعتبر صديقى اللى يكون جمبى فى كل الاوقات وهما طبعا معروفين.
ماهى صفات شريك العمر؟ ميكونش نرفز ويكون هادى
لو الدنيا كلها زيك....لمن تقول هذه العباره ؟ اقولها لى اى حد يستحق انى اقولهالو.
ماذا تكره فى الدنيا ؟وماذا تحب؟ اكره الانسان المنافق والكاذب والخاين
احب الانسان الصريح المرح .

كيف تواجه مايضايقكوماذا تفعل عند المفاجآت ؟ اوجه اللى يضيقنى بعتابه
افعل عند المفاجأت انبسط لو حاجه تبسط لكن لو حاجه تحزن احزن جدا.

لو معاك فلوس اكثر مما تتخيل...فماذا ستفعل بها؟ هشوف ايه اللى نقصنى وناقص اخواتى
وبعدين اطلع بابا وماما حج وبعدين ابنى دار ايتام كبير
هل الفقر يصنع حبا؟؟وماذا لو وجد الحب فى زمن الفقر المادى؟ عمر ماكانت الماده هى العائق فى الحب
ممكن فعلا الانسان يحب انسان فقير
الفقر مش عيب .
ماهى اقسى صدمه تعرضت لها حتى وقتنا هذاوماذا كان رد فعلكوهل تعلمت منها شيء؟
الحمدلله يارب ماتعرضتش لصدمات .
هل انت على استعداد لتلقى صدمات اخرى؟؟ ربنا يبعدنا عن الصدمات.
هل تصدق كل ماتقرا عن الاخرين كيف ترد على من لاتصدقه؟
مش مهم انى اصدقه المهم هو يصدق ربنا سبحانه وتعالى
اللى مش اصدقه هقول هو حر بس كله عند ربنا.
اذا احببت انسان ما ...هل تصرح له بحبك ؟وماذا تفعل لو لم يتجاوب معك؟هل تؤمن بالمثل القائل:انا احب فانا اعيش؟
ممكن اصارح بحبى ممكن اصارح لو ماتجوبش معايا بقول الحمدلله ده نصيب
ايوه طبعا لان كلنا بنحب كفايه حب ربنا سبحانه وتعالى.

ماهى القضايا التى تشغل بالك؟ بصراحه الدنيا كلها بقت قضايا مش عارفين نطلع من ولا واحده فيهم .
هل تستطيع تحقيق كل احلامك هل تمتلك طموحا...وماهو؟كيف ستحقق طموحك...ام سيبقى حلما فقط!!!!!!!!!!
الحمدلله طول ماربنا موجود ممكن ليه لا ممكن نحقق كل الاحلام لو ربنا رايد تتحقق هتتحقق .
ماهى علاقتك بالدنياماهى علاقتك بالموت؟ علقتى بالدنيا الحمدلله وعلقتى بالموت منتظراها فى اى وقت.
لو لك اختيار زمن تعيش به....فماهوذلك الزمن ؟ ولماذا ؟ اكيد كل زمن وليه وقته
بس انا اختار اعيش فى زمن زمان لان كان فيه احترام اكتر من دلوقتى.

هل يمكن ان ارا ك وانت غائب؟؟؟؟؟؟؟ ممكن ليه لا حسب الاحساس بالاخرين.
ماذا ترى فى نفسك مميزا عن الاخرين؟ انى بحب الحزن وافتكر ان مفيش حد بيحب الحزن قوى زى .
من اذا اقترب منك ...هربت منه بعيدا؟ الشــيــطان.
من تقول له : قرب منى قرب ...ياقلبى يا متغرب؟ اى حد اعرفه وبعيد عنى .
ماذا تريد ان تقوم به قبل ان تموت؟ ان ربنا يكون راضى عنى واحفظ القراءن الكريم.
مارايك فى اسئلتى؟؟؟ وبدون مجامله هل نسيت سؤال كان هاما بالنسبة لك؟
الاسئله جميله طبعا ومافتكرش انك نساتى حاجه ماشاء الله عليكى.
من يهمك ان يجاوب على هذه الاسئله؟؟؟؟؟؟؟؟؟؟؟؟؟؟؟؟؟
بصراحه يعنى مش معقوله صحبه الاسئاله تحطها ومايجيش عليها الدور فاانا بديهولك طبعا .

18 مـــوهـــوم:

romansy يقول...

هى همسات دى عماله تهدى التاج كده

هما الناس فاضين ولا ايه

romansy يقول...

ان شاء الله تحققى كل احلامك
ويجيلك بدل التاج الف تاج بس ان شاء الله منهم تاج الفرح

الفراغ يقول...

حبيبتى : حياة
اشكرك على الاهتمام
وفرحانه جدا بما عرفته عنكى
وعرفت ليه دلوقتى حسيت بقربك منى
رغم الوقت البسيط اللى عرفنا بعضنا فيه

بس زى ماقلتلك
الارواح جنود مجنده..ماتعارف منها ااتلف
وما تنافر منها اختلف

ومن عنيا
حاضر هارد على التاج

ريمان يقول...

كل تاج وانتى طيبه


اجاباتك جميله اوى

ربنا يسعدك يا رب

انتى انسانه رقيقه جدا

وكمان قصيره اوى ورفيعه اووووووووى

هههههههههههههه


اتغذى شويه مينفعش كده عامله رجيم ولا ايه

الأحــــــ إيناس ــــــزان يقول...

الله عليكى
احيكى على شجعاتك

انا برده ماما الفراغ وهمسات على ضوء القمر مررته ليا وكمان يومين كده هحاول احله عشان خاطر ماما

دعواتك
وعلى فكرة انتى وحشتينى قوووووووووووووى
طمنينى عليكى
تحياتى
ايناس

حياه بلا عنوان يقول...

romansy
--------
انا بشكرها انها مرته عليا وبشكر الفراغ بردو لانها هى الاصل للوصول للتاج عندى شكرا لمرورك
تحياتى

حياه بلا عنوان يقول...

romansy
--------
شكرا ليك بنا يخليك وان شاءالله كل الناس تحقق كل اللى تحلم بيه بردو
شكرا على مرورك
تحياتى

حياه بلا عنوان يقول...

الفراغ
-------
العفو ده انا اللى اشكر حضرتك طبعا انك ادتينى الفرصه اتكلم عن نفسى طبعا وانا االى مبسوطه اكتر انى عرفت حضرتك قوى ربنا يقربنا ببعض اكتر واكتر طبعا الارواح جنود مجنده اكيد ودى حقيقه وطبعا هستنا اجباتك على التاج ان شاء الله
تحياتى

حياه بلا عنوان يقول...

ريمان
-----
شكرا ريما على مرورك عندى انا ش عمله ريجيم ولا حاجه بس هنعمل ايه بقا هههههههه نصيب الحمدلله انا حبه وزنى كده كويس اشكرك جدا وطبعا سعيده ان الاجابات عجبتك وربنا يسعدنا جميعا يارب شكرا بجد على الكلام الجميل
تحياتى

حياه بلا عنوان يقول...

الأحــــــ إيناس ــــــزان
--------------------------
شكرا ايناس الحمدلله دى صراحه اكتر من شجاعه وكمان ربنا شاهد عليه وانا بكتب كل كلمه وده انا بفكر فيه قبل مابكتب اى حاجه مستنين التاج بتاعك انت كمان وانتى كمان وحشانى قوى انا الحمدلله بخير طول ماانتم بخير
تحياتى

tota يقول...

السلام عليكم ورحمة الله وبركاته
زي ما بعرفك دايما صريحه وثقتك بربنا كبيرا دايما الحمد لله
الله يثبتك يا رب يا غاليتي ويحقق احلامك كلها وأولها الحج لخالتو مامتك وعمو باباكي وتاني شي الزوج الصالح الي انتي ما ذكرتيه وثالثا بنء دار الايتام بس بحاجه لدراسه مشروع أولا هههه
تقبلي مروري ياختي
سلام

ليس فقيرا من يحب يقول...

مبروك على التاج

ربنا يسعدك ويحقق كل احلامك يارب

حياه بلا عنوان يقول...

tota
-----
وعليكم السلام ورحمه الله وبركاته
اهلا بيكى ياقمرتى نورتى المدونه
الحمدلله يا خوخا كلنا مؤمنين بربنا سبحانه وتعالى ودى اهم حاجه عندنا كلنا امين يارب ويحقق للجميع كل اللى محققهوش يارب ان شاء الله هيكون فى دراسه للمشروع اول مايئذن ربنا سبحانه وتعالى يارب
شكرا لمرورك
تحياتى

حياه بلا عنوان يقول...

ليس فقيرا من يحب
---------------
شكرا ليكى على مرورك ويارب كل الناس تحقق احلمها يارب
تحياتى

حاول تفتكرنى يقول...

من الجميل أن نستطيع ان نعبر عن أنفسنا ببعض كلمات

والاجمل ان تسطيع هذه الكلمات التعبير عنا

كل شىء هنا جميل

تحياتي

donya يقول...

مساء الخير
اجابات جميله متزنه
كل تاج وانت طيبه
تحياتي

حياه بلا عنوان يقول...

حاول تفتكرنى
-------------
شكرا لمرور حضرتك ومتشكره قوى على الكلمات الجميله
تحياتى

حياه بلا عنوان يقول...

donya
-----
شكرا ليكى وعلى مرورك
الحمدلله ان الصراحه عجبتك
وانتى طيبه يارب يوصلك
ان شاءالله
تحياتى