عــرســــان أخـــر زمـــــن !!!!

بسم الله الرحمن الرحيم

دى حكايه ولا فى الاحلام عوزه رئيكم فى الحكايه دى بس بصراحه

أولا المقابله الاولى :

طبعا اى عروسه بتسمع ان فيه عريس بتفرح وبتجهز نفسها طبعا العروسه لبست وجهزت نفسها للمقابله أهل العريس

المهم العريس جه هو واخته وممته وخالو طبعا جين يشوف العروسه تنفع ولا لا زى اى حد بيتجوز يعنى

طبعا بعد كده المقابله الاولى انتهت وطبعا اهل العروسه منتظرين الرد من أهل العريس

بعد المقابله الاولى بااسبوع فجئه جرس التليفون رن ترم ترم ترم طبعا وصل رئى العريس والموافقه

وطبعا عوزين معاد تانى يجوم يحددو الطلبات ومعاد الشبكه وده طبعا حصل

معاد المقابله التانيه :

وطبعا دى مقابله الاتفاق على الطلبات جت اخت العريس والعريس وجوز اخت العريس

وكانت الطلبات كالآتى :

اخت العريس : غساله نصف اتومتك - بوتوجاز - مراوح - 3 غرف

بابا العروسه طيب ايه مراوح دى ممكن نقسم البلد نصين المراوح جيه جيه

نقول عليكم نجف وستاير مع الحاجات اللى قولتو عليها

اخت العريس: موقفين

جوز اخت العريس : بالنسبه للمؤخر 5000 الف جنيه

بابا العروسه : لا 10 الف جنيه

اخت العريس وجوزها : خليهم 5 علشان المأذون بياخد كتير فى العشره وكمان الحكومه اللى بتكسب فى كده

بابا العروسه : معلش هما العشره

طبعا وفقو ومشيو من المقابله التانيه مبسوطين الحمدلله من اهل العروسه

وحددو معاد قرءات الفاتحه والشبكه زطبعا العريس ملهوش كلمه فى الموضوع ده كله مش بيتكلم

جه يوم قرءات الفاتحه هو وممته واخته وجوز اخته وخالو وخالو وقرينا الفاتحه والعروسه طلعت

واعدات اخت العريس عوزه عد جمب العروسه واعدات طبعا

المهم وطبعا اخت العريس اعدات وبتتكلم مع العروسه

العروسه بقا لقت اخت العريس بتقلع خاتم من صبعها بتقولها خدى الخاتم ده فى الخباثه شوفى هيجى مقاسك ولا لا

العروسه : ليه قلتلها علشان نجبلك الدبله قلتلها هو مش من حقى انقى الدبله بنفسى ولا ايه

طبعا العروسه ااتنرفزت

اخت العريس : انتى زعلتى ولا ايه معلشى معلشى خلاص انتى هتنقيها

وطبعا بعد كده اعدو واتكلم مع بعض وضحكو ومفيش حاجه ولا اى مشاكل

المهم دخلت اخت العريس مع اخت العروسه والعروسه فى كلام عادى

اخت العروسه : هو هيجيب الغساله والبتوجاز امته علشان العروسه تنقى معه

اخت العريس : لا هو جبهم خلاص من المكان الفلانى اصل واحد اللى هيجبهم

اخت العروسه : طيب هو جبهم قسط ولا كاش

اخت العريس : يعنى مش كده بظبط

المهم اخت العريس سئالت اخت العروسه انتى عفشك قديم ولا جديد

اخت العروسه : لا جديد طبعا

وطبعا ورتهولها وشفتو وعرفت انو جديد

وطبعا الامور مشيت عادى جدا ضحك وهزار

وطبعا اخت العريس عوزه رقم تليفون العروسه فى الخباثه

انا بصراحه معرفش ايه حكايت الخباثه معهم ايه ههههه

وخلص اليوم وعده الحمدلله

بعد قرءات الفاتحه مفيش تليفون للعروسه ولا اهل العروسه ولا حتى رنه على العروسه

فجئه بابا العروسه لقا التليفون الموبيل بيرن تررم تررم تررم

بابا العروسه : الو مين قال

جوز اخت العريس : انا فلان اللى هو جوز اخت العريس

بابا العروسه : أهلا بيك

جوز اخت العريس: يرضيك كده ان العروسه تقول ان من حقى انقى الدبله بنفسى وتتنرفز وان اخت

العروسه تقول يعنى الاجهزه قسط ينفع كده والعريس زعلان طبعا

بابا العروسه : خلاص كل شىء قسمه ونصيب

انا عوزه رئيكم فى العرسان اللى زى كده

أهــواه لــكــنــي لا أنـــظــر الـــيـــه !!!!!!

أهواه لكني لا أنظر اليه
فان كان الخوف من الذنب
فذنبي أني أهواه

وان كان الخوف من العين
فأنا أخاف من عيوني عليه
وان خفت منه حين أنظر اليه
فلا خوف أن يكون أمري بين يديه

انه الجمال ولكني المرآة
انه الادب ولكني الاخلاق
انه العلم ولكني العقل
انه التقى والطهر والعفاف

ولكني القلب
ان خاف ان يحبني
فلخوفه من الكمال
وان خاف أن يتجاهلني
فلخوفه من الضياع
فلذلك أهواه ولا أراه
يراني بحريه ولا أراه


فلماذا اكون سجين من اهواه
يقول ما يشاء من غير صمت
وأنا أكتم ما أصابني من جفاه
فهل يا ترى يهواني كما أهواه
لا كيف يا ترى كيف أنساه

لا ادري هل هو الشمس أم ضحاها
أم البدر في النصف نجم في علاه
أم أن الكون كوكب في سماه
ربما هذا النور! ربما من سماه

تـــاج هــديــه

بــســم الله الـرحـمـن الـرحـيـم

طبعا لازم ابدا الكلام بالشكر للشخصيه اللى هداتنى التاجى وهى صدقتى واختى (فــراشــه )

بقولها شكرا قوى على اللى عملتى بس بردو ليكى يوم بس مش هزعلك طبعا وهجاوب

بس انا اقصد ان انا جوبت على تاج قبل ده من (مـامـا الفـراغ ) بس علشان خطرك هجوب تانى .

أسمك وأسم مدونتك :

حياه ( الــحــلـــم الــضــائــع)

أحب الالون ؟ الارقام ؟ الايام ؟

الابيض والسماوى -رقم 4 - الخميس

برجك وتاريخ ميلادك ؟

الـعـذراء - 19-9-86

اهم مميزاتك - اهم عيوبك - وما هى الصفه التى تتمنى ان تتوافرفيك ؟

اهم المميزات : بصراحه مقدرش اتكلم عن نفسى اكيد لو حد تانى بيتكلم عنى هو الوحيد اللى يقدر يقول ده

لكن عمر ما الانسان يقدر يتكلم عن نفسه والا ده يكون مغرور شويا ده رئى

العيوب : أن اللى فى قلبى على لسانى محبش اشوف غلط واسكوت بحول اعمل حاجه سعتها

الصفه : بصراحه الصفه اللى نفسى فيها انها تتوافر عندى الطيبه الزيده علشان كل حاجه بتصعب عليا حتى لو كانت كذب او كانت صراحه وبرجع اقول الحمدلله على كل شىء

ما هو مكانك المفضل ؟

الـــبــحر

ايه هى هوايتك المفضله ؟

قراءت الخواطر الحزينه

ما الموقوله التى تؤمن بها ؟

(داين تــدان )

اجمل هديه قدمت لك من مين ؟

طبعا عمر ماكانت الهدايه تقاس بالمال بس عن نفسى اكبر هديه عندى هى ان ربنا يكون راضى عنا جميعا

دى الهديه بجد اللى اكبر من اى حاجه واحلى من اى هديه تسوى مال الدنيا كلها

اسعد يوم فى حياتك - واتعس يوم فى حياتك؟

اسعد يوم : يمكن عيشاها دلوقتى ويارب يكون الكل سعيد زى دلوقتى

اتعس يوم : لما كونت مظلومه فى حاجه انا مليش فيها بس الحمدلله ظهر انى مظلومه فى يوميها وكله بفضل ربنا سبحانه وتعالى طبعا

موقف ظريف لاينسى من ذاكرتك ؟

بصراحه مش فاكره دلوقتى بس اكيد فى مواقف كتير

معاك ثلاث وردات لمين تهديهم ؟

الورده الاولى لى ربنا سبحانه وتعالى

الورده التانيه لى اهلى واصحابى

الورده الثالثه اهديها لكل انسان معرفهوش ولا يعرفنى

معاك ثلاث رصاصات على من تطلقهم ؟

الرصاصه الاول طبعااااا (الشـيـطـان ) واتباعو

الرصاصه الثانيه بردو الشــيــطان

الرصاصه الثالثه لى اى انسان بيئذى اى حد

ايه رئيك فى كله حب ؟ ولمن تقول اجمل كلمه حب ؟

الحب - شىء جميل بس اللى يقدرو وبيعمل بيه بجد مش هزار

لمين هقولها - هقولها للانسان اللى يستحقها اكيد

هل من السهل ان تمثل الحب لشخص يحبك لعدم جرح مشاعره؟

اكيد لاء طبعا لان كده هكون بضحك عليه وبضحك على نفسى

لازم اقول الصراحه علشان ده حب مش اى كلام والحب ده بيكون اوله صراحه بيم الاتنين

لما البدايه تكون كذب يبقا ده مش حب اكيد

المرأه فى نظره الرجل ... أكمل ؟

حياته ودنيته

الرجل فى نظره المرأه... أكمل ؟

بردو حيتها ودنيتها

ما هو اسعد خبر سمعته هذا العام ؟ وما هو اتعس خبر ؟

اسعد خبر هو فرح فى بتنا

اتعس خبر ربنا ما يجيب حاجه تعيسه

لمن تهدى التاج ؟

اهدى لمين ياربى اقول بقا انا ههديه لمين

(أجــمــل لــقــا - حياه بلا أمل ) وطبعا كمان لكل الناس علشان مش انسا اى حد خالص كل المدونين بهدى التاج

حـــوار بــيــن جــلــيــســه الـشــاطــئ ومــوجــه عــالــيـه !!!!!

في يوماًمن الأيام وقت الغرووب ,كنت جالسة عند الشاطىء

أترقب الامواج وهي تتصادم

وارقب قدرت الخالق في ابداع صنعه وعظمة ملكوته
وفجأةً خرجت موجة عالية تناديني وقتها أصابني نوع من الهلع والخوف الشديد
قالت لي : لاتخافي أنا جئت أغسل همومك وافك سجن قلبك

أنثري همومك فسوف اكون لكي ناصحة

قلت لها:

أيتها الموجة العالية العطوفه أنا همومي ليس لها حل

حاولت وحاولت ولكن بدون فائده

قالت لي:افصحى ليسكن قلبك

اصابني صمتا رهيب وأنذرفت الدموع من عيني وبعد لحظات من هذا الصمت

قلت لها:

سوف احكي لكِ جزءًمن قصتي

أيتها الموجة أناأبحث عن السعادةأبحث عن الامان

قالت لي : أن شاء الله تجدية أذا وجدتي الحب

قلت لها: ماأنا فيه من الحب اصابها الدهول . قالت لي : اصحيح من الحب

قلت لها:

حبي ليس قصة عابره تمضي على مر الايام والسنين

حبي كان يجمع كل مقومات الحب الناضج وكان له ثمار لااستطيع وصفها من جمال

تلك الثمار

ونتيجة هذا استمراري في هذا الحب حطمني وهدم أحلامي

وجعلني جسدا بلا رووح حياة بلا أمل

قالت الموجه :

توجهي الى تلك الثمار سوف تجنين منها الكثر فسوف يعوضكي الله خيرا

قلت لها: هذا هدفي الان
لكن ايتها الموجة العالية

هل سوف يتجدد الامل من جديد ؟ وتلك الثمار سوف تعيش على نضارتها وصفائها ؟

ورجعت الموجة الى مكانها بدون أجابة

حـــوار الانـــســـان ومــاضـــيـــه !!!!!!

الماضي:لماذا تريد أن تنساني
الإنسان :أريد أن أبدأ من جديد.

الماضي:بدايتك يوم ولدت ونهايتك يوم تموت
الإنسان:كنت مليئا بالأحزان .

الماضي:لا اطلب منك أن تعيشني مره أخرى.ولكن اطلب منك أن تتذكرني فقط
الإنسان:كيف؟!

الماضي:تذكر ما عشته معي من سعادة فتشعر بالفرح والسرور وتذكر ما ابتليت به في زمني من أحزان فتشعر بالقوة لأنك تخطيت تلك الأحزان ومازلت صلبا وتذكر ما ارتكبته في زمني من أخطاء فتستفيد منها وتعمل على عدم تكرارها
الإنسان:أريد أن أعيش حاضري بذهن صاف.

الماضي:لولا وجودي ماكان حاضرك.. تذكر أن هذا الحاضر سيصبح في المستقبل ماضيا مثلي.فهل ستنساه حينئذ أيضا؟
الإنسان:إذا كان مليئا بالأحزان مثلك.

الماضي :لماذا أنت صامت
الإنسان:أريد أن اعترف لك بحقيقة..حاولت نسيانك كثيرا.ولكنني لم استطع فكنت تطاردني باستمرار.

الماضي:لأنني جزء منك رغما عنك فخذها مني نصيحة عندما ..تتذكر الماضي ستعيش حاضرك وتصنع المستقبل وتخلد ذكراك بأذن الله ..

عـــوزين حـــق الـــمــصــريــن !!!!!

بـــســم الــلــه الــرحــمــن الــرحــيــم

بصراحه أنا حزينه جدا من الى بيحصل للمصرين بره مصر الواحد كان عايش فى امان من غير مانسمع عن مشاكل فى الكوره ولا حتى عن اى حاجه بجد الواحد بقا خايف من اللى بيحصل فعلا انا عن نفسى مكونتش بشجع لا كوره ولا غيرو بس كونت القى بابا بيقولى ده ماتش وبلقى بيتفرج كونت اعد اقول اهو اشوف اللى بيحصل فى الماتش بس مكونتش بسمع اى مشاكل لحد ما المجازر حصلت سورى ان بقول مجازر لانها فعلا هى بقت مجزره لما شعب عربى يعمل كده يبقا بلطجه ومجزره فعلا بجد انا حزينه جدا من اللى حصل واللى الله اعلم ممكن يحصل للمصرين وغيرو الله اعلم معنى كده ان اى حد هيلعب مع الجزائر ينتظر ده ولا ده كان للمصرين فقط انا عوزه افهم ده وكل القنوات بتتكلم عن ده الا الجزيره والاستاذه منى الشاذلى فى البرنامج امس بتقول انها بتسئال فين كانت كاميرات قناه الجزيره ردو عليه بى 2 اجابه فقط اول واجابه كانت اصل المصور جالو سفر فجئه والرد التانى كان المصور تعب بعد الماتش روح نام احنا فعلا لازم نشكور قناه الجزيره على الاهتمام جدا بصراحه الواحد حزين ياعالم بكره كمان فى ايه لما توصل فى ماتش توصل لسيوف وسنج وضرب واهانه وخلع ملابس وتحرش بجد الواحد يحزن جدا على اللى حصل ده جزاء المصرين اللى كان بيفتكرو ان الجزائر اخوتهم بجد حاجه غريبه وكمان دول مش كانو مشجعين زى ما المنتخب والمشجعين بتوعنا بيقولو دول كانو رد سجون يعنى بلطجيه اكيد احنا احسن منهم بس ليه حصل ده ده كله علشان كوره ازاى فين الامن الجزائرى فى اللى كان بيحصل للمصرين فى الجزائر قيبل الماتش بيقولو موتنا واحد اللى بيقولو عليه مات هما موتوبمزجهم وفجئه صحى لوحده سبحان الله ليه كده يعنى ليه التبالى دى ده احنا قولنا مبروك على الفوز ده جزاء المصرين وكمان ايه السودان بتقول ان محصلش حاجه ازاى محصلش حاجه كويس جدا ان اولاد الريس كانو موجودين وشهدين على اللى حصل علشان غير كده مكنش حد هيصدق وكان اللى مات مات واللى اضرب اضرب احنا دلوقتى عوزين حق كل مصرى اتهان فى السودان وعوزين نرجع كرامه المصرين من تانى علشان متتكررش العمليه دى تانى هل ده هيحصل ولا ده حلم احنا بنحلمو ؟

لو حد عارف ليه حصل كده ياريت يفهمنى لان انا بجد مستغربه ده كله علشان كوره؟

امال لو حرب كان حصل ايه ؟

بنحبك يـــا مــــــصـــــــــر

شــكـرا لــكــل مـن مـر عـلـيـا الــتــاج !!!

السلام عليكم ورحمه الله وبركاته
طبعا انا حبه اشكر الاخت الفراغ على الاسئاله اللى فى التاج واسفه على التاخير
وطبعا بشكر الاخت هــمسات على ضوء الـــقمر انها وصلتهولى طبعا
ومش هطول عليكم وهبداء

بسم الله الرحمن الرحيم

انت مين بقى؟ انا انسانه بحب الهدوء وبحب راحه البال

وبحب كل الناس حتى لو كانت مش بتحبنى

بحب اسعد كل الناس بحب اشوف الكل سعيد حتى لو انا حزينه
عندك كام سنه؟ 23
هل انت متزوج ؟ وهل عندك اولاد؟ الحمدلله لا مش متجوزه -ولا عندى اولاد لسه بدرى.
دراستك ايه؟ انا بدرس معهد خطوط عربيه والحمدلله خلصت اربع سنين المعهد ودلوقتى باخد سنتين تخصص.
كم طولك...وما لونك... طولى 152 - وزنى 45- لونى خمرى
هل تمارس عملا بشهادتك ام عمل حر وماهو؟ والله نفسى ادعولى بس .
ماهى مدة عملك اليوميه؟ الحمدلله ولا ساعه لان مافيش عمل .
ماذا تفعل بوقت فراغك؟ والله اقدر اقولك معنديش فراغ الحمدلله بس لما بيكون فيه بيبقا فى جمعيه رساله.
هل لديك هوايات....وهل تمارسها؟ الانترنت .
هل تشعر برضا ربنا عنك ؟ الحمدلله .
هل تحب؟...ومن بقلبك الان؟ اكيد طبعا بحب ده اللى مش بيحب بيكون مش عايش
مين فى قلبى ؟ ربنا سبحانه وتعالى واهلى واصحابى
دول اكتر ناس بحبهم بجد الحمدلله.
لو لم تجد من تحب ....فماذا ستفعل؟ عن نفسى لو لم اجد لم ابحث عنه لان ربنا سبحان وتعالى
كاتب لكل انسان نصيبه واللى ربنا كتبه هنشوفو ده رئى.
عندما تكون فى موقف اتخاذ القرار..تخالف الجماعه.. ام تشرك معك الاخرين ؟
اكيد بستخير ربنا وبقول يارب الهمنى القرار اللى يكون صح
وممكن طبعا اتشاور مع الاخرين لو هما قالو ححجه وحسيت انها صح
وربنا سبحانه وتعالى اقنعنى بانهم بيقولو الصح يبقا ممكن.
هل تتعامل بواقعيه؟ كتيــــر بصرحه
ماهو الشيء الذى فعلته وندمت عليه طول عمرك ؟
اللى فعلا ندمت عليه انى مكونتش بصلى من وانا صغيره .
هل تصارح غيرك بالحقيقه ؟ ام ام تقول له مايريد سماعه؟
هل اصارح بالحقيقه اكيد اصارح بالحقيقه هى سعات بتجرح بس بتفوق
او اقول ما يريد يسمعه ده اكيد لا لان انا بتعبر ان ده نفاق .
صف انسان يمكن ان تحبه عمرك كله؟ اولا يكون عارف ربنا وطيب وكويس وحنين
ويكون متحمل المسئوليه وقدرنى زى ما اقدرو
وياريت يكون مش مدخن وميكونش بخيل .
متى يقسوقلبك ؟ الحمدلله مبعرفش ابدا قلبى يقسا على حد حتى لو ظلمنى.
ومتى يقسو لسانك؟ بردو مبعرفش ابدا لسانى يقسا على حد.
من هو اول من قلت له احبك؟ للكان يستهلها.
هل يمكن ان تحب احد من المدونين؟ حب اخوى اكيد لكن حب عاطفى لا انابفضل حب الاخوى لانه بيدوم.
وهل يمكن ان يكون شريك حياتك؟ بصراحه مافتكرش
ماذا تعنى لك المرأة او الرجل؟ الرجل اثاث المجتمع - المرأه بردو اثاث الحياه.
فى زمن البحث عن الماده ..عن ماذا تبحث انت ؟ ابحث عن الحياه السعيده وراحه البال .
متى تعرف انك تحب ؟ الحب موجود على طول مش ليه وقت ولا معاد.
ماهى الشخصيه التى اثرت بحياتك ؟ صديقه ليا الله يرحمها.
هل يوجد من تراه سعيدا فى الدنيا ولماذا ؟ لما بيكون الناس كلها سعيده بكون سعيده
لماذا لان مش بحب اشوف حد حزين.
سياره وسائق ووقت متاح ....تذهب الى اين ؟ ولمن ؟ بالترتيب ام تفضل ان تكون وحيدا؟
اذهب الى البحر لمن للبحر واكيد احب اكون لوحدى فى الوقت ده.
ماهى درجة صراحتك ؟ 80% الحمدلله.
وماهى المواقف التى يمكن ان تكذب فيها ؟ لما اكون بقنع نفسى بحاجه مش متاكده منها.
هل يتغير الحب بعد الزواج؟ لما بيكون الحب مبنى على وضوح وفى تفاهم ممكن مايتغيرش لكن غير كده ممكن يتغير.
فيما تفكر الان ؟ بفكر اوصل لى اخر سؤال هههههههههههه
لو لم تعيش بمدينتك؟؟؟فاى مدينه اخرى تفضلها؟ بصراحه انا بحب مديتنى بس كونت وانا صغيره
اقول لبابا ننقل بتنا ونودى اسكندريه من انا صغيره
هاااه علشان محدش يفهمنى غلط لحد دلوقتى .
من اول من ياتى ببالك لتحكى له اسرارك؟ ربنا سبحانه وتعالى طبعا وبعدين اخواتى
و اصدقائى اللى بعتبرهم عن اخواتى.
من تريد ان يكون دائما بجوارك ؟ ربنا سبحانه وتعالى واهلى اللى هما بابا وماما واخواتى .
من هو الد اعدائك؟ الحمدلله يارب ربنا ما يجيب اعداء ابدا مافيش اعداء ليا.غير واحد بس الشيطان .
ومن هو صديقك ؟ بعتبر صديقى اللى يكون جمبى فى كل الاوقات وهما طبعا معروفين.
ماهى صفات شريك العمر؟ ميكونش نرفز ويكون هادى
لو الدنيا كلها زيك....لمن تقول هذه العباره ؟ اقولها لى اى حد يستحق انى اقولهالو.
ماذا تكره فى الدنيا ؟وماذا تحب؟ اكره الانسان المنافق والكاذب والخاين
احب الانسان الصريح المرح .
كيف تواجه مايضايقكوماذا تفعل عند المفاجآت ؟ اوجه اللى يضيقنى بعتابه
افعل عند المفاجأت انبسط لو حاجه تبسط لكن لو حاجه تحزن احزن جدا.
لو معاك فلوس اكثر مما تتخيل...فماذا ستفعل بها؟ هشوف ايه اللى نقصنى وناقص اخواتى
وبعدين اطلع بابا وماما حج وبعدين ابنى دار ايتام كبير
هل الفقر يصنع حبا؟؟وماذا لو وجد الحب فى زمن الفقر المادى؟ عمر ماكانت الماده هى العائق فى الحب
ممكن فعلا الانسان يحب انسان فقير
الفقر مش عيب .
ماهى اقسى صدمه تعرضت لها حتى وقتنا هذاوماذا كان رد فعلكوهل تعلمت منها شيء؟
الحمدلله يارب ماتعرضتش لصدمات .
هل انت على استعداد لتلقى صدمات اخرى؟؟ ربنا يبعدنا عن الصدمات.
هل تصدق كل ماتقرا عن الاخرين كيف ترد على من لاتصدقه؟
مش مهم انى اصدقه المهم هو يصدق ربنا سبحانه وتعالى
اللى مش اصدقه هقول هو حر بس كله عند ربنا.
اذا احببت انسان ما ...هل تصرح له بحبك ؟وماذا تفعل لو لم يتجاوب معك؟هل تؤمن بالمثل القائل:انا احب فانا اعيش؟
ممكن اصارح بحبى ممكن اصارح لو ماتجوبش معايا بقول الحمدلله ده نصيب
ايوه طبعا لان كلنا بنحب كفايه حب ربنا سبحانه وتعالى.
ماهى القضايا التى تشغل بالك؟ بصراحه الدنيا كلها بقت قضايا مش عارفين نطلع من ولا واحده فيهم .
هل تستطيع تحقيق كل احلامك هل تمتلك طموحا...وماهو؟كيف ستحقق طموحك...ام سيبقى حلما فقط!!!!!!!!!!
الحمدلله طول ماربنا موجود ممكن ليه لا ممكن نحقق كل الاحلام لو ربنا رايد تتحقق هتتحقق .
ماهى علاقتك بالدنياماهى علاقتك بالموت؟ علقتى بالدنيا الحمدلله وعلقتى بالموت منتظراها فى اى وقت.
لو لك اختيار زمن تعيش به....فماهوذلك الزمن ؟ ولماذا ؟ اكيد كل زمن وليه وقته
بس انا اختار اعيش فى زمن زمان لان كان فيه احترام اكتر من دلوقتى.
هل يمكن ان ارا ك وانت غائب؟؟؟؟؟؟؟ ممكن ليه لا حسب الاحساس بالاخرين.
ماذا ترى فى نفسك مميزا عن الاخرين؟ انى بحب الحزن وافتكر ان مفيش حد بيحب الحزن قوى زى .
من اذا اقترب منك ...هربت منه بعيدا؟ الشــيــطان.
من تقول له : قرب منى قرب ...ياقلبى يا متغرب؟ اى حد اعرفه وبعيد عنى .
ماذا تريد ان تقوم به قبل ان تموت؟ ان ربنا يكون راضى عنى واحفظ القراءن الكريم.
مارايك فى اسئلتى؟؟؟ وبدون مجامله هل نسيت سؤال كان هاما بالنسبة لك؟
الاسئله جميله طبعا ومافتكرش انك نساتى حاجه ماشاء الله عليكى.
من يهمك ان يجاوب على هذه الاسئله؟؟؟؟؟؟؟؟؟؟؟؟؟؟؟؟؟
بصراحه يعنى مش معقوله صحبه الاسئاله تحطها ومايجيش عليها الدور فاانا بديهولك طبعا .